mmh-hornafjordur

Sumarlestur 2026

Thu, 28 May 2026 12:10:00 GMT

Nú þegar sumarið er farið að láta sjá sig er ekki úr vegi að kynna fyrir ykkur Sumarlesturinn en í ár tökum við á móti honum Gúnda Geithafri og hjálpum honum að komast yfir í gróskumikinn haga.

Á bókasafninu okkar í Nýheimum, sem og flestum almenningsbókasöfnum á Íslandi getur þú náð þér í vegabréf með korti af ferðalaginu hans Gúnda. Markmiðið er að lesa í 15 mínútur á dag og merkja þá við hvert barnið er komið á leið Gúnda í grasleitinni miklu. Við fjórða hvern lestur hafa börnin lesið í klukkustund og lenda á stjörnu. Þá geta lestrarhestarnir gert sér ferð til okkar á bókasafnið, fengið stimpil á kortið sitt og fyllt út happamiða til að setja í lukkupott. Smám saman ná börnin að heimsækja alla áhugaverðu staðina sem Gúndi ferðast um og fá stimpil fyrir. Börnin geta þá með stolti sagt: „Ég fann grasið í Grænuhlíð!“

Í lok sumars munum við halda veglega Uppskeruhátíð þar sem allir þátttakendur fá þátttökuverðlaun og einn heppinn einstaklingur verður dreginn út úr lukkupottinum og fær veglegan vinning.

Við hlökkum svo sannarlega að taka á móti öllum lestrarhestum sveitarfélagsins í sumar og taka þátt í ferðalaginu hans Gúnda geithafurs!

Teikning og hönnun er í höndum Blævar Guðmundsdóttur og nánar upplýsingar um Sumarlesturinn 2026 má finna á www.sumarlestur.is

Búsetuminjar í Austur-Skaftafellssýslu

Wed, 06 May 2026 09:27:39 GMT

Frá árinu 2020 hefur rannsóknarsvið Menningarmiðstöðvar Hornafjarðar, ásamt Þórbergssetri á Hala í Suðursveit, unnið að skráningu búsetuminja frá fyrri tíð í héraði sveitarfélagsins.

Haldið er úti vefsíðu fyrir þetta tiltekna verkefni, sem hefur slóðina www.busetuminjar.is . Þar má nú þegar finna ýmsan fróðleik um yfirgefin bæjarstæði Suðursveitar og Mýra, þar sem lágreistir tóftarveggir geta verið eini vitnisburðurinn um tilvist býlanna. Upptalningin þar er hvergi nærri tæmandi enda af nægu efni að taka.

Í verkefni sem þessu, sem unnið hefur verið með aðferðafræði fornleifaskráningar, verður til heilmikið gagnasafn. Það byggir m.a. á yfirliti um ritaðar heimildir, vettvangsgögn og ljósmyndir. Á vettvangi er aflað landupplýsingagna; nákvæm uppmæling tófta með GPS tæki ásamt því að minjar eru ljósmyndaðar. Það er gert til að staðfesta nákvæma staðsetningu og umfang minjanna. Myndir upplýsa um útlit minjanna og ekki síst vitna til ástands þeirra.

Bátanaust í landi Sléttaleitis

Strax í upphafi verkefnisins var lagt upp með að skrásetja minjarnar samkvæmt stöðlum Minjastofnunar Íslands, í þeim tilgangi að skráningin hlyti samþykki stofnunarinnar. Minjastofnun hefur fylgst með framgangi þess nánast frá byrjun, fengið kynningu á efninu og hvatt okkur til dáða. Nú hefur stofnunin samþykkt að taka við þeim vettvangsgögnum sem nú þegar liggja fyrir. Gögn sem þessi eru afar mikilvæg fyrir varðveislu menningarminja og nauðsynleg fyrir alla skipulagsgerð.

Á næstu misserum verður unnið að uppsetningu gagnanna samkvæmt skilareglum Minjastofnunar, ásamt því að halda áfram heimsóknum á yfirgefin bæjarstæði í Lóni, Nesjum og Öræfasveit.

Frá Selbakka á Mýrum

Tímabundin lokum, breytingar og spennandi tímar fram undan á Svavarssafni

Tue, 05 May 2026 13:02:19 GMT

Í kjölfar sýningarloka Nytja hefur listasafni Svavars Guðnasonar nú hefur verið lokað og verður lokað fram á haust.

Umfangsmiklar framkvæmdir eru nú farnar af stað á jarðhæð ráðhússins sem hýsir m.a. sýningar- og varðveislurými safnsins. Engar stórframkvæmdir eiga sér stað í sýningarsölum okkar en þær ná þó meðal annars til þriggja geymslu- og varðveislurýma safnsins.

Samhliða framkvæmdunum er unnið að bættri aðstöðu varðveislurýma safnkostsins. Vélsmiðjan FOSS vinnur að smíði sérhannaðar, útdraganlegar einingar sem henta varðveislurýminu vel og gerir okkur kleift að varðveita listaverkin á öruggari og faglegri hátt en áður. Með þessum og fjölbreyttum öðrum breytingum er stigið mikilvægt skref í að tryggja langtímavernd safnkostsins sem og styrkja safnið í miðlunarhlutverki sínu.

Á sama tíma hafa orðið breytingar í starfsmannahaldi safnsins og því má segja að fram undan séu nýir tímar og spennandi tækifæri í starfsemi þess. Auglýst hefur nú verið eftir sérfræðingi til starfa á safnið en viðkomandi mun leiða faglegt starf safnsins og daglega umsjón þess. Undir hatti Menningarmiðstöðvarinnar eru ólík söfn og deildir en að jafnaði er einn sérfræðingur á hverju sviði en saman myndar starfsmanna-hópurinn þverfaglegt teymi sem tekst á við fjölbreyttar áskoranir í sameiningu. Umsóknarfrestur er 18. maí en hér má sækja um starfið.

Þrátt fyrir lokun listasafnsins í sumar er nóg um að vera hjá Menningarmiðstöð Hornafjarðar.

Sumarferðir barna frá bókasafninu alla þriðjudaga verður fastur liður hjá okkur í sumar, eins og mörg undanfarin ár og þá eru aðrir fastir liðir bókasafnsins enn í fullu fjöri, foreldramorgnar, bókaklúbbur, föndurstundir o.fl.

Gamlabúð iðar einnig af lífi og þar stendur yfir byggðasafnssýningin Út úr geymslunni , þar sem íbúar hafa haft áhrif á val muna til sýningar. Þar er því sannkallað “brot af því besta“ úr safnkostinum til sýnis um þessar mundir.

Einnig má í Gömlubúð sjá handverkssýningu Margotar Gamm sem er lifandi vitnisburður um hæfileika hennar og fjölbreytta tækni í listsköpun. Margir Hornfirðingar muna eftir Margot úr textílkennslu í grunnskólanum og er sýningin því bæði persónuleg og menningarlega dýrmæt. Börn Margotar komu að uppsetningu sýningarinnra í samstarfi við listasafnið og eru öll verk sýningarinnar í eigu fjölskyldunnar.

Fram undan er svo opnun Kvískerjasýningarinnar, sem nú er í mótun og mun opna í mars 2027. Áhugasamir geta kynnt sér efnið með því að hlusta á Hlaðvarp Gömlubúðar, þar sem birt hafa verið viðtöl við aðstandendur systkinanna á Kvískerjum sem veita einstaka innsýn í líf þeirra og störf.

Skráning safngripa frá Kvískerjum

Thu, 30 Apr 2026 09:24:25 GMT

Það er erfitt að láta sér leiðast í geymslu Byggðasafns Austur-Skaftafellssýslu.

En um þessar mundir er unnið að skráningu safnmuna frá Kvískerjum, þar sem fjölbreyttir gripir segja sögu fólksins sem þar bjó. Um er að ræða safnkost sem hefur hingað til að mestu verið varðveittur í geymslu, en nú er unnið markvisst að því að fara yfir gripina, ljósmynda þá og skrá í gagnagrunn safnsins. Síðar verða munirnir skráðir inn á Sarp, þar sem myndir og lýsingar verða aðgengilegar öllum sem vilja svala forvitninni.

Dæmi um spennandi mun er þessi „View-master“ kíkir frá árinu 1949. Með honum fylgja hundruðir mynda sem hægt var að skoða í gegnum hann.

Með skráningunni verða munirnir aðgengilegri til rannsókna og miðlunar, auk þess sem hún stuðlar að betri varðveislu þeirra til framtíðar. Safnkosturinn gefur góða innsýn í líf og störf þeirra sem bjuggu á Kvískerjum. Systkinin sem þar bjuggu voru þekkt fyrir víðtækan fróðleik og fjölbreytt áhugasvið. En áhugi á náttúru, mælingum og umhverfinu skipaði stóran sess í daglegu lífi.

Í safneigninni eru allskyns tæki til mælinga, eins og til dæmis þessi kortamælir.

Þetta endurspeglast skýrt í gripunum sjálfum. Áberandi er fjöldi mælitækja, svo sem áttavita, kortamæla og skrefamæla. Reyndar svo margra að segja mætti að það hafi sjaldan verið hætta á að villast! Samhliða því má finna búnað sem tengist ljósmyndun og athugunum á umhverfinu, til dæmis myndavélar, ljósmæla, sjónauka og stækkunargler af ýmsum gerðum.

Þessi fallegi sjónauki frá 19.öld er geymdur í upprunalegum viðarkassa. Með honum fylgir handskrifað bréf þar sem kemur fram að hann hafi verið í eigu Sigurðar Ingimundarsonar.

Einnig eru til staðar teikni- og skrifáhöld, handskrifuð bréf og leiðbeiningar sem bera vitni um nákvæmni og áhuga á skráningu. Í mörgum tilvikum fylgja gripunum jafnvel nákvæmar lýsingar sem hafa verið skráðar af eigendunum sjálfum, svo segja má að ákveðinn hluti skráningarvinnunnar hafi þegar verið unninn.

Hér er gott dæmi um merkingarnar sem fylgja sumum safngripum. „Þessi spegill var í Skoska togaranum Banffsire sem strandaði 16.1.1905. Var síðan í stofunni á Kvískerjum, þar til hún var rifin 1945“

Í safninu má sjá fjölbreytt handverk og heimagerða muni, þar sem sköpun og nytsemi fara saman. Þarna er fjöldi verkfæra og áhalda sem hafa verið smíðuð á staðnum, oft til að einfalda dagleg störf heimilisfólks. Þar má einnig finna skýr dæmi um endurnýtingu. Efniviður sem féll til hefur verið nýttur á skapandi hátt til að búa til nýja og gagnlega hluti.

Endurnýting af bestu gerð. Hér er búið að breyta brúsa undan hárlakki í bolla. Hann er léttur og þægilegur, svo kannski hefur hann verið notaður sem ferðamál.

Í geymslunni eru hillur merktar eftir herbergjum íbúanna á Kvískerjum, sem gefur ákveðna mynd af skipulagi heimilisins. Um leið má sjá hvernig áhugasvið skarast og fléttast saman, þar sem sambærilegir hlutir og viðfangsefni birtast á fleiri en einum stað, eins og hugmyndirnar hafi átt það til að ferðast á milli herbergja.

Verkefnið er liður í áframhaldandi vinnu safnsins við að skrá og varðveita safnkost sinn og miðla sögu og menningu svæðisins. Valdir gripir munu svo fá að njóta sín á sýningu sem opnar í Gömlubúð í mars 2027.

Barnamenningardagar á Suðurlandi haldnir í fyrsta skipti

Mon, 20 Apr 2026 13:46:06 GMT

Barnamenningardagar á Suðurlandi fara fram dagana 22.–26. apríl næstkomandi, í kringum sumardaginn fyrsta.

Þá verður líf og fjör víðs vegar um landshlutann þar sem börn og fjölskyldur fá tækifæri til að njóta fjölbreyttrar menningar og taka virkan þátt í skapandi starfi. Hátíðin byggir á sterkri hefð, en í ár er sérstök áhersla lögð á að börn og ungmenni séu í forgrunni sem hugmyndasmiðir og listamenn. Lögð er áhersla á að þau fái að skapa, upplifa og njóta menningar á sínum eigin forsendum.

Sveitarfélög um allt Suðurland taka þátt í hátíðinni og móta sína eigin dagskrá, sem tryggir að viðburðirnir endurspegli nærumhverfi barna á hverjum stað. Á dagskrá eru meðal annars vinnustofur, sýningar, tónlist, ljósmyndun og fjölskylduviðburðir þar sem gleði og sköpun ráða ríkjum. Sameiginlegt verkefni hátíðarinnar í ár er ljósmyndaverkefnið „Suðurland með augum barna“, þar sem börn eru hvött til að fanga sitt umhverfi á mynd og veita þannig innsýn í upplifun þeirra á samfélagi, náttúru og daglegu lífi.

Í Hornafirði verður einnig boðið upp á fjölbreytta dagskrá í tilefni daganna, þar sem börn geta meðal annars tekið þátt í Fab Lab námskeiði, listasmiðjum með Krakkaklúbbnum Kóbru, tekið þátt í vegglistaverki í félagsmiðstöðinni Þrykkjunni og notið umhverfistengdrar dagskrár á bókasafninu. Þá verður haldin ljósmyndakeppni undir yfirskriftinni „Hornafjörður með augum barna“, þar sem börn og ungmenni keppa í þremur aldursflokkum og eiga kost á verðlaunum, en bestu myndirnar fara áfram í sameiginlega stafræna sýningu fyrir allt Suðurland.

Barnamenningardagar eru því kjörið tækifæri fyrir fjölskyldur til að njóta samveru, sköpunar og menningar og eru allir hvattir til að fylgjast með dagskránni og taka þátt í hátíðinni.

Vika 17 á almenningingsbókasöfnum

Mon, 20 Apr 2026 12:46:39 GMT

Vika 17 er alþjóðleg vika heimsmarkmiðanna á almenningsbókasöfnum, en hún fer fram í 17. viku ársins.

Þessi vikutalning segir okkur Íslendingum yfirleitt ekki margt enda tölum við alla jafna um dagsetningar en ekki vikunúmer. Það ætti því ekki að koma þeim sem til þekkja á óvart að verkefnið á uppruna sinn að rekja til Danmerkur en í dag taka hátt í 200 bókasöfn frá 10 mismunandi löndum þátt.

Vikan sem umræðir ber dagsetningar 20.-25.apríl 2026 er því um það bil að hefjast!

Heimsmarkmiðin eru mörg og fjölbreytt. Þau eru samþætt og órjúfanleg og mynda jafnvægi milli þriggja stoða sjálfbærrar þróunar; hinnar efnahagslegu, félagslegu og umhverfislegu.

Í tilefni vikunnar eru ýmsir viðburðir tengdir heimsmarkmiðunum á dagskrá bókasafna vítt og breytt um landið, til að mynda skiptimarkaðir, plokkbingó og smiðjur.

Við hér á Höfn látum okkar ekki eftir liggja og bjóðum upp á allskonar skemmtilega afþreyingu á bókasafninu í tilefni Viku 17. Sem dæmi má nefna Plokkbingó , þar sem við hvetjum börn og fullorðna til að fara út og finna rusl af ákveðinni tegund og reynum þannig að vekja áhuga barna og fullorðinna á því að hreinsa upp rusl í kringum sig. Þá munum við endurnýta gamlar og ónýtar bækur með því að bjóða upp á föndur þar sem við nýtum blaðsíður bókanna. Einnig drögum við fram fræsafnið okkar þar sem gestum safnsins er boðið að fá gefins fræ sem aðrir gestir hafa ekki not fyrir og hafa skilið eftir á safninu.

Nú sem ávallt hlökkum við til að taka á móti ykkur á bókasafni Menningarmiðstöðvar Hornafjarðar.

Opnunartími bókasafnsins er eftirfarandi en minnum á að safnið verður lokað á fimmtudaginn þegar við fögnum sumardageginum fyrsta:

Mánudagur – fimmtudagur kl.10-17
Föstudagur kl.11-15
Laugardagur kl.11-15

Starfsfólk Bókasafnsins

Útgáfa Skaftfellings heldur áfram

Wed, 01 Apr 2026 15:19:56 GMT

Vinna við næstu útgáfu Skaftfellings, þá 25. í röðinni, er nú hafin af fullum krafti.

Skaftfellingur hefur í gegnum árin gegnt mikilvægu hlutverki í skráningu og miðlun sögu, mannlífs og menningar í sveitarfélaginu og heldur áfram að þróast og vaxa með þátttöku heimafólks.

Ritstjórn hvetur alla áhugasama íbúa og aðra sem tengjast svæðinu til að leggja sitt af mörkum. Hvort sem um er að ræða greinar, frásagnir, myndir, minningar eða hugmyndir að efni, þá eru öll framlög vel þegin. Sérstaklega er kallað eftir efni sem varpar ljósi á daglegt líf fyrr og nú, staðhætti, atvinnulíf og persónulegar sögur sem annars gætu glatast. Áhugasöm eru hvött til að hafa samband við Kristínu Völu, forstöðumann Menningarmiðstöðvar Hornafjarðar sem jafnframt er ritstjóri útgáfu Skaftfellings, til að ræða hugmyndir eða senda inn efni.

Samhliða undirbúningi nýrrar útgáfu hefur verið tekið saman efnisyfirlit yfir alla 24 árganga Skaftfellings. Þessi samantekt er nú orðin aðgengileg öllum sem vilja kynna sér það fjölbreytta efni sem birst hefur í ritinu í gegnum tíðina hér á vef Menningarmiðstöðvarinnar (Hlekkur) . Efnisyfirlitið auðveldar leit að greinum og umfjöllun um tiltekin málefni, einstaklinga eða atburði og er því mikilvægt verkfæri fyrir bæði fræðimenn og áhugafólk. Jafnframt eru allir útgefnir árgangar Skaftfellings aðgengilegir á bókasafni sveitarfélagsins.

Með útgáfunni skapast vettvangur fyrir íbúa til að segja sínar sögur og varðveita minningar fyrir komandi kynslóðir. Ritnefnd vonast til að sem flestir sjái sér fært að leggja verkefninu lið.

Kristín Vala Þrastardóttir
forstöðumaður Menningarmiðstöðvar Hornafjarðar og ritstjóri Skaftfellings

Fjölbreytileikavikan á MMH 2026

Tue, 24 Mar 2026 09:50:38 GMT

Nú er hin frábæra fjölbreytileika vika hafin og Bókasafn Menningarmiðstöðvarinnar hefur skipulagt þrjá mismunandi viðburði af því tilefni.

Við riðum á vaðið um síðustu helgi og héldum viðburðinn KVENNABORÐIÐ síðastliðinn laugardag, sem byggt er á sambærilegu verkefni W.O.M.E.N. – samtökum kvenna af erlendum uppruna á Íslandi. Eirný Valsdóttir hélt utan um viðburðinn fyrir okkar hönd og fór hann fram úr okkar björtustu vonum. Mætingin var góð og umræðurnar enn betri. Við höfum strax ákveðið að endurtaka leikinn þann 25.apríl n.k. og vonandi verða þetta mánaðarlegir viðburðir um ókomna tíð.

Næstkomandi fimmtudag, 26. mars kl.20, verður annar viðburðurinn okkar haldinn í tilefni af Fjölbreytileika vikunni en það er kynning á bókinni Fröken Dúlla sem fjallar um Jóhönnu Knudsen sem kölluð var Dúlla af ástvinum sínum, en hún var alræmd vegna rannsókna hennar á siðferðisástandinu í Reykjavík á árum seinni heimsstyrjaldar. Nærgöngular yfirheyrslur hennar yfir stúlkum sem grunaðar voru um samneyti við erlenda hermenn hafa verið kallaðar umfangsmestu persónunjósnir Íslandssögunnar.

Í kjölfar bókakynningarinnar verður boðið upp á umræður með Kristínu Svövu, sagnfræðing og höfund bókarinnar, þar sem við horfum til baka á viðbrögðin við „ástandinu“. Hverjir voru það sem knúðu bæði umræðuna og aðgerðirnar áfram og hverjar voru forsendurnar? Má segja að í grunninn hafi verið um að ræða neikvæða umræðu um kynfrelsi kvenna en líka tilraunir í barnaverndarmálum á meðan það kerfi var á frumstigi?

Því miður hefur kvenfrelsi og fjölbreytileikinn hafa átt undir högg að sækja í heiminum í dag og ekki síður á Íslandi. Okkur á Menningarmiðstöðinni þótti því vert að skoða söguna og skoða hvort við getum ekki lært af henni.

Síðasta viðburð Menningarmiðstöðvarinnar í Fjölbreytileikavikunni þarf vart að kynna fyrir Hornfirðingum en síðustu ár höfum við sett upp ljósmynda studio í afgreiðslu bókasafnsins þar sem gestum og gangandi er boðið að fá tekna af sér andlitsmynd. Markmiðið er að sýna hversu frábær, falleg og fjölbreytt við erum hér í Hornafirði. Ljósmyndirnar munu prýða veggi Nýheima næstu vikur eftir að Fjölbreytileikavikunni lýkur.

Í lokin viljum við minna á að opnunartími bókasafnsins er eftirfarandi:

Mánudagur – fimmtudagur kl.10-17
Föstudagur kl.11-15
Laugardagur kl.11-15

Við hlökkum til að taka á móti ykkur nú í Fjölbreytileikavikunni sem og alla aðra daga.

Starfsfólk bókasafns Menningarmiðstöðvar Hornafjarðar

Út úr geymslunni, íbúar hvattir til að hafa áhrif á nýja safnasýningu

Wed, 18 Mar 2026 14:17:36 GMT

Byggðasafn Hornafjarðar hefur hrundið af stað nýju og spennandi verkefni undir yfirskriftinni  „Út úr geymslunni“ , þar sem markmiðið er að færa gripi úr geymslu aftur fyrir augu almennings

Safneignin hefur að stórum hluta verið í geymslu frá árinu 2012, en nú stendur til að breyta því með yfirstandandi sýningu í Gömlubúð. Sýningin er sífelldri þróun og er liður í undirbúningi nýrrar grunnsýningar safnsins sem áætlað er að opni í mars 2027.

Sérstaða verkefnisins felst í virkri þátttöku íbúa. Safnið leitar eftir hugmyndum frá íbúum sveitarfélagsins um hvaða muni eigi að taka fram og sýna tímabundið á sýningunni. Þeir eru hvattir til að deila hvaða gripi þeir hafi saknað, hvaða hlutir hafi staðið upp úr í gamla Byggðasafninu og hvað þeir vilja sjá aftur. Ekki síst eru þeir hvattir til að fara í Gömlubúð fari svo að munur sem þau völdu komi út úr geymslunni.

Að sögn safnvarða hafa gestir í gegnum tíðina oft spurt um ákveðna muni, svo sem gullmyntir, seli, skjaldbökur og jafnvel húdd af bílum. Slíkar ábendingar geta nú haft bein áhrif á uppsetningu sýningarinnar.

Búið að er óska eftir tillögum á facebook síðu safnsins:

https://www.facebook.com/profile.php?id=61584748300110

Þar var fyrsta óskin hluti af húddi 007 James Bond bíls sem brunað var um á Jökulsárlóni. Búið er að koma því fyrir í móttöku Gömlubúðar ásamt QR kóða þar sem hægt að að skoða atriðið úr kvikmyndinni “Die Another day” á Youtube.

Tillögum má skila í gegnum netfangið byggdasafn@hornafjordur.is. Þótt pláss sé takmarkað þar sem um er að ræða einungis aðra hæð Gömlubúðar leggja safnverðir áherslu á að allar hugmyndir skipti máli.

Það er mikið um viðburði í Gömlubúð þessa dagana- tónlist, sýningar og listasmiðjur en opið er þar alla daga vikunnar frá 14-20.

Hanna Whiteahead
Byggðasafnsvörður

Menningarhátíð Hornafjarðar 24 verkefni hlutu styrk

Mon, 09 Mar 2026 15:10:04 GMT

Menningarhátíð Sveitarfélagsins Hornafjarðar fór fram með hátíðlegri athöfn í Nýheimum síðastliðinn föstudag, 6. mars.

Þar komu íbúar og gestir saman til að fagna menningarstarfi í sveitarfélaginu, veita viðurkenningar og afhenda styrki til fjölbreyttra verkefna sem efla samfélagið. Hátíðin markar uppskerustund menningarlífsins í Hornafirði þar sem dregið er fram það fjölbreytta starf sem á sér stað í sveitarfélaginu og þakkað fyrir framlag þeirra sem leggja sitt af mörkum til að gera samfélagið lifandi og skapandi. Sigurjón Andrésson bæjarstjóra Hornafjarðar setti hátíðina en í ávarpi sínu lagði hann áherslu á mikilvægi menningar í samfélaginu og sagði hana vera hjartslátt þess, hún sameini fólk, skapi tækifæri til þátttöku og gefi samfélaginu líf og lit.

Umhverfisviðurkenningar sveitarfélagsins
Ár hvert auglýsir sveitarfélagið eftir tilnefningum til umhverfisviðurkenninga fyrir einstaklinga, félagasamtök, fyrirtæki eða stofnanir sem hafa skarað fram úr í umgengni við náttúru og umhverfi og lagt sitt af mörkum til verndunar þess í samfélaginu.

Að þessu sinni voru veittar þrjár viðurkenningar:
Körfuknattleiksdeild Sindra hlaut viðurkenningu fyrir framlag sitt til endurvinnslu en deildin sinnir vikulegri dósamóttöku endurvinnslunnar og stuðlar þannig að aukinni endurvinnslu, minni sóun og betri nýtingu auðlinda í samfélaginu.

Leikskólinn Sjónarhóll fékk viðurkenningu fyrir snyrtilegt og vel hirt umhverfi leikskólans og þá áherslu sem lögð er á að skapa fallegt og hlýlegt nærumhverfi fyrir börn og starfsfólk. Sérstaklega var bent á nýja viðbyggingu leikskólans sem er fyrsta svansvottaða byggingin í sveitarfélaginu.

Þórgunnur Torfadóttir og Ásgrímur Ingólfsson, eigendur sumarbústaðarins Karlsfells í Lóni, hlutu viðurkenningu fyrir metnaðarfulla ræktun lands, trjárækt og snyrtimennsku sem fellur vel að náttúru svæðisins og er góð fyrirmynd í umhverfisvernd.

Atvinnu- og rannsóknarsjóður
Að venju er úthlutað úr atvinnu- og rannsóknarsjóði á Menningarhátíð sveitarfélagsins. Meginhlutverk sjóðsins er að efla byggð og atvinnu og þá er sjóðnum ætlað að veita styrki til verkefna sem lúta að atvinnuþróun, rannsóknum og nýsköpun í Sveitarfélaginu Hornafirði. Umsjón sjóðsins er í höndum atvinnu- og menningarmálanefndar.

Verkefni sem hlutu styrk úr sjóðnum í ár eru:

HLS ehf. - Eystrahorn héraðsfréttamiðill – endurvakning – 623.466 kr
Náttúrustofa Suðausturlands ses - Hin óþekktu víðerni - 235.199 kr
Samtök smáframleiðenda matvæla - Beint frá býli dagurinn á Hólmi Farm, Hornafirði - 250.000 kr
Grænalaut nýsköpun ehf. - (steam) Blast the Bast - 150.000 kr
Ágústa Arnardóttir - Hvað ætla ég að gera? Stuttmynd - 300.000 kr

Nýtt fyrirkomulag verkefnastyrkja sveitarfélagsins

Á hátíðinni voru verkefnastyrkir sveitarfélagsins veittir í fyrsta sinn samkvæmt nýju fyrirkomulagi þar sem styrktarsjóðir atvinnu- og menningarmálanefndar og fræðslu- og frístundanefndar hafa verið sameinaðir í verkefnastyrki sveitarfélagsins. Markmið sjóðsins er að styðja við afmörkuð verkefni og viðburði sem hafa sýnileg áhrif á menningarlíf og samfélag í sveitarfélaginu.

Alls hlutu 19 verkefni styrk að þessu sinni, samtals að fjárhæð 5 milljónir króna.

Verkefni sem hlutu verkefnastyrk 2026:

785 FhM ehf – Hvað gera þessar býflugur? – 100.000 kr
Alice Sowa – Lupine Composites – 100.000 kr
Kvennakór Hornafjarðar – Söngur um allar sveitir – 100.000 kr
Rósa Sigrún Jónsdóttir – Tíminn býr í efninu – 100.000 kr
Félag eldri Hornfirðinga – Útskurður og trérennismíði – 150.000 kr
Ungmennafélag Öræfa – Kórastarf í Öræfum – 150.000 kr
Samkór Hornafjarðar – Kóraheimsókn, styrkja tengslin – 150.000 kr
Agnar Jökull Imsland Arason – Kynning á svepparæktun í heimabyggð – 200.000 kr
Blús og rokklúbbur Hornafjarðar – Norðurljósablús – 200.000 kr
Tjörvi Óskarsson – Hljóð og Náttúra – Jöklar í breytingu – 200.000 kr
Félag harmonikkunenda á Hornafirði og nágrenni – Hagyrðingakvöld F.H.U.H. 2026 – 250.000 kr
Leikfélag Hornafjarðar – Ekki er komið nafn á leikritið sem á að sýna – 250.000 kr
Foreldrafélag GH og Sjónarhóls – Litahlaup – 250.000 kr
Florent Irion – Ice Climbing Movie/Documentary: 'Lonid – Climbing Icebergs' – 250.000 kr
Svanhvít Helga Jóhannsdóttir – Öræfahlaupahátíð – 250.000 kr
Hanna Dís Whitehead – Krakkaklúbburinn Kóbra kynnist Kvískerjum – 300.000 kr
Sædís Harpa Stefánsdóttir – Ljóðakistan – Ljóð og Lag ferðast um landið – 300.000 kr
Grunnskóli Hornafjarðar og foreldrar – Legóferð Grunnskóla Hornafjarðar – 700.000 kr
Graffíll, félagasamtök – Graffíll 2026 – 1.000.000 kr

Menningarverðlaun Hornafjarðar
Aðalverðlaun hátíðarinnar eru Menningarverðlaun Sveitarfélagsins Hornafjarðar. Verðlaunin eru veitt árlega sem viðurkenning fyrir eftirtektarvert framlag á sviði lista og menningar í sveitarfélaginu. Markmið þeirra er jafnframt að hvetja til áframhaldandi eflingar menningar- og listastarfs í Hornafirði.

Verðlaunin geta fallið í skaut einstaklings, hóps, samtaka eða stofnunar sem hefur skarað fram úr á sviðinu. Þau eru veitt í formi heiðursskjals og ákveðin af atvinnu- og menningarmálanefnd sveitarfélagsins. Íbúar voru hvattir til að senda inn tilnefningar í gegnum íbúagátt sveitarfélagsins og voru sjö tilnefndir að þessu sinni.

Tilnefnd til menningarverðlauna 2026 voru:

Ágústa Margrét Arnardóttir
Björn Gísli Arnarson
Hornfirskir tónlistarmenn
Jóhanna Stígsdóttir
Jón Haukur Hauksson
Karl Skírnisson
Sigurður Pálmi Hafþórsson

Menningarverðlaun ársins hlýtur Sigurður Pálmi Hafþórsson fyrir hugmynd sína, frumkvæði og dugnað við framkvæmd Graffíls - listahátíðar ungs fólks. Hátíðin fór fram síðasta sumar og hefur vakið athygli sem vettvangur fyrir unga listamenn og skapandi starf í samfélaginu. Graffíll er aftur á dagskrá á Höfn 18. júlí n.k. og hvetjum við íbúa til að taka daginn frá.

Menningarhátíð Hornafjarðar undirstrikar þann kraft sem býr í menningar-starfi sveitarfélagsins og hvetur til áframhaldandi sköpunar, þátttöku og þróunar nýrra verkefna sem styrkja samfélagið til framtíðar. Kærar þakkir til allra þeirra sem leggja sitt af mörkum til eflingar samfélagsins okkar.

Menningarhátíð sveitarfélagsins 2026

Tue, 03 Mar 2026 10:14:29 GMT

Menningarhátíð sveitarfélagsins verður haldin í Nýheimum föstudaginn 6.mars kl.17:00.

Veittir verða fjölbreyttir styrkir, viðurkenningar nefnda sveitarfélagsins og menningarverðlaun ársins verða tilkynnt.
Dagskrá: Sigurjón Andrésson bæjarstjóri setur hátíðina.

Afhending umhverfisviðurkenninga. Hjördís Edda Olgeirsdóttir, formaður Umhverfis- og skipulagsnefndar afhendir.
Afhending styrkja úr Atvinnu- og rannsóknarsjóði. Steindór og Tinna - varaformaður nefndar og nefndarmaður afhenda.
Tónlist frá Norðurljósablúshátíð: Eyþór Ingi og Óskar úr Vintage Caravan.
Afhending Verkefnastyrkja. Sigrún Sigurgeirsdóttir og Þóra Björg Gísladóttir, formenn atvinnu- og menningarmálanefndar og varaformaður fræðslu- og frístundanefndar afhenda.
Afhending menningarverðlauna Sigrún Sigurgeirsdóttir, formaður Atvinnu- og menningarmálanefndar afhendir.
Tónlist: Siggi Graffíll

Öll velkomin!

Menningarsaga Breiðamerkursands

Mon, 02 Mar 2026 09:34:44 GMT

Á síðustu öldum hafa Breiðamerkurjökull og árnar sem frá honum renna, mótað Breiðamerkursand með þeim hætti, að landslag er gjörbreytt frá því sem var við landnám.

Á landnámsöld var blómleg byggð á sandinum: „og lengi þar á eftir fagurt hérað, grösug og víða vaxin skógi með fjölmörgum bæjum. En nú er þar sandauðn“, segir í lýsingu Eggerts Ólafssonar og Bjarna Pálssonar á svæðinu í ferðabók sinni frá 1772. Framrás Breiðamerkurjökuls á litlu-ísöld (1300-1900) olli því að jarðir í Öræfum og Suðursveit lögðust í eyði, sumar þeirra misstu tún og slægjulönd í jökulaur og bleytu en aðrar fóru að öllu leyti undir jökul.

Hversu vel þekkjum við menningarsögu Breiðamerkursands?

Breiðamerkursandur er í landnámi Hrollaugs Rögnvaldssonar er nam land frá Horni að Kvíá og gaf Þórði illuga Eyvindarsyni land milli Jökulsár og Kvíár. Þórður bjó undir Felli við Breiðá, en bær hans er talinn hafa verið Fjall við Bæjarsker undir Breiðamerkurfjalli. Sandurinn er kenndur við bæinn Breiðá eða Breiðármörk sem var höfuðból á söguöld og kemur fyrir í Njálu. Búsetusögu Fjalls og Breiðár lauk undir lok 17. aldar vegna Breiðamerkurjökuls. Við austurjaðar Breiðamerkursands stóð stórbýlið Fell undir Fellsfjalli, vestasta jörðin í Suðursveit. Um 1700 voru ekki færri en fjórar hjáleigur í ábúð í landi Fells, en flestar þeirra komnar í eyði á 19. öld, sem og heimajörðin sjálf. Fellsbæinn tók af í miklum vatnagangi í Veðurá 1869.

Vissir þú: að fyrsta skipsstrandið við strendur Suðursveitar sem sögur fara af, er þegar Þórður illugi braut skip sitt við Breiðársand á landnámsöld.

Vissir þú: að á fornbýli Kára Sölmundarsonar – Breiðá, bjó Özur Hróaldsson, frændi Síðu-Halls um árið 1000. Talið er víst að Özur hafi reist kirkju að Breiðá en hennar er ekki getið fyrr en í máldaga 1343.

Undir Kambsmýrarkambi stóðu selshús frá Kvískerjum.

Nú er unnið að skrásetningu sögu Breiðamerkursands með tilliti til menningarminja, frá landnámi til okkar daga. Sagan er stundum eini vitnisburðurinn um þá blómlegu byggð sem stóð undir suðaustanverðum Vatnajökli frá landnámstíma og fram undir loka 19. aldar. Saga samgangna yfir Breiðamerkursand á sér varla hliðstæðu í íslenskri sögu. Nærri 40 km af torfærum í vatnsflaumi og foraði, að menn tóku að ryðja sér leið yfir jökulinn til að komast fyrir illræmda Jökulsá.

Tilgangur þessa verkefnis er að vekja athygli og áhuga fólks á þeirri sérstöku sögu mannvistar úr héraði Öræfa og Suðursveitar, búsetu sem var með allt öðrum hætti en tíðkast í dag.

Vissir þú: að Fell var höfuðból og sýslumannssetur um langan tíma. Fells er ekki getið í Landnámu en kemur fyrst fyrir í ritheimildum á 16. öld. En hver var fyrsti ábúandinn? Var það e.t.v. Hrollaugur sjálfur, eftir að hann seldi Breiðabólstað Úlfi vorska landnámsmanni á Skálafelli?

Vissir þú: að undir Nýgræðuöldum standa leifar sæluhúss, grjóthlaðin tóft Nýgræðnahússins sem reist var 1911. Húsið var ætlað ferðamönnum að leita skjóls í á ferðum yfir sandinn. Efniviður þess reyndist ekki endingargóður, núnir hleðslusteinar og hnausar úr sandi og leir. Fór svo að húsið sem þjónaði hlutverki sínu í 15 ár, bókstaflega „rann út í sandinn“.

Undir Kambsmýrarkambi stóðu selshús frá Kvískerjum.

Sumarstörf óskast á bókasafn og í Gömlubúð!

Thu, 26 Feb 2026 15:45:48 GMT

Hægt er að sækja um þessi sumarstörf hjá Menningarmiðstöð Hornafjarðar.

Nýr starfsmaður á Byggðasafni

Wed, 25 Feb 2026 14:30:48 GMT

Menningarmiðstöð Hornafjarðar hefur ráðið Birnu Jódísi Magnúsdóttur tímabundið til starfa í 50 % starfshlutfall við Byggðasafn Austur-Skaftafellssýslu.

Með ráðningu hennar og Hönnu Dísar Whitehead er því er búið að fylla 100 % stöðugildi við safnið. Ráðningin markar mikilvægan áfanga í starfseminni, enda hefur verið unnið markvisst að því að styrkja innviði safnsins á undanförnum misserum. Báðar eru þær ráðnar tímabundið fram yfir sýningaropnun nýrrar sýningar í mars 2027.

Birna mun sinna fjölbreyttum verkefnum en megináhersla hennar verður á skráningu muna í geymslu safnsins til birtingar á Sarpi. Skráning og faglegt utanumhald safnmuna er ein af undirstöðum safnastarfs. Með skráningu er tryggt að upplýsingar um uppruna, sögu og ástand muna varðveitist og að gripir séu aðgengilegir til rannsókna, sýningagerðar og fræðslu.

Nýverið fékk safnið jafnframt góða heimsókn þegar forvörðurinn Nathalie Jacqueminet kom og fór yfir geymslumál með starfsfólki. Sú yfirferð var bæði afar fræðandi og skemmtileg og veitti dýrmæta innsýn í hvernig megi bæta aðstæður, verklag og langtímavarðveislu safnkostar. Heimsóknin styrkir enn frekar þá vinnu sem nú stendur yfir við að efla skráningu og umhirðu muna og fellur vel að áherslum Birnu í hennar starfi.

Á sama tíma hefur verið hafist handa við nýja sýningu, „Út úr geymslunni“ í Gömlubúð. Þar gefst gestum kostur á að skyggnast á bak við tjöldin og kynnast því ferli sem liggur að baki uppbyggingu nýrrar grunnsýningar safnsins sem mun opna í Gömlubúð í mars 2027.

Byggðasafn Austur-Skaftafellssýslu gegnir mikilvægu hlutverki í menningarlífi svæðisins. Með auknum slagkrafti og áherslu á faglega umhirðu og metnaðarfulla sýningagerð er safnið vel í stakk búið til að takast á við komandi verkefni.

Starfsfólk Menningarmiðstöðvar Hornafjarðar býður Birnu Jódísi Magnúsdóttur hjartanlega velkomna til starfa og hlakkar til samstarfsins. Ljóst er að koma hennar mun styrkja safnið enn frekar og styðja við áframhaldandi uppbyggingu og þróun í þágu samfélagsins og menningararfs svæðisins.

Líflegir tímar fram undan í Gömlubúð

Tue, 24 Feb 2026 15:30:54 GMT

Veturinn og haustið hefur verið fremur rólegt hvað varðar komu ferðamanna í Gömlubúð. Þrátt fyrir minni umferð hefur starfsemin verið virk og ýmislegt átt sér stað sem hefur vakið athygli og ánægju gesta.

Í vetur var til dæmis sett upp ný jólasýning í Gömlubúð með nokkrum jólamunum frá byggðasafninu. Sýningin vakti mikinn áhuga og gleði meðal gesta á öllum aldri. Sérstaklega var gaman að taka á móti nokkrum skólahópum sem heimsóttu sýninguna yfir hátíðarnar. Nemendur fengu tækifæri til að skoða gamla muni og ræða hvernig jólahald hefur breyst í gegnum árin. Slíkar heimsóknir eru dýrmætur hluti af starfi hússins og skapa lifandi tengingu milli fortíðar og yngri kynslóða sveitarfélagsins.

En nú er undirbúningur fyrir sumarið byrjaður og í sýningarrými Gömlubúðar verður lögð áhersla á lifandi sýningu sem ber heitið „Út úr geymslunni“ – Innsýn í ferli, áherslur og sýningarhönnun“ .

Sýningin þróast samhliða rannsóknarvinnu við nýja grunnsýningu safnsins og áherslusýningu um Hálfdán Björnsson frá Kvískerjum og fjölskyldu hans, en þær tvær sýningar munu opna í mars 2027. Fram að því verður rannsókn og hönnun sýninganna miðlað til gesta jafnóðum og verkefnið mótast, með það að markmiði að kalla fram frekari upplýsingar og fróðleik frá íbúum sveitarfélagsins.

Markmiðið er að veita gestum innsýn í lifandi og skapandi ferli þar sem hugmyndir, áherslur og lausnir eru stöðugt endurskoðaðar. Ferlið sjálft verður gert sýnilegt – sýningin mótast jafnt og þétt og gestir fá að fylgjast með þróuninni frá fyrstu hugmynd að fullmótaðri sýningu.

Gamlabúð er hús samfélagsins og er mikilvægt að íbúar nýti það sem vettvang fyrir menningu og mannlíf. Stefnt er að því að halda fjölbreytta viðburði í sumar og eru félagsamtök, hópar og einstaklingar hvattir til að nýta opnunartíma hússins til að halda kynningar, fundi eða aðra viðburði tengd sinni starfsemi.

Starfsfólk Gömlubúðar tekur vel á móti hugmyndum og samstarfi í gegnum netfangið gamlabud@hornafjordur.is.

Norðurljósablús

Wed, 18 Feb 2026 11:11:43 GMT

Norðurljósablúshátíðin hefur fest sig í sessi sem árlegur tónlistarviðburður á Höfn þar sem blús og rokk fá að njóta sín í allri sinni breidd. Hátíðin hefur verið haldin reglulega og dregið að sér bæði heimafólk og gesti sem vilja upplifa lifandi og skemmtilega tónlist og eiga góða stund með sínu fólki.

Einn mikilvægur þáttur hátíðarinnar er sambland aðkomusveita og hljómsveita sem starfa í sveitarfélaginu. Það skiptir miklu máli fyrir bönd sem starfa hér að geta tekið þátt í hátíðinni og deilt sviði með öflugasta tónlistarfólki landsins, bæði til að efla metnað og hvatningu og ekki síður til að mynda dýrmæt tengsl.

Dagskráin í ár er ekki af verri endanum! Eyþór Ingi og Óskar Logi sameina krafta sína, en báðir eru þeir landsþekktir tónlistarmenn sem hafa unnið marga eftirminnilega sigra á sínum tónlistarferli.

Við þekkjum öll Þorkel og Björgu sem hafa verið dugleg að spila fyrir Hornfirðinga, auk þess að halda Blúsbrælutónleika reglulega á Hafinu. Það verður spennandi að sjá þau koma fram á hátíðinni.

Blússveitin Refill , skipuð Sigurgeiri Sigmundssyni gítarleikara (Start, Gildran, Drísill o.fl.), Sigurði Sigurðssyni (Ebenezer) og fleiri úrvals tónlistarmönnum, mun spila á hátíðinni. Sigurður er einn fremsti blússöngvari landsins og framúrskarandi munnhörpuleikari.

Svo er það endurkoma hornfirsku hljómsveitarinnar The Cha Cha Cha's sem skipuð er þeim Júlíusi, Friðriki, Birgi og Aroni. The Cha Cha Cha's hafa spilað þrisvar áður á blúshátíðinni og munu pottþétt rífa þakið af húsinu.

Einnig mun GG Blús stíga á svið, rokkaður blúsdúett skipaður Guðmundi Jónssyni á gítar og söng og Guðmundi Gunnlaugssyni á trommur og söng. Þessir nafnar hafa marga fjöruna sopið í íslensku tónlistarlífi og starfað í hljómsveitum á borð við Sálinni hans Jóns míns, Sixties, Nykur, Kentár og fleiri sveitum.

Það er því um að gera að taka dagana 6.–7. mars frá og láta sig ekki vanta.

Að lokum er mikilvægt að nefna þá bakhjarla sem styðja við hátíðina: Sveitarfélagið Hornafjörður, Pakkhúsið, Hótel Höfn, Skinney-Þinganes,
Samtök sunnlenskra sveitarfélaga og Hafið.

Hátt upp til hlíða er hljómsveit frá Egilsstöðum en meðlimir hennar eru Máni Vals, Steini, Árni Páls, Frikki (okkar), Elli Rokk, Hafþór Valur og Dóri Pella og Charles Ross. Hátt upp til hlíða spilar írska tónlist sem á eftir að vera hin mesta skemmtun.

Rithöfundakvöld Menningarmiðstöðvar Hornafjarðar

Thu, 08 Jan 2026 14:05:50 GMT

Nú er komið að hinu geisi vinsæla rithöfundakvöldi Menningarmiðstöðvar Hornafjarðar en viðburðurinn fer fram sunnudaginn 23.nóvember kl.20 í Nýheimum.

Í ár tökum við á móti 5 rithöfundum sem allir gefa út nýja bók um þessi jól. Bækurnar eru jafn ólíkar og þær eru margar og því ættu öll að geta fundið eitthvað við sitt hæfi.Aðgangur er að sjálfsögðu ókeypis eins og ávallt og mun Menningarmiðstöðin bjóða upp á kaffi og konfekt á meðan á viðburðinum stendur.

Rithöfundarnir sem heimsækja okkur í ár eru eftirfarandi:
- Lóa Hlín Hjálmtýsdóttir kynnir barnabók sína Rækjuvík
- Gunnar Theódór Eggertsson kynnir ungmenna bók sína Álfareiðin
- Gísli Sverrir Árnason kynnir bók sína Saga Eymundar og Halldóru í Dilksnesi
- Joachim Schmit kynnir bók sína Ósmann- Lilja Sigurðardóttir kynnir spennusögu sína Alfa

Það þarf vart að taka fram að allar bækurnar verða fáanlegar til útláns á Bókasafni Hornafjarðar um leið og við fáum þær í hendur. Við hlökkum til að eiga góða kvöldstund með ykkur í Nýheimum sunnudaginn 23. nóvember n.k.

Viðburðurinn er styrktur af Uppbyggingarsjóði SASS

Líf og fjör í Gömlubúð

Thu, 08 Jan 2026 13:55:59 GMT

Fyrsta sumarið eftir að Gamlubúð opnaði aftur hefur lífið í húsinu verið viðburðaríkt og líflegt. Gamlubúð hefur sannað gildi sitt sem menningarhús þar sem bæði heimamenn og gestir hafa notið fjölbreyttrar dagskrár og hlýlegs andrúmslofts.

Eftir enduropnunina tók húsið fljótt að fyllast af lífi og í sumar var lifandi tónlist alla miðvikudaga, þar sem hinir ýmsu tónlistarmenn Hornafjarðar komu fram. Tónleikaserían varð fljótt fastur liður í menningarlífinu, þar sem fólk gat gengið að því vísu að koma saman og upplifa lifandi tónlist með sínum nánustu.

Gamlabúð er jafnframt mikið nýtt fyrir alls kyns fundi og kynningar. Fjölmargir hópar, félagasamtök og fólk með ýmis verkefni nýta sér aðstöðu Gömlubúðar. Aðstaðan er staður fyrir skapandi hugsun, samstarf og endurspeglar vel þann tilgang sem lá að baki því að opna húsið aftur og halda úti þessari starfsemi.

Ferðamannasumarið í ár var afar líflegt. Yfir tólf þúsund gesti r komu í Gömlubúð á tímabilinu og margir þeirra nýttu sér upplýsingastöðina sem staðsett er á annari hæð hússins. Þar feng ferðamenn upplýsingar um svæðið, fræðslu um náttúru og sögu Hornafjarðar. Ráðleggingar um áhugaverða staði og gönguleiðir í nágrenninu. Fjölmargir gestir lýstu yfir ánægju sinni með móttökurnar og þær sýningar sem í boði eru. Þessi mikli fjöldi gesta endurspeglar bæði sterkt ferðamannasumar og áhuga á svæðinu.

Sýningarnar Eldur, ís og mjúkur mosi og Í slandsmyndir eftir Auguste Mayer hafa vakið mikla athygli meðal gesta. Þær hafa verið fastur liður í húsinu frá opnun og notið góðs orðspors fyrir skemmtilega framsetningu og tengingu við íslenska náttúru. Nú styttist þó í breytingar, því í næstu viku verða þessar sýningar teknar niður til að rýma fyrir nýrri jólasýningu sem opnar í aðdraganda hátíðanna.

Með þessum nýju viðburðum heldur Gömlubúð áfram að þróast sem lifandi vettvangur fyrir list, menningu og samfélag. Sumarið markaði sterkan upphafspunkt eftir enduropnunina og framtíð hússins lítur björtum augum fram á veturinn.

Bókasafnið stóð fyrir málþingi í Grunnskólanum

Thu, 23 Oct 2025 15:39:32 GMT

Síðastliðinn mánudag, 20. október, stóð Bókasafn Menningarmiðstöðvar Hornafjarðar fyrir málþingi í Grunnskóla Hornafjarðar fyrir alla nemendur í 9. og 10. bekk.

Tilefnið var að föstudaginn 24. október eru 50 ár liðin frá því að konur gengu út frá störfum sínum og börðust fyrir jafnrétti. Almenningsbókasöfn um land allt hafa sameina krafta sína undir merkjum verkefnisins Læsi á stöðu og baráttu kvenna þar sem vakin er athygli á jafnréttisbaráttunni Veglega dagskrá verkefnisins má sjá hér https://borgarbokasafn.is/laesi-stodu-og-barattu-kvenna/laesi-stodu-og-barattu-kvenna-dagskra

Málþing Menningarmiðstöðvarinnar fór fram í Vöruhúsinu þar sem um 40 nemendur á aldrinum 15-16 ára tóku þátt. Í upphafi voru flutt áhugaverð erindi þar sem farið var yfir sögu Kvennafrídagsins og stöðuna í dag. Eftir erindin fengu nemendur að ræða málin sín á milli og svöruðu spurningum í tengslum við umfjöllunarefnið.

Málþinginu stýrði Sandra Björg, bókavörður á Menningarmiðstöð Hornafjarðar en hún hóf málþingið á að segja ungmennunum frá bókinni Ég þori! Ég get! Ég vil! eftir Lindu Ólafsdóttur þar sem farið er yfir sögu hins fyrsta Kvennafrídags árið 1975.

Fyrsti gestur málstofunnar var Ragnhildur Jónsdóttir sem var tæplega tvítug árið 1975. Sagði hún ungmennunum frá stöðunni þá og tók mörg dæmi úr samfélagsmyndinni sem þá var við lýði. Sem dæmi nefndi hún vinkonu sína sem hafði verið deildarstjóri í banka með margra ára reynslu. Á þessum árum var ráðinn karlmaður í sambærilega stöðu í bankanum en hann hafði um árabil unnið sem smiður og því svo til reynslulaus í bankastörfum. Maðurinn fékk þó strax mun hærri laun en konan. Bankastjórinn svaraði fyrirspurn um hvernig á því stæði á þá leið að nýji starfsmaðurinn væri karlmaður og þyrfti að sjá fyrir fjölskyldu sinni. Konan var þó einstæð tveggja barna móðir og mun reynslumeiri starfsmaður. Sagan vakti töluverðan áhuga og undrun meðal fundargesta. Ragnhildur talaði einnig beint til drengjanna um þá ábyrgð sem krafist var af þeim áður fyrr, t.d. hvað varðar tekjuöflun heimilisins og karlmennsku ímynd.

Næst tók til máls Eyrún Fríða Árnadóttir, kynjafræðingur og formaður bæjarráðs en hún ræddi við ungmennin um stöðuna núna að hennar mati og mikilvægi þess að taka þátt í að bæta samfélagið og berjast fyrir betri heimi. Talaði hún um að þó margt hefði breyst til batnaðar þá væri enn ætlast til margs af ungum konum sem ekki er krafist af ungum mönnum, t.d. þegar kemur að þriðju vaktinni og umönnun ungabarna.

Að lokum ræddi Anna Birna Elvarsdóttir, jafnréttisfulltrúi sveitarfélagsins, við ungmennin en hún kynnti fyrir þeim Jafnréttisáætlun sveitarfélagsins og hvað í henni fælist. Markið jafnréttisáætlunar er að tryggja íbúum og starfsfólki sveitarfélagsins lögbundin réttindi, koma á og viðhalda jafnrétti og jöfnum tækifærum kynjanna og jafna þannig stöðu þeirra á öllum sviðum samfélagsins.

Í seinni hluta málþingsins var ungmennunum skipt í umræðuhópa þar sem þau voru beðin um að velta fyrir sér og svara spurningum um hvort eitthvað hafi komið þeim á óvart í umræðunum á undan. Hvernig þau mætu stöðuna í dag og hvernig þau horfðu til framtíðarinnar.

Mörg minntust á að það kæmi þeim á óvart hve stutt sé síðan að kynbundið ójafnrétti hafi verið eins algengt og það var. „Þetta var þá ekki bara í torfkofunum í fornöld!“ Einnig bar nokkuð á að stúlkurnar teldu strákana fáfróða um fortíðina og mikilvægt að þeir átti sig á sögunni „Það er mikilvægt að drengir fái að vita kostina og gallana um jafnrétti!“ Þess ber þó að geta að strákahóparnir tóku flestir fram að umræðurnar hefðu verið góðar og flottar en vildu þó ekki meina að hún hefði komið þeim á óvart. Einnig minntust þónokkrir á áðurnefndar umræður Ragnhildar Jónsdóttur um t.d. kynbundin launamun.

Varðandi stöðuna í dag voru öll sammála um að mikið vatn hefði runnið til sjávar og staðan væri töluvert betri nú en fyrir 50 árum. Þó mætti alltaf gera betur. Einnig var mörgum umhugað um stöðuna í öðrum löndum og að við ættum að láta okkur hana varða.

Þegar kom að framtíðinni komu margir inn á að einnig væri mikilvægt að berjast fyrir jafnrétti annara hópa. Kvenréttindi væru vissulega mikils metin á Íslandi en því miður væri ekki hægt að segja það sama um marga aðra hópa. Einn vinnuhópur tók sérstaklega fram að það væri jafnréttismál að lækka verð á tíðavörum og getnaðarvörnum og uppskar mikinn fögnuð samnemenda sinna.

Málþingið heppnaðist einstaklega vel og ungmennin voru áhugasöm og tóku virkan þátt.
Menningarmiðstöð Hornafjarðar þakkar öllum þátttakendum sem og gestum kærlega fyrir samstarfið og óskar öllum gleðilegs Kvennafrídags á föstudaginn.

Hornfirska Rithöfundakvöldið

Fri, 03 Oct 2025 11:48:47 GMT

Fimmtudaginn 2. október hélt Menningarmiðstöð Hornfirðinga Hornfirskt bókakvöld í Nýheimum en tilefnið var að óvenju margar bækur hafa komið út á síðustu mánuðum þar sem höfundar og/eða umfjöllunarefnið tengist Sveitarfélaginu Hornafirði.

Fyrstur til að stíga á stokk var Þorvarður Árnason, forstöðumaður Rannsóknarseturs Háskóla Íslands á Hornafirði en hann kynnti bók sína Víðerni – Verndun hins villta í náttúru Íslands sem kom út hjá Háskólaútgáfunni fyrr á þessu ári. Í bókinni eru víðernin könnuð frá ólíkum sjónarhornum og leitað svara við ýmsum grunnspurningum um þau, svo sem hvað þau eru, hvaða gildi þau bera og hvernig verði best staðið að verndun þeirra.

Næstur tók við Snævarr Guðmundsson hjá Náttúrustofu Suðausturlands en Snævarr hefur hlotið heiðurstign Alþjóðasambands stjörnufræðinga ásamt því að vera einn af okkar helstu jöklafræðingum. Í samstarfi við Hjörleif Guttormsson og Odd Sigurðsson ritaði Snævarr 97. árgang Árbókar Ferðafélags Íslands þar sem fjallað er um svæðið frá Núpsstað til Suðursveitar.

Þegar hér var komið við sögu breyttum við örlítið um gír og snérum okkur að endurminningum og ævisögum.

Karl Skírnisson tók við keflinu af Snævarri og sagði frá tilurð bókarinnar Frá Hamborg að Borgum sem fjallar um lífshlaup Margotar Gamm, móður Karls. Margot fæddist í Hamborg í Þýskalandi árið 1931og var því ung að árum í hörmugum seinni heimsstyrjaldarinnar. Aðeins 17 ára gömul fluttist Margot til Íslands til að gerast au-pair í kaupfélagsstjórabústaðnum á Höfn. Lífið tók þá við og Margot fluttist fljótlega að Borgum í Nesjum og ól þar börn og buru.

Endurminningar Wilhelms Wessmanns hótelráðgjafa, Lífsins ferðalag, var næsta bók sem fjallað var um. Arnþór Gunnarsson kynnti fyrir okkur bókina en hann bjó hana til prentunar og færði okkur volga úr prentun. Wilhelm bjó í Dyngju á Höfn til 10 ára aldurs þar sem faðir hans Elof klæðskerameistari rak saumastofu. Fjölskyldan flutti til Reykjavíkur árið 1952 en Wilhelm segir talsvert frá æskuárum sínum á Höfn í bókinni og í henni eru margar myndir sem faðir hans og fleiri tóku eystra.

Síðasta bókin sem kynnt var þetta kvöld var Tóm en það er ný ljósmyndabók eftir Sigurþór Spessa Hallbjörnsson. Spessi er einn af mikilvægustu sjónrænu annálahöfundum Íslands og er nú búsettur í Öræfum ásamt konu sinni Áróru Gústafsdóttur, skólastjóra í Grunnskólanum í Hofgarði. Bókin inniheldur um 100 myndir teknar í Öræfunum og formála eftir Ófeig Sigurðsson, rithöfund. Birta Guðjónsdóttir, safnstjóri Svavarssafns tók að sér að kynna bókina í fjarveru Spessa og bauð gestum bókakvöldsins að fylgja sér yfir á Svavarssafn í lok kvölds og skoða þar sýningu Spessa með myndum úr bókinni.

Hornfirska bókakvöldið heppnaðist vel í alla staði og þökkum við öllum fyrir þátttökuna, bæði gestum og höfundum.

Í lokin er rétt að minnast á tvo bókatengda viðburði sem haldnir verða á næstu vikum, en annar þeirra er útgáfuhóf bókarinnar um Sögu Eymundar og Halldóru í Dilksnesi sem Gísli Sverrir Árnason tók saman fer fram á Þórbergssetri sunnudaginn 12. október n.k.

Sunnudaginn 23. nóvember verður Hið árlega Rithöfundakvöld Menningarmiðstöðvar Hornafjarðar haldið í Nýheimum og hlökkum við svo sannarlega til að taka á móti Hornfirðingum þar líkt og undanfarin ár.

F.h. Menningarmiðstöðvar Hornafjarðar
Sandra Björg

Uppskeruhátíð Sumarlestursins 2025

Wed, 17 Sep 2025 11:33:16 GMT

Síðastliðinn laugardag var hin langþráða Uppskeruhátíð Sumarlestursins 2025 haldin á bókasafni Menningarmiðstöðvar Hornafjarðar en þar fögnuðum við því hvað börnin okkar voru dugleg að lesa heima í sumar.

Alls tóku 20 börn þátt í sumarlestrinum sem var samansettur úr tveimur lestrarátökum, annars vegar LestrarHestrinum og hins vegar LestrarSprettinum.

Munurinn á þessu tvennur er sá að LestrarHesturinn er okkar verkefni hér á Höfn og hefur verið í gangi á sumrin í mörg ár. Þar skrá börnin niður 10 bækur á þátttökumiða frá okkur og skila honum svo inn á bókasafnið. Því meiri lestur, því fleiri miðar koma til okkar.

LestrarSpretturinn er hins vegar í gangi á flestum almenningsbókasöfnum á landinu. Hann breytist frá ári til árs; einu sinni var hann spil, annað sumar söfnuðu börn límmiðum og í ár var lestrarspretturinn tileinkaður Lindu Landnámshænu þar sem börnin fengu vegabréf um landið hennar Lindu og áttu að lesa í 15 mínútur á dag. Þegar þau höfðu lesið í 1 klst máttu þau koma á bókasafnið og skila inn þátttökumiða í kassann okkar líkt og í LestrarHestinum.

Alls tóku 20 börn þátt í sumarlestrinum í ár og mörg hver tóku bæði þátt í LestrarHestinum og LestrarSprettinum. Í LestarHestinum lásu þau 252 bækur eða ríflega 11.000 blaðsíður. En í LestrarSprettinum fengum við inn 50 þátttökumiða sem þýðir 50 klst í lestri. VEL GERT KRAKKAR!

Allir þátttakendur í Sumarlestrinum fengu þátttökuverðlaun að gjöf en það var bókin Piparkökuborgin eftir Ævar Þór Benediktsson eða Ævar Vísindamann. Bókin er hluti af Þín eigin Saga seríunni þar sem börnin ráða sjálf endinum á bókinni. Það er svo hægt að lesa bókina aftur og aftur og alltaf endar hún á ólíkan máta. Auk þess var dreginn út einn heppinn lesandi sem hlaut gjafabréf frá Pennanum Eymundsson að launum. Hin heppna í ár var Steinunn Lilja Tjörvadóttir!

TIL HAMINGJU KRAKKAR OG TAKK FYRIR AÐ TAKA ÞÁTT Í SUMARLESTRINUM 2025

Óskar Guðjónsson MOVE

Wed, 09 Jul 2025 11:21:56 GMT

Jazztónleikar í Gömlubúð

Kvartettinn MOVE með Óskari Guðjónssyni í fararbroddi heldur jazztónleika í Gömlubúð.

Kvartettinn MOVE með Óskari Guðjónssyni í fararbroddi heldur jazztónleika í Gömlubúð sunnudaginn 13.júlí klukkan 16:00 . Ásamt Óskari koma fram Eyþór Gunnarsson á píanó, Valdimar Kolbeinn á kontrabassa og Matthías Memstock á trommur.

Fyrir sjö árum setti Óskar saman kvartett til að skoða lagahugmyndir sínar. Upp úr þessu þróaðist samstarf sem fór fram í vinnustofu Eyþórs Gunnarssonar og gekk út á að spila lögin endurtekið og velta þeim fyrir sér og prófað ólíkar nálganir. Samhliða því að tónlistin fór að taka á sig mynd byggðist upp sterkt samband á milli þeirra sem eiga sína upphafsstafi í nafninu MOVE sem auk Óskars og Eyþórs eru Valdimar, Kolbeinn Sigurjónsson og Matthías Hemstock

Á tímum tölvuvæðingar hafa handskrifaðar nótur orðið sjaldséðari en um leið tapast ákveðin fínni blæbrigði sem geta skipt máli. Óskar hefur fyrir löngu skapað sér persónulegan stíl í tónsmíðum sínum sem endurspeglast í rithöndinni og því hvað hann kýs að skrifa niður og hvað ekki. Það helst einnig í hendur við þá nálgun sem hann leitar að í flutningnum sem er vandlega mótaður en um leið opinn fyrir hinu óvænta. Þetta tengist lönguninni til að lögin öðlist sjálfstætt líf og geti fengið að þroskast og breytast eftir því sem tíminn og aðstæður bjóða upp á.

Þó lögin séu textalaus bera þau öll nöfn sem eru sprottin af vangaveltum um lífið, tilveruna, fólk og fyrirbæri sem því tengist. Skissubækurnar eru því einnig nokkurs konar dagbækur sem taka á málum sem koma upp í lífinu. Nánast allar æfingar MOVE hafa verið hljóðritaðar og partur af vinnuferlinu er að hlusta yfir upptökurnar til að greina kjarnann í hverju lagi fyrir sig. Það eru ófár klukkustundirnar af efni sem hefur safnast upp og í leiðinni margir lítrar af sódavatni og úrvals kaffi sem hafa runnið niður.

Dropinn holar steininn og eftir allan þennan tíma eiga meðlimir MOVE núna sameiginlegan hugmyndaheim sem hægt er að stíga inn í og sjá hvert hann tekur bæði þá og áheyrendur í það og það skiptið. Brottfararstaður hverju sinni liggur fyrir en svo má óvissuferðin byrja.

Texti á ensku:
Seven years ago, saxophonist Óskar Guðjónsson assembled a quartet where the focuse was on performing handwritten compositions that had accumulated in his meticulously kept sketchbooks over the years. It soon became clear that this was a project all members were willing to invest significant time in and truly make their own. From this collaboration, a partnership developed, taking place in Eyþór Gunnarsson's studio. The approach was to repeatedly play the pieces, explore different interpretations, and experiment with various approaches. Simultaneously, the music began to take shape, building a strong connection among the members. In addition to Óskar and Eyþór, the quartet includes Valdimar Kolbeinn Sigurjónsson on bass and Matthías Hemstock on drums, all of whom share their initials in the name “MOVE.”

During the digital age, handwritten scores have become increasingly rare, yet they hold a certain delicate nuance that can make a difference. Óskar has long cultivated a personal style in his compositions, reflected in his handwriting and choices of what to write and what not to write down. This aligns with his approach to performance, which is structured but open to endless spontanious directions at the same time. The element of spontaneity stems from a desire for the music to develop independently, adapting and evolving based on the passage of time and circumstances.

Although the compositions are instrumental, they carry names inspired by reflections on life, existence, people, and related phenomena. The sketchbooks also serve as a form of diaries, capturing moments that arise in life.

Nearly all of MOVE's rehearsals have been recorded, and part of the work process involves listening back to the recordings to discern the essence of each piece. There are quite a few hours' worth of material accumulated, along with many liters of sparkling water and carefully brewed coffee that have been consumed during this creative journey.

After a long joyful journey the members of MOVE now share a collective realm of ideas—one that can be entered, explored, and followed wherever it leads. Welcome aboard!!

Heimtaug-Hiraeth

Thu, 22 Aug 2024 11:14:38 GMT

Laugardaginn tíunda ágúst opnaði sýning Eirúnar Sigurðardóttur Heimtaug-Hiraeth í Svavarssafni.

Í um þriggja ára skeið hefur Eirún Sigurðardóttir verið að undirbúa sýninguna sem nýverið opnaði í Svavarssafni ...

Í um þriggja ára skeið hefur Eirún Sigurðardóttir verið að undirbúa sýninguna sem nýverið opnaði í Svavarssafni. Um er að ræða þrjú stór útsaumsverk sem hvert fyrir sig hafa tekið marga mánuði og jafnvel ár að sauma, auk tónverks sem Eirún samdi með bróður sínum Teiti Magnússyni. Verkin þrjú nefnast Andar sem unnast, Gullauga og Af jörðu, og eru með ótal vísunum í fjölskyldusögu Eirúnar og Hornafjörð, en afi hennar Skarphéðinn var prestur í Bjarnanesprestakalli þar til hann lést í slysförum 1974. Var hann prestur í Bjarnanesjasókn frá árinu 1959 og bjó þar ásamt konu sinni, Sigurlaugu Guðjónsdóttur og börnum þeirra.

Á opnun flutti Teitur Magnússon tónverkið Gullauga og nokkur önnur lög, en hægt er að hlusta á tónverkið áfram í hljóðsturtu. Hljóðsturtan er fengin að láni frá Ásdísi Þulu Þorláksdóttur og listgalleríi hennar, Þulu, sem starfsfólk menningarmiðstöðvar er mjög þakklátt fyrir.

Að neðan má sjá nokkrar myndir af opnun.

Heimtaug-Hiraeth

Thu, 22 Aug 2024 05:17:58 GMT

Á opnun flutti Teitur Magnússon tónverkið Gullauga og nokkur önnur lög, en hægt er að hlusta á tónverkið áfram í hljóðsturtu. Hljóðsturtan er fengin að láni frá Ásdísi Þulu Þorláksdóttur og listgalleríi hennar, Þulu, sem starfsfólk menningarmiðstöðvar er mjög þakklátt fyrir.

Að neðan má sjá nokkrar myndir af opnun.

Laugardaginn tíunda ágúst opnaði sýning Eirúnar Sigurðardóttur Heimtaug-Hiraeth í Svavarssafni.

Nr. 5 Umhverfing

Wed, 07 Aug 2024 14:52:44 GMT

Nr. 5 Umhverfing er stærsta listasýning í sögu Hornafjarðar

Þann 28. júní opnaði stærsta listasýning í sögu Hornafjarðar á Humarhátíð ...

Þann 28. júní opnaði í Gömlubúð listasýningin Nr. 5 Umhverfing. Um er að ræða samstarfsverkefni á vegum Listasafn Svavars Guðnasonar og Akademíu skynjunar, en hún samanstendur af þeim Þórdísi Öldu Sigurðardóttur, Önnu Eyjólfs og Ragnhildi Stefánsdóttur. Þær hafa áður staðið fyrir svipuðum sýningum og gefið út samnefndar bækur í þessari sýningarröð. Nr. 1Umhverfing fór fram í Skagafirði, Nr.2 Fljótsdalshéraði, Nr.3 á Snæfellsnesi og Nr. 4 á öllum Vestfjörðum. Sú síðasta í upptalningunni var með 130 listamönnum á svæði sem náði yfir allt norðvesturhorn Íslands og gæti verið stærsta samsýning í sem hingað til hefur verið haldin á Íslandi.

Nr. 5 Umhverfing er einnig umfangsmikil. Fimmtíu og tveir listamenn sýna verk á sýningunni sem nær frá Öræfum og út í Lón, s.s. um gervallt sveitarfélagið Hornafjörð. Sýningarstaðir eru einnig mjög fjölbreyttir. Sem dæmi má nefna Selið, gamall torfbær staðsettur í Skaftafelli á svæði þjóðgarðsins (en í vörslu Þjóðminjasafnsins) sýna listamenn sem eru afkomendur og tengdabörn síðustu íbúa Selsins. Það eru þau Bjarni Þór Pétursson, Inga Sigga Ragnarsdóttir, Ingibjörg Sigurjónsdóttir, Katrín Agnes Klar, Lukas Kindermann og Ragnar Kjartansson.

Í nágrenni við Selið í gamla sláturhúsinu á Fagurhólsmýri sýna svo tveir listamenn til viðbótar, þeir Halldór Ásgeirsson og Spessi. Einnig er hægt að koma í pönnukökur til Evu Bjarnadóttur í gamla kaupfélagshúsinu meðan sýningin stendur yfir, og á Café Vatnajökul rétt fyrir ofan sýnir Stefanía Ragnarsdóttir málverk.

Þegar keyrt er lengra vestur er hægt að stoppa við Jökulsárlón og virða fyrir sér ljósmyndir Lovísu Fanney undir brúnni. Á Hala í Suðursveit á Þórbergssetri eru María Sjöfn, Gunnar Árnason og Gunnhildur Þórðardóttir með verk. Þess má geta að einnig er hægt að virða fyrir sér ljósmyndir Evu Schram á sama stað þó þau séu ekki hluti Umhverfingar heldur sjálfstæð verk.

Mæðgurnar Ragnhildur Stefánsdóttir og Ragnhildur Weisshappel hafa reist völundarhús á skógræktarsvæðinu í Haukafelli. Sú síðarnefnda er einnig með vídjóverk á flugstöð Hornafjarðar. Inga Jónsdóttir er með innsetningu nærri Hoffellsjökli innblásinni af eyðibýlinu Viðborði á Mýrum, sem reist var 1937.

Á Höfn er mikill fjöldi listamanna. Á Svavarssafni má sjá verk eftir listamennina Laufey Johansen, Ísar Svan Gautason, Skrými, Hörpu Árnadóttur og Helgu Erlendsdóttur og úr safneign, verk Svavars Guðnasonar, Höskuldar Björnssonar, Sigurðar Einarssonar, Rafns Eiríkssonar og Jón Þorleifssonar. Ragnhildur Ragnarsdóttir sýnir grafíkverk á bókasafninu en á torginu milli bókasafns og listasafnsins stendur skúlptúr eftir Guðrúnu Benediktu Elíasdóttur. Haraldur Jónsson, Ragnheiður Sigurðardóttir Bjarnarson og Lísa Þorsteinsdóttir eru einnig með skúlptúra utandyra. Hjónin Tim Junge og Lind Völundardóttir eru með veggmynd utan á Nýheimum.

Í Gömlubúð eru svo verk eftir Ragnar Axelsson, Rúrí, Guðjón R. Sigurðsson, Ósk Vilhjálmsdóttur, Þórdísi Öldu Sigurðardóttur, Janet Laurence og Martina Priehodová. Skammt frá er innsetning eftir Arngrím Borgþórsson og Jónu Berglind Stefánsdóttur í skreiðarskemmunni. Í Miklagarði sýnir Hanna Dís Whitehead og Gerður Guðmundsdóttir, og inn í Heppu eru Sædís Harpa Stefánsdóttir og Stella Ögmundsdóttir. Þess má geta að Rúrí framdi gjörning á opnun sýningarinnar.

Í Lóni sýna tvær listakonur þær Eyrún Axelsdóttir á Hrafnavöllum og Eygló Harðardóttir í fundarhúsi Lónmanna.

Nánari upplýsingar um sýninguna má svo finna á heimasíðu Akademíu Skynjunar: https://www.academyofthesenses.is/nr5-umhverfing-no-5-around

Nr. 5 Umhverfing

Wed, 07 Aug 2024 05:11:04 GMT

Nr. 5 Umhverfing er stærsta listasýning í sögu Hornafjarðar

Nr. 5 Umhverfing er einnig umfangsmikil. Fimmtíu og tveir listamenn sýna verk á sýningunni sem nær frá Öræfum og út í Lón, s.s. um gervallt sveitarfélagið Hornafjörð. Sýningarstaðir eru einnig mjög fjölbreyttir. Sem dæmi má nefna Selið, gamall torfbær staðsettur í Skaftafelli á svæði þjóðgarðsins (en í vörslu Þjóðminjasafnsins) sýna listamenn sem eru afkomendur og tengdabörn síðustu íbúa Selsins. Það eru þau Bjarni Þór Pétursson, Inga Sigga Ragnarsdóttir, Ingibjörg Sigurjónsdóttir, Katrín Agnes Klar, Lukas Kindermann og Ragnar Kjartansson.

Í Lóni sýna tvær listakonur þær Eyrún Axelsdóttir á Hrafnavöllum og Eygló Harðardóttir í fundarhúsi Lónmanna.

Nánari upplýsingar um sýninguna má svo finna á heimasíðu Akademíu Skynjunar: https://www.academyofthesenses.is/nr5-umhverfing-no-5-around

Harmljóð um hest-útgáfuteiti

Fri, 14 Jun 2024 14:22:17 GMT

Laugardaginn 15. júní verður útgáfuteiti á bókinni Harmljóð um hest.

Á morgun, laugardaginn 15. júní fer fram útgáfuhóf í Ljósmyndasafni Reykjavíkur á bókinni Harmljóð um hest. Bókin inniheldur 80 ljósmyndir eftir Hlyn Pálmason sem sýna hestshræ brotna niður og samlagast jörðinni. Verkið er „sjónrænn sorgarsálmur, eins konar virðingarvottur til íslenska hestsins sem spilað hefur veigamikið hlutverk í mótun og sögu Íslands“, eins og ljósmyndarinn orðar það. Formálinn er skrifaður af Soffíu Auði Birgisdóttur en útgefandinn er bókaútgáfan Kind sem sérhæfir sig í fræði- og listabókum.

Stór hluti ljósmyndaseríunnar var til sýnis á samnefndri sýningu í Listasafni Svavars Guðnasonar sem opnaði 26.febrúar árið 2022. Starfsfólk menningarmiðstöðvarinnar óskar Hlyn Pálmasyni og Soffíu Auði innilega til hamingju með útgáfuna.

-Snæbjörn Brynjarsson

Sunna Gunnlaugs Trio

Fri, 14 Jun 2024 14:20:25 GMT

Tríó Sunnu Gunnlaugs spilar í Nýheimum 18. júní og hefjast tónleikarnir kl 20:00. Miðaverð er 3.900kr og eru seldir við hurð.

English below -

Tríó Sunnu Gunnlaugs hefur verið í fararbroddi íslenskra jazzleikara í yfir áratug. Þau hafa komið fram víða um heiminn og hlotið lof fyrir sinn ljóðræna jazz sem nær jafnt til jazzaðdáenda sem annara tónlistarunnenda. Tríóið hefur gefið út 5 hljóðritanir sem allar hafa hlotið frábærar viðtökur og umfjallanir í erlendum fjölmiðlum sem og að fá tilnefningar til íslensku tónlistarverðlaunanna.Tríóið skipa: Sunna Gunnlaugs á píanó, Þorgrímur Jónsson á kontrabassa og Scott McLemore á trommur.Tónleikar hefjast kl 20:00.Miðaverð er 3.900kr og miðar eru seldir við hurð.

Sunna Gunnlaug's trio has been at the forefront of Icelandic jazz for over a decade. The trio has performed around the world and received a lot of praise from jazz fans and other music lovers. The trio has released 5 recordings, all of which have received excellent reception and coverage in foreign media, as well as receiving multiple nominations for the Icelandic Music Awards.The trio consists of: Sunna Gunnlaugs on piano, Þorgrímur Jónsson on double bass and Scott McLemore on drums.The concert starts at 8:00pm.Tickets will be sold at the door at 3.900 IKR.Styrkt af Tónlistarsjóði

Harmljóð um hest-útgáfuteiti

Fri, 14 Jun 2024 05:00:45 GMT

Laugardaginn 15. júní verður útgáfuteiti á bókinni Harmljóð um hest.

Stór hluti ljósmyndaseríunnar var til sýnis á samnefndri sýningu í Listasafni Svavars Guðnasonar sem opnaði 26.febrúar árið 2022. Starfsfólk menningarmiðstöðvarinnar óskar Hlyn Pálmasyni og Soffíu Auði innilega til hamingju með útgáfuna.

Barnastarf MMH

Wed, 22 May 2024 14:18:37 GMT

Nú líður að því að barnastar Menningarmiðstöðvarinnar fari af stað.

Þar gefst krökkum á grunnskólaaldri, sem lokið hafa1. bekk tækifæri á að kynnast nærumhverfi okkar á nýjan hátt.

Í ár munum við ferðast um víðan völl og hlakkar okkur til að sjá sem flesta í barnastarfi sumarsins.

Farið verður af stað kl.13:00 alla þriðjudaga nema annað sé tekið fram.

Farið verður af stað frá Nýheimum og frítt er í allar ferðir.

Við minnum ykkur á að koma klædd eftir veðri og með nesti.

Kjöttægjur, blóð og eitthvað óáþreifanlegt

Thu, 29 Feb 2024 14:15:27 GMT

Viðtal við Stephan Stephensen ljósmyndara

Viðtal þetta birtist í 1.tölublaði menningartímaritsins Brokks

Í lítilli kjallaraholu í miðbæ Reykjavíkur er stúdíó uppfullt af hljómborðum, míkrofón-statífum og ljósmyndum. Þetta er ævintýraveröld President Bongo, eða öllu heldur Stephan Stephensen sem tók á móti safnverði til að ræða sýningu sem opnar bráðlega í Svavarssafni. Sýningin, Rangifer Tarandus (latneska heitið yfir hreindýr), fer með gesti inn í Lónsöræfin og hálendi Austurlands á slóðir hreindýra og hreindýraveiðimanna. Í um þrjú ár hefur Stephan verið að fylgja veiðimönnum eftir og ljósmynda þá, dýrin sem þeir veiða og landslagið allt um kring. Hann hefur einnig endurskapað hljóðheim hreindýrsins inn á plötunni Jerusalem sem hann tók upp með Sigtryggi Baldurssyni, ásláttarhljóðfæraleikara.

„Ég veit það að hann Kalli Sveins verður fyrir vonbrigðum því ég keypti af honum æðislegt hreindýrahorn fyrir kryppling, og ætlaði að búa til flautu. Síðan ætlaði ég að taka upp plötu með flautunni en þegar ég bar hugmyndina upp við Sigtrygg, þá kom hann með kongatrommur og parabólur. Svona húðhljóðfæri. Fyrri hlutinn á plötunni eru kongatrommur sem eru nuddaðar og í seinni hlutanum er spilað á parabólur, en pælingin var alltaf að líkja eftir hljóðinu í hreindýrum á tilraunakenndan hátt. Sem var svo ekki tilraunakenndara en það, að þegar við bárum saman hljóðin á upptökunum saman við hljóðin í raunverulegum hreindýrum þá voru þetta nánast sömu hljóðin. Og úr því verður platan Jerúsalem. Borg friðarins.“

Þessa daganna eins og svo oft áður ríkir ófriður fyrir botni Miðjarðarhafs. Svarthvítar ljósmyndir Stephans af veiðunum eru margar blóðugar og minna um margt á gamlar myndir af stríðsátakasvæðum, en þó ríkir ákveðinn friður og heilagleiki yfir þeim. Í texta Ófeigs Sigurðssonar í sýningarskrá fáum við líka tilfinningu fyrir hálendinu sem helgum stað og veiðinni sem einhvers konar pílagrímsferð til Jórsala. En hvað er átt við með Jórsölum?

„Jórsalir, það er falleg þýðing,“ segir Stephan og hlær. „Ég hef fundið mína Jórsali. Það er Lónið.“

Stephan kynntist fyrst Lóninu fimmtán ára, þegar móðir hans keypti ókláraðan kofa í Stafafelli. Hann hefur síðan komið og varið þar miklum tíma, jafnt sumar sem vetur, til að slaka á, halda jól eða jafnvel taka upp plötu. Hann segir safnverði að fyrsta platan sem hann hafi unnið að í stúdíó-B, eins og hann glettnislega kallar bústaðinn, var Attention þegar hann var enn hluti af hljómsveitinni GusGus. Síðan bætir hann við að ein uppáhalds platan sem hann hafi unnið að í Stafafelli hafi verið Chateau, sem hann tók upp með Bjarna Frímann á um tíu dögum.

„Það er vinstri umferð á þessari plötu, en engu að síður mjög fallegar melódíur sem höfða til allra. Hún er mögnuð fyrir þá sem eru klassískt þenkjandi. Algjört gúmmelaði, og allt tekið upp í Lóninu með selló, víólu og einum míkrófón.“ Þegar Stephan segir frá hljómar það eins og að ekkert sé auðveldara í heiminum en að taka upp plötu. Þó safnverði þyki freistandi að ræða meira langan tónlistarferil Stephans sem spannar áratugi með hljómsveitinni GusGus og ótal plötur með ýmsu öðru tónlistarfólki, þá beinir hann samræðunum aftur í átt að ljósmyndunum. Og af hverju ljósmyndir af hreindýrum?

„Hreindýrin hafa alltaf verið mér mikið hugðarefni. Maður er hálf-alinn upp í Lóninu, þannig að ég hef verið í kringum hreindýrin í um 35 ár, en ég byrjaði að mynda þessa seríu og leggja drög að því að gera plötu byggða á hreindýra-konseptinu fyrir þremur árum. Það sumar fór ég í fyrstu veiðiferðina. Ég fór með Gunna Þorsteins í fjórar, fimm ferðir, og svo tvær á Egilsstöðum. Maður er alltaf að reyna að ná í rassgatið á þessum hreindýraveiðimönnum yfir sumartímann en grípur oft í tómt. Þeir eru alltaf upp á fjöllum! Eiður Gísli á Djúpavogi var til dæmis aldrei heima, svo ég kynntist konunni hans betur en honum. En þau eru frábært fólk.“

Veiðimaðurinn og ljósmyndarinn eru eflaust ekki ólík fyrirbæri. Báðir aðilar eru að reyna að ná góðu skoti í einhverjum skilningi. Stephan nálgast viðfangsefnið eins og góður veiðimaður, hann fullnýtir dýrið með því að vinna úr þessu ljósmyndir, hljóðverk og vídjó. Það óvænta við myndirnar sem hafa verið valdar fyrir sýninguna er að fókusinn er meira á athöfnina eftir veiðina. Þegar dýrið er tekið í sundur. Hjarta, heili, kynfæri, strekkt húð og blóðugar hendur. Stephan staldrar við eina myndina þar sem við horfum inn í auga hreindýrsins.

„Þetta er erfiðasta mynd sem ég hef tekið. Mér fannst ég vera hálfviti meðan ég var að taka mynd af síðasta andardrætti dýrsins. Það er miklu auðveldara að taka mynd eftir á.“

Það er ómögulegt annað en að fá samúð með hreindýrinu sem starir beint á móti kamerunni og finnast nánast brotið á einkalífi þess, með svona nærgöngulli myndatöku. Stephan heldur áfram að segja frá ferlinu, hvernig hann síðastliðin þrjú ár hefur verið að nota hvert tækifæri til að keyra austur og taka myndir. Áður en hann fór að fást við tónlist var Stephan í námi við ljósmyndaskólann Icart í París, þar sem ríkuleg áhersla er á heimildar-ljósmyndun og það hefur einkennt þær seríur sem hann hefur ljósmyndað síðan þá.

„Enga eins viðamikla og þessa þó,“ játar hann. „Á sýningunni eru 22 myndir, af 180 mögulegum, en hinar munu koma út í bók hjá þýskum útgefanda. En þessi sýning á ekki að fanga framvinduna þegar þér er sögð einhver saga, heldur ástandið, vera líkari því að falla í trans ... þetta small saman þegar þessar myndir af höndunum komu, þar eru kjöttægjur og blóð, og eitthvað óáþreifanlegt sem þú sérð ekki en finnur fyrir.“

Safnvörður virðir fyrir sér myndirnar aftur. Þær eru kjöt og blóð, hold sem er tekið í sundur í þögulli og jafnvel heilagri athöfn. Þeir byrja að ræða nýleg kaup sem Stephan gerði með vinum sínum á seglskútu og ævintýrin sem þau munu hafa í för með sér á Grænlandi. President Bongo hefur nú grillað, grafið og reykt kjötið, flautað á hornin og barið á húðirnar, með öðrum orðum: fullnýtt dýrið, og heldur nú brátt á aðrar slóðir í leit að nýjum

Menningarverðlaun 2024

Thu, 18 Jan 2024 14:11:03 GMT

Atvinnu og menningarmálanefnd óskar eftir tillögum að verðlaunahafa menningarverðlauna sveitarfélagsins 2024 fyrir árið 2023

Verðlaunin eru veitt einstaklingi, stofnun eða samtökum sem viðurkenning fyrri eftirtektarvert framtak á sviði lista og menningar árið 2023. Hlutverk verðlaunanna er að vera almenn hvatning til eflingar menningar og listastarfs í sveitarfélaginu.

Frestur til tilnefningar er 15. febrúar 2024 og sendist tilnefningin ásamt rökstuðningi á: eyrunh@hornafjordur.is

Mannvist á Mýrum

Mon, 04 Dec 2023 14:51:27 GMT

Myndasýning á Bókasafni í Nýheimum

Miðvikudaginn 29. nóvember sl. var verkefnið Mannvist á Mýrum formlega kynnt, með opnun myndasýningar frá búsetuminjum á Mýrum

Miðvikudaginn 29. nóvember sl. var verkefnið Mannvist á Mýrum formlega kynnt, með opnun myndasýningar frá búsetuminjum á Mýrum. Með sýningunni er kynnt, í máli og myndum, brot úr búsetusögu nokkurra býla á Mýrum sem farið hafa í eyði á liðnum öldum. Minjarnar sem varðveist hafa bera vitni um þessa sögu. Mýramenn bjuggu við óvenjulegar og oft krefjandi aðstæður langt fram eftir 20. öld. Framgangur jökla, jökulár sem flæmdust um og jökulhlaup spilltu nytjalöndum og urðu þess valdandi, að margar fjölskyldur hröktust á milli staða. Þessar erfiðu aðstæður urðu til þess að fjölmörg býli og hjáleigur fóru í eyði.

Sýningin samanstendur af sex veggspjöldum, hönnuðum af Tim Junge, þar sem saga átta eyðibýla eru kynnt, með ljósmyndum og texta, ásamt lýsingum um áhrif og afleiðingar sem framgangur jökla og jökuláa hafði á land og búsetuskilyrði Mýramanna. Höfundar efnis eru Sigríður Guðný Björgvinsdóttir starfsmaður rannsóknarsviðs og Sigurður Örn Hannesson á Höfn. Sigurður er Mýrarmaður og fyrrum starfsmaður Menningarmiðstöðvar Hornafjarðar og vel kunnur staðháttum á Mýrum. Meirihluti mynda er tekinn með flygildi en með slíkri myndatöku er hægt að ná fram heppilegu sjónarhorni til að fá skörpustu myndir af fyrirbærum sem jarðlægar minjar eru. Sýningin mun standa á bókasafni Menningarmiðstöðvar í Nýheimum fram til 5. janúar n.k. og fylgir opnunartíma bókasafnsins. Verkefnið hefur vakið athygli og jákvæð viðbrögð meðal heimamanna og margir gestir nú þegar borið hana augum.

Mannvist á Mýrum er annar hluti samstarfsverkefnis rannsóknarsviðs Menningarmiðstöðvar og Þórbergsseturs um skráningu á fornum býlum í Sveitarfélaginu Hornafirði. Megintilgangur þess er að hraða fornleifaskráningu fornra eyðibýla og annarra minja sem þeim tengjast, svo landfræði- og söguleg þekking þeirra glatist ekki. Samstarfið hófst í ársbyrjun 2020 og fyrsti hluti þess, Búsetuminjar í Suðursveit var kynntur með sama sniði sumarið 2021. Sú sýning stendur uppi í Þórbergssetri í Suðursveit. Báðar þessar sýningar hafa hlotið styrk úr Uppbyggingarsjóði Suðurlands hjá SASS – Samtökum sunnlenskra sveitarfélaga.

Verkefnið í heild sinni er að finna á vefsíðu þess: www.busetuminjar.is

Næturútvarp í Svavarssafni

Tue, 14 Nov 2023 14:48:06 GMT

Sýning Ástu Fanneyjar Sigurðardóttur Næturútvarp í Svavarssafni

Sýningin Næturútvarp opnaði í Svavarssafni 28. október...

Laugardaginn 28. október opnaði sýningin Næturútvarp í Svavarssafni. Um er að ræða einkasýningu Ástu Fanneyjar Sigurðardóttur sem innblásin er af abstrakt geometrísku verki eftir Svavar Guðnason. Sýningarstjóri er Margrét Áskelsdóttir.

Sýningin Næturútvarp er innblásin af abstakt geometrísku verki eftir Svavar Guðnason sem hann nefndi Næturútvarp á Öræfajökli og tileinkaði vini sínum, tónskáldinu Jóni Leifs. Ljóðrænn titill verksins vekur upp margar spurningar og það sama má segja um tileinkunina. Í sýningarskrá segir:

Næturútvarp eftir Ástu Fanneyju Sigurðardóttur er óður til horfinna tíma, en einnig ákall til framtíðar. Verk hennar eru jafnan óræð og draumkennd. Þau hafa djúpa meiningu sem er jafnframt hulin þoku. Svavar Guðnason færðist sjálfur, jafnan undan því að skilgreina myndlist sína en sagði að litirnir væru töfratónar. Æska hans og æfi var umvafin fjöllum, skýjuðum himni, söndum og grænni sveit undir birtuveröld Vatnajökuls. Svavar var líkt og Jón Leifs í sífelldri leit að sannri list. List Svavars, Jóns og Ástu á það sameiginlegt að verk þeirra lúta ekki nákvæmum skilgreiningum heldur skírskota til hughrifa og tilfinninga.

Á sýningunni Næturútvarp koma saman ólíkir miðlar, ljósmyndun, vídjóverk, hljóðverk, skúlptúrar og málverk. Ásta Fanney skar út nótnablöð með tónverkum Jón Leifs eftir geometrískum formum úr verki Svavars og vann úr þeim með sellóleikaranum Gyðu Valtýsdóttur og píanóleikaranum Ásthildi Ákadóttur, tónverk sem ómar í salnum.

Sýningin er mjúk hrynjandi með sterku hljómfalli draumkenndra andstæðna og nýrra tíma.

Almar í tjaldinu

Thu, 05 Oct 2023 14:44:09 GMT

Mikið fjölmenni var á opnun sýningarinna

Föstudaginn þann 15. september opnaði sýning Almars Atlasonar, Almar í tjaldinu. Mikið fjölmenni var á opnun sýningarinnar.

Árið 1912 sigldi Ásgrímur Jónsson með skipi til Hornafjarðar og dvaldi þar einn mánuð í tjaldi upp á hól. Árinu áður hafði hann gist hjá Ara Hálfdánarsyni á Fagurhólsmýri og málað Öræfajökul og nágrenni. Þetta markar upphafið af sögu málverksins á Hornafirði. Í kjölfarið tóku ýmsir menn að mála verk og hafa fjölmargir frá Hornafirði markað djúp spor í sögu íslenska málverksins. Þar á meðal eru Jón Þorleifsson sem var ungur drengur þegar Ásgrímur kom og fylgdist með honum mála, en Jón varð síðar einn af stofendum Listamannaskálans (fyrsta sýningarrými alfarið tileinkuðu myndlist á Íslandi), fyrsti listgagnrýnandinn og einnig mjög vel metinn málari. Verk eftir Jón og aðra hornfirska málara, eins og t.d. Bjarna Guðmundsson, Höskuld Björnsson, Bjarna Henriksson, Rafn Eiríksson, Rut Rebekku Sigurjónsdóttur, Helgu Erlendsdóttur og Hlyn Pálmason má einnig sjá á sýningunni, og vitaskuld eftir Svavar Guðnason sem var helsti brautryðjandi abstraktmálverksins á Íslandi.

Árið 2023 kom Almar Atlason keyrandi á Grand Cherokee jeppa á Höfn, dvaldi þar í einn mánuð í tjaldi upp á hól. Á leiðinni til baka stoppaði hann hjá Evu Bjarnadóttur á Fagurhólsmýri og málaði Öræfajökul og nágrenni. Þá voru liðin 111 ár síðan Hornafjörður var fyrst málaður með vatnslitum og olíu, og var gjörningurinn framinn til að minnast þess.

Almar in the tent

Fri, 01 Sep 2023 14:25:55 GMT

In July 2023 a young painter came to Hornafjörður to paint himself into what was at that time a 110 year old tradition. He put up a tent on Hrossó, or Hrossabitahagahól ...

Page 5

In July 2023 a young painter came to Hornafjörður to paint himself into what was at that time a 110 year old tradition. He put up a tent on Hrossó, or Hrossabitahagahól (The hill where horses bite the grass) without realizing he was on the most welltrodden path of Hornafjörður, that is to say the frisbygolf-field in Höfn.

'I am in the middle of a folf track. People are folfing into my tent and over it. I try to paint the folfers and some like it, while others don´t. But they are my only company, ' Almar said in an interview with the newssite visir.is shortly after the performance started to attract attention.

Page six

Diary 16th july

Now I have lived for about a week in Hornafjordur and painted the landscape as commissioned by the Art Museum of Svavar Guðnason.

If you are on the way through Höfn and surroundings you should drop by for a coffee.

The weather has been rather harmless and boring and doesn't seem to let up.

The pictures of me are painted by Bergur Nordal, but he was here with me for the first few days and performed quality control of the painting as well as doing registration work and being available for general hands-on therapeutic help which was much needed.

Following is a rather spiritual and juicy excerpt from a diary entry:

"Day 3. Sunday. July 16.

Now it turns out that the irritation of the morning was not a traditional party aftershock.

After firing my assistant and sending him to Reykjavík, I shat myself.

So, when I was in the middle of getting rid of the useless underwear, the curator decided to pay a courtesy visit because the "calm" is now blowing over Hornafjörður at twenty meters per second.

I threw up over the curator and sent him running from the vomit.

Later that night, when I was lying in a panic attack, my assistant crawled back into the tent. I don't think he can afford the rent in Reykjavík. Through my feverdream I could see him painting an oil painting of me.

I have water coming out of both ends, but my assistant paints and paints.

He paints and paints and paints but inspiration never comes over me.

Day 4. Monday 17 July.

I have now destroyed 3 pairs of underwear in this exile.

My assistant could not be happier.

I sleep and hang out by the public toilet at the Olís station alternately.

In the afternoon I freshen up, cook soup and the assistant insists on painting in the evening light.

It's noisy and the images blow across the barren moor. The easel hits me in the face.

I throw up and paint an unusable picture.

The assistant paints a masterpiece.

I suspect him of poisoning me..."

(Source: https://www.facebook.com/almarr.s.atlason 23d july)

Page eight

Almar´s assistant was none other than Bergur Nordal which had recently returned from Vienna where he had spent many years studying at a künste-akademy. But after a short stay, Bergur abandoned the tent, and now Almar was alone on top of the hill, as had been the original plan.

What did this hermit intend to do?

According to him this was done in remembrance of hundred and ten years passing since the painter, Ásgrímur Jónsson, visited southeastern Iceland, and the introduction of the painting in Hornafjordur.

This is not altogether wrong. In the biography of Ásgrímur Jónsson one can read that Ásgrímur did paint in southeastern Iceland from 1910 to 1912, and in the year 1912 he came to Hornafjordur and stayed there for a month, living in a tent. This visit is an important benchmark in Ásgrímur´s career as a painter. 'The skill which Ásgrímur had attained in the use of water-colours in his pictures from Hornafjordur was in his consideration a threat to him as an artist and so he decided to stop now that he had reached these heights.'

The next decades after Ásgrímur´s visit to Hornafjordur, the interest in the area for paintings was unusually high. The clearest and most obvious example is Jón Þorleifsson who decided after witnessing Ásgrímur in the field to head to Denmark to study art, just like Ásgrímur had done. But more young men picked up the brush. Bjarni Guðmundsson who later headed the coop, Bjarni Guðjónsson from Lón, Karl Guðmundsson from Þinganes, and then the painters Höskuldur Björnsson and Svavar Guðnason. 'It has been said that Hornafjörður did a lot for the visual arts in the past, before it spread to every corner of Iceland like trawler fishing.' ( Svavar Guðnason in Tíminn, 1975 ). One thing though is certain, Hornafjordur gave Iceland two great pioneers, Jón Þorleifsson, the first professional art-critic and Svavar, the first abstract painter.

Page nine

Almar made direct references to these amateurs and grand masters in an interview with Morgunblaðið:

I call it the Hornafjordur-school, and in my opinion, it is here where the Icelandic painting was born and in many ways here is a richer tradition than in Reykjavík.

Despite having created more obstacles for aspiring folfers, and having been awfully sick the first week on the hill, Almar was well received in Hornafjordur. According to oral sources he organized a karaoke-evening at Hafið, which at the time was the only bar in Höfn. He is also rumoured to having had many guests in the tent who took selfies with the artist. An exhibition was held in september 2023 of works which he painted that summer, but very few have been preserved. In the beginning the artist aimed at painting 100 works that summer, but more probable is that they were 40-50 by the end of the month.

Page twelve

Tómarúm – the mysterious fishtub-tower

It was not only an eccentric camper in the middle of a folf-track which caused bewilderment and shock in Hornafjordur. Twenty-second of june a tall tower made from disused fishtubs rose in the middle of Höfn. It stood over Humarhátíð (lobsterfestival) which was held that same weekend and for a few weeks more when it disappeared as suddenly as it had appeared. Shortly after the disappearance an article appeared in Morgunblaðið about stolen artwork.

'We go on vacation and then get a message from the artist, who apparently knows some people that had been intending to come and see the work, that the work has vanished,' said Lind D. Völundardóttir, which at the time was the principal of the secondary school, FAS, and one of the owners of the gallery MUUR. The tower was an installation made by Áslaug Thorlacius, named Tómarúm (emptiness). In an interview with the same newspaper, the artist explained that the work was meant to reflect the beauty of everyday life, because fishtubs are like many other things, often right before people´s own eyes.

It seems that this emphasis on everyday life was what caused the disappearance. An anonymous person in a chat with Morgunblaðið told the journalist that he/she would not have considered fishtubs in a fishingvillage as work of art and had removed the artwork for fear of accidents.

It is impossible to take the performance of Almar Atlason out of this context. A lot of debate and arguments had sprung in Hornafjordur about the value of letting artists break up everyday-life with their antics. In a very harshly worded column in Eystrahorn (a local newsletter) the columnist even writes about the shitty nature of art.

Sources: Listaverki stolið í skjóli nætur , Segir slysahættu hafa blasað við , Vill að listaverkið fái að standa óáreitt

Page thirteen

Málfríður malar

Finally Eystrahorn is no longer on summerholiday. I have been waiting to express my opinion and other citizens of Hornafjordur. What has been on people´s minds this summer are artworks and performances. Number one: 'the artwork' aka bound, miscoloured fishtubs on the grassfield by Nettó. You could say that 99,7% of inhabitants had no clue this was a 'work of art'. Most people thought here was some kind of training track built by the Humarhátíð-committee because the tower rose at the same time Humarhátíð(lobsterfestival) started. But no, it came to light on mbl.is that here was a work of art when citizens were accused of stealing it, and according to the article one might think it happened in the dead of night. These public accusations to locals brought forth various reactions, some were angry and hurt, others could laugh it offf. We can be happy that the town got some free advertisements and that noone got hurt since the artwork was removed before it caused any trouble.

Number two: 'performance' in the middle of the folf-track on Hrossabitahagi. What the hell is going on? This performance is NOT AT ALL funny, and hopefully not funded by taxpayers. Art has it´s value in all kinds of shapes and the idea to remember Ásgrímur that painted here for about a century ago, is fine. But to put a tent with imperfect tidiness in the middle of a walkingpath/sport field, is disrespecting both towards tourists and locals that want to use the field when the weather is good. You could maybe call this, the shitty nature of art?

The column originally appeared 10th of august in Eystrahorn. The author is unknown but likely Barði Barðason, then the husband of the editor, Arndís Lára Kolbrúnardóttir, is the likely pen behind Málfríður.

Sources: Málfríður malar

Page fourteen

Almar- a biography

Almar was born on midnight Friday the thirteenth in october 1992, but registered as Saturday the fourteenth. In his early years he lived with his parents and sister in a small wooden cottage on Grettisgata, until it burnt down. After that the family wandered around, and lived with friends and distant family until Almars parents managed to find a house in Elliðaárdalurinn. At this time, and later in his life, Almar stayed with his grandparents in Hveragerði where his passion for landscape-painting was born. Early on, Almar painted the flowers in his grandmother´s garden in exchange for candy and icecream, but a painting made in his early youth of Herðubreið, which he made thirteen year old while camping with his parents, has been preserved.

Almar had difficulties staying in any school he attended and his time in college ended abruptly when he was kicked out of the Flensborg-college in Hafnarfjordur. After that he spent a long time on the road. 'It was as if a the veil between me and reality had been torn apart and that I was now free to roam' he later recalled.

The incident that shortened Almar´s stay in school so violently was a prank with a fire-extinguisher. Supposedly Almar sprayed water over some co-students as well as the vice-principal. After this accident Almar voyaged with his dear friend, Sigurgeir B. Þórisson, later architect and business men, hitchhiking all across Europe and Asia. Almar lost most of his funds in a casino in Kuala Lumpur and stayed illegally on the streets of Malasya for aproximately five months before getting on a yacht to Hong Kong where he got a money transfer from an anonymous benefactor. At the time, Sigurgeir had long since returned home, but by coincidence Almar met another aquiantance from Flensborg, Brand-Loki Guðbrandsson in Tanzania.

Page sixteen

After three years running around Europe and Asia and one year in Africa, Almar returned to Iceland. It was in Africa where he rediscovered his passion for water-colours. Watercolours of the animals of the serengeti have been preserved, which despite being amateurish have their charm.

Page sixteen, lower half

In the year 2023 a road was constructed through Hornafjordur, and the hill Topphóll in Dilksnes was removed as part of that road-construction. According to an interview with Hildigerður Skaftadóttir (b.1944) her grandmother Lovísa Eymundsdóttir (b.1874) always spoke of the hill as an elf-church. Now very little remains of that hill but possibly this painting shows the moment when it was torn apart. Dilksnes is one of the oldest settlements in southeastern Iceland, and is known to have existed as far back as the 16th century. However, one can proabably assume that the elves have been there for even longer.

Page seventeen

In the year 2014 Almar got engaged to Salka Valsdóttir and went to his first rehabilitation. After rehab he applied to the drama-department in the Artacademy of Iceland, but at the last moment he was convinced to become a visual artist instead. In the entrance-exam he tatooed a portrait of the one of the examiners on his left arm, which convinced the entrance-committee to give Almar one of the biggest scholarships in the history of the school.

'Truth be told, I wanted to become a sailor, but I could not imagine how I would make a living doing that, so I chose art.'

The rest of the story, many know. In the art-academy Almar grabbed the attention of the nation when he lived naked inside a glassbox for a whole week. Sometimes as many as thousand Icelanders were watching him, which might be one of the highest rating for a live stream of an Icelandic performance in the 21st century.

After graduating from the academy he held a soloshow in Midpunkt where he sawed through a kitchen-aid machine in a performance named 'búskipti' (settlement). Almar was newly divorced and moved in with his future wife, the poetess, Birna Stefánsdóttir. (It is not unlikely that Birna may be seen at one painting of the catalogue, page 9).
A year later, 2020, Almar exhibited 50 paintings from the island Reunion in the gallery MUTT. Almar also caused quite a stir in the biannual, Head to head in Athens and with his performance, Brjálað að gera (enough to do) in Kling&Bang.

For now this enumeration will not continue. It is safe to assume that Almar performed and exhibited in various other places, although documentation is scant. Possibly, Almar was tattooed by renowned actor, Ingvar E. Sigurðsson, in Tjarnarbíó-theatre in the fall of 2019, although it cannot be confirmed.

Page eighteen

'This same summer, 2023, I spent a while in Öræfi and at Fagurhólsmýri with Eva Bjarnadóttir, artist and regional leader. She was very helpful and I felt deeply grateful for the hospitality.

How the nature is magnificent there, Ingólfshöfði is a peculiar island on dry land, and the land around Svínafell, ancient, slopes full of trees and forest, and tourists in every ravine. But for my naiveness, no mountain is as much of a mystery as Öræfajökull. The most dangerous volcano in Iceland reminds me of nothing so much as a tussock covered in dog urine.

'Tussock, tussock, tussock,' I yelled at the mountain and it shuddered as if I had been conjuring up ancient memories of public drunkeness in Lækjartorg.

Me and Eva held a waffle-party where I painted landscapes on each waffle with chocolate, jam and cream, and captured maybe a bit better the magnificence of the tussock, than in my paintings.'

From the diary of Almar Atlason.

Listamaður upp á Hrossó

Wed, 12 Jul 2023 13:17:26 GMT

Listamaðurinn Almar Atlason dvelur mánaðarlangt á Hornafirði. Þessa helgi, er hann að koma sér fyrir upp á toppi Hrossó í gjörning sem mætti kannski kalla Almar á hólnum.

Almar Atlason fremur gjörning til minnis um upphaf málaralistar á Hornafirði

Fyrir um hundrað og tíu árum birtist á Höfn sérkennilegur einfari í tjaldi. Maðurinn kom sér fyrir upp á grænum hól með góðu útsýni og tók að mála sveitina, græn tún, fjöll í fjarska og bjartan jökulinn. Uppátækið vakti vitaskuld nokkra undrun og uppskar athygli, og hafði þó nokkur áhrif, því að í kjölfarið tóku margir í sveitinni að mála. Menn pöntuðu liti frá Skotlandi, smíðuðu trönur og stilltu sér upp á hóla til að mála landslagið, og til varð lítið en kröftugt listasamfélag í Hornafirði, sem gat af sér málara á borð við Höskuld Björnsson, Jón Þorleifsson og Svavar Guðnason.

Einfarinn var enginn annar en Ásgrímur Jónsson, fyrsti listmálari Íslendinga, en árið áður hafði hann komið við í Öræfum og gist hjá bændum í Fagurhólsmýri, og málað þá bæði Svínafell og Öræfajökul svo nokkur dæmi séu nefnd. Á meðan dvöl hans á Höfn stóð yfir málaði hann bæina Stórulág og Stapa, og vitaskuld allan sjóndeildarhringinn eins og hann blasti við ofan frá hólunum sem hann stóð upp á að hverju sinni.Nú í ár hyggst ungur listmálari endurtaka þennan gjörning og fanga landslag Hornafjarðar eins og það blasir við honum árið 2023. Margt er breytt, jökull hefur hopað, vegir hafa verið lagðir og litla fimm húsa þorpið sem stóð við sjóinn hefur nú þanið úr sér. Þessar breytingar verður athyglisvert að virða fyrir sér þegar mánaðardvöl Almar Atlasonar í tjaldi upp á Hrossabitahagahól (Hrossó) lýkur. Frá 14 júlí fram í miðjan ágúst mun listmálarinn dvelja þar í stóru, hvítu tjaldi, og standa úti með trönur hvernig sem viðrar að þeim dögum undanskildum þar sem hann fer í skoðunarferðir um Hornafjörð og nágrenni.

Safnvörður Svavarssafns náði tali af Almari til að ræða sýn hans á málverkið, hvernig landslagsmálverk vinnur Almar eiginlega?

Það skiptir mig ekki öllu máli hvað ég er að mála, aðallega að ná einhverri áferð og litum. Þegar maður eins og ég sem hefur alist upp digital(stafrænt), nálgast landslagsmálverkið, þá reyni ég að ná einhverju sem myndavélin nær ekki, finna það sem einungis mannsaugað sér. Ekki reyna að mála betur en manns eigin auga sér. Mannsaugað er alltaf á hreyfingu sem mér finnst vera nauðsynleg í málverki, mér finnst t.d. ekkert að því að mála allar hliðar á einu húsi í einni mynd, því ég er allt eins líklegur til að ganga hringinn í kringum húsið.

Í verkum þínum er veðurfar mjög áberandi ...

Ég hef ekki síður áhuga á að mála veður en fjöll. Af því sjónarhornið breytist, og það kemur eitthvað spennandi út ef maður málar í fimm tíma og málar allt sem kemur fyrir augun. [Innskot safnvarðar: Honum á ekki eftir að leiðast í Hornafirði þar sem veðurfar breytist á fimm mínútna fresti]

Málverkið er minning um athöfn, minnisvarði um gjörning. Það er einhver tilfinning, svo hreyfir maður sig og dansar, en listaverkið er kannski hreyfingin. Svo getur einhver sem horfir á málverkið elt hreyfinguna eða hugmyndina. Að horfa á málverkið, er mikilvægari en sjálft málverkið, sem er í raun bara ófullkominn minnisvarði um hreyfingu.

Nú ert þú nýkominn úr hálfs árs dvöl í Grikklandi [segir safnvörður án þess að nokkurrar öfundar gæti í málrómi hans], hafði það áhrif á hvernig þú málar?

Sko, það hefur allt áhrif, aðallega komst ég í svo góð efni í Grikklandi, sem maður hefur svo góð tök á að mála með. Olíumálning og grænmeti fylgir svolítið svipuðum lögmálum á Íslandi, segir málarinn án þess að fara nánar út í hvað hann á við með því.

Við Íslendingar erum sérstaklega lasnir af krómófóbíu. Það var vinkona mín Gréta Þorkelsdóttir sem menntaði mig í þeim fræðum. Krómófóbía er hræðslan við liti. Þetta getur birst sem form af nýlendurasisma og lýsir sér í því að við höldum okkur við gráan, svartan og beige, eins og veðrið við Bretlandseyjar. Þetta er norðurevrópskt viðhorf til lista, en við forðumst skæra og æpandi liti og álítum jafnvel skrælingjalist. Allt sem er hvítt, svart og beige verður þá fín, evrópsk og menntuð list, en litagleðin verður ómenntuð og eitthvað til að skammast sín fyrir. Það þarf náttúrulega ekki nema að horfa út um gluggan til að sjá að þetta stenst enga skoðun í íslensku landslagi.

Þetta er bragðtegund af smekklegheitum, sem útvíkkast þegar maður dvelur annarsstaðar, en smekkur minn er síbreytilegur, ég þarf ekki að sjá nema fimm eintök af Hús og Híbýli, og mæta á tvær opnanir í Reykjavík, til að smekkur minn breytist og allt verði aftur grátt og beige.

Þú sagðir mér að þú hefðir reynt að halda þig við að mála íslenska náttúru á Grikklandi, gekk það?

Já, íslenska náttúru og íslenskar furðuverur. Grikkir eiga sameiginlega með okkur ríka mytológíu og leikhúsmenningu. Íslenska málverkið sprettur að hluta upp úr leikmyndum, þegar fólk málaði íslenska náttúru til að hafa sem bakgrunn í leiksýningum, sem voru jafnvel mörgþúsund ára grískir harmleikir settir upp í Árneshrepp eða einhvers staðar með Heklu eða Herðubreið í bakgrunni.

Þetta er ein af rótum íslenska málverksins, og svo hefur alþýðumálaralist varðveist af þessu. Ég hugsa að þessi leiktjöld séu vendipunktur í íslenskri listasögu óháð öllu öðru.

Hefurðu einhverjar væntingar til ferðarinnar? Heldurðu að þetta verði dramatísk leiktjöld?

Það er svo stutt í ferðina að allar væntingar hafa skipt sér út fyrir áhyggjur. Það er alltaf mikil ánægja í mínu lífi að fá að vera einsetumaður, að fara að mála og vita hvað ég á að mála. Ég hef rómantíserað landslagsmálverk síðan ég var tíu ára.

Suðausturland er mjög spennandi svæði til að mála, og það er margt skrítið og skemmtilegt á svæðinu. Það er eitthvað gamalt í landinu, akkúrat þetta svæði á landinu er pínu rúnnað og fornt, elli landsins er kannski ekki há miðað við marga aðra staði í heiminum, en miðað við annað hér á Íslandi er hún töluverð.

Vegna þess að ég eyddi einu sumri í að mála í Kverkfjöllum og Herðubreiðum, ekki eins markvisst að vísu, þá er ég spenntur fyrir að kynnast suðurhluta jökulsins. Það verður einhver skynbrenglun í loftinu norðan jökuls sem fær málarann til að mála inn sérkennilega liti, ætli það sé ekki rykið frá Kárahnjúkavirkjun?

Það verður gaman að fylgjast með Almari að störfum í júlí og ágúst og sjá hvernig verkin þróast í hornfirskri veðráttu. Dvölin í tjaldinu er ekki síður listaverk enda hefur Almar getið sér góðs orðs ekki síður sem gjörningalistamaður en málari, og oftast er tíminn stór þáttur í verkum hans, hvort sem um málverk eða gjörning er að ræða.

Eða eru málverkin, eins og hann sagði, kannski bara minnisvarði um gjörning?

Afraksturinn verður svo hægt að virða fyrir sér á sýningu í Svavarssafni í haust sem verður haldin í september og október, en einnig verða verk sýnd í Öræfum á Fagurhólsmýri. Allt verður þetta auglýst nánar síðar.

Nær og fjær

Mon, 26 Jun 2023 13:11:02 GMT

Sýning um mótunarár Svavars Guðnasonar á Íslandi og Danmörku

„Ég var atvinnulaus. Ég var 25 ára – og hafði starfað allt mögulegt – sem fiskimaður, sem bókhaldari, við landbúnaðarstörf, og ég hafði ekið ölbíl í Reykjavík. – Það var slæmt öl.‟

Þannig lýsir Svavar Guðnason sjálfum sér nýkomnum til Kaupmannahafnar árið 1935 í samtali við Berlingske um þremur áratugum síðar. Í þessari sýningu er fjallað um tímabilið þegar Svavar var nýkominn út til Danmerkur og að kynna sér það helsta sem var að gerast í listheiminum rétt fyrir seinni heimsstyrjöld. Á sýningunni má sjá fjölmargar skissur, teikningar, vatnslitamyndir og olíumálverk, sem eru í ýmsum stílum frá því að vera rómantískt landslag yfir í að vera róttæk abstraktverk.

Sýningin opnaði 23. júní og stendur til 8. september. Fyrir neðan má sjá myndir af opnun.

Guðrúnarkviða í Svavarssafni

Mon, 26 Jun 2023 13:01:30 GMT

Kolsvört kómedía um að vakna í eigin jarðarför

Guðrún vaknar í kistu í eigin jarðarför en kann ekki við að trufla athöfnina. Um það hverfist sagan í kolsvarta gaman-einleiknum Guðrúnarkviða eftir Eyrúnu Ósk Jónsdóttur.

Við höfum kannski öll einhvern tímann velt fyrir okkur hvernig væri að fylgjast með okkar eigin jarðarför en í þessu verki tekst Eyrún á við þær vangaveltur, kurteisi og meðvirkni, og ýmis önnur mál, á gamansaman hátt. Einleikurinn verður sýndur í Svavarssafni næsta föstudag (9.júní) klukkan átta, og er ókeypis inn. Eyrún Ósk Jónsdóttir hefur getið sér gott orð sem ljóð- og leikritaskáld, en hún er búsett og uppalin í Hafnarfirði. Einleikurinn á sér langa sögu, hann var fyrst settur upp í leikstjórn Hildar Kristínar Thorstensen og tónlist Ólafs Torfasonar rétt fyrir Covid-faraldurinn. Faraldurinn frestaði útförinni og ýmsum öðrum listviðburðum um skeið þar sem leiklistarhátíðirnar sem áttu að taka við henni voru ekki haldnar. Það mætti því segja að jarðarfarar-gamanleikurinn sé núna uppvakningur, því verkið var sett upp í Gaflaraleikhúsinu nýlega, að þessu sinni í samstarfi með Björk Jakobsdóttur og er farinn aftur að túra. Þessu erum við sem fáum að njóta fegin, og ekki síst eiginmaður Eyrúnar, en hann hefur þurft að þola að hafa líkkistuna heima hjá sér síðastliðin þrjú ár meðan sýningarhléið stóð yfir. Einnig mun Eyrún lesa upp í hádeginu á bókasafni Hornafjarðar klukkan 12:30 á föstudaginn, ásamt Eygló Jónsdóttur.

Collaborative Contaminations í Svavarssafni

Mon, 08 May 2023 12:58:48 GMT

Dansgjörningur úr heimi vatns og ísa

Laugardaginn sjötta maí kom innsetningin og dansverkið Collaborative Contaminations á Höfn í boði Menningarmiðstöðvarinnar. Verkið er uppfullt af litadýrð sem varð til þegar ljós og skuggar dansa á vatnsyfirborði og speglast á veggjum safnsins. Í sjálfum gjörningnum kom dansarinn Rósa Ómarsdóttir fram, gáraði vatnið og litaði með náttúrulegum efnum, þannig að á köflum var það eins og jökull og á öðrum tímum eins og sjóðandi heitt hraun. Dulúðlegur reykurinn úr þurrísnum skapaði svo einstaka stemningu.

Rósa Ómarsdóttir lærði í dansskólanum P.A.R.T.S. í Belgíu og hefur sett um ýmsar sýningar og listaverk víða í Evrópu. Hún hefur einnig sett upp sýningar með Íslenska dansflokkinum og hlotið grímuna sem danshöfundur ársins. Henni til halds og trausts var sambýlismaður hennar, Hákon Pálsson, kvikmyndagerðarmaður.

Verkið var einstök upplifun fyrir alla sem komu.

Blámi / Blueness

Fri, 17 Feb 2023 12:56:28 GMT

Þorvarður Árnason
Blámi / Blueness
18. febrúar - 15. maí 2023

(English text below)

Viðfangsefnið sýningarinnar eru jöklar og er hún kennd við (jökul)bláma – þennan sérstaka einkennislit skriðjökla að vetrarlagi. Höfundur hennar, Þorvarður Árnason, hefur um árabil ferðast um jökulheima Hornafjarðar, dvalið þar, notið ægi- og ævintýrafegurðar og leitast við að fanga litadýrð jökla og mikilfengleika þeirra með ljósmynda- og kvikmyndavélum.

Lýsa mætti sýningunni sem hreyfimynd sem opnast og breiðir úr sér í þrívíðu rými. Verkið byggir á hrynjandi á þremur plönum: samverkan mynda og rýmis, innri kyrrðar eða hreyfingar í myndunum sjálfum og svo framvindu og samspili efniviðarins í einstökum myndbrotum, á mismunandi sýningarflötum.

Sýningin hefur einnig ákveðnar fræðilegar hliðar; meðal annars hvernig blái liturinn tengist náttúrunni og ástríðu gagnvart henni í menningarsögulegu samhengi, hvernig sýningin tengist miðlun um loftslagsmál almennt, svo og róttæku, framvirku hlutverki safna og sýningarhalds í baráttunni við hamfararhlýnun.

Þorvarður Árnason nam kvikmyndagerð í Montréal í Kanada og hefur fengist við kvikmyndagerð og ljósmyndun um fjörutíu ára skeið, samhliða öðrum störfum. Hann hefur verið forstöðumaður Rannsóknaseturs Háskóla Íslands á Hornafirði frá árinu 2006 og gegnir jafnframt stöðu rannsóknadósents í umhverfishugvísindum. Loftslagsmál hafa verið vaxandi þáttur í starfi Þorvarðar á undanförnum árum, einkum þá söfnun og miðlun upplýsinga um bráðnun hornfirska jökla. Þar hefur Þorvarður aðallega notað sjónrænar aðferðir sem byggja á þekkingu hans á landslagsljósmyndun og kvikmyndagerð. Þorvarður hlaut Menningarverðlaun Hornafjarðar árið 2018 fyrir ljósmyndir sínar af Hornafirði.

Styrktaraðilar: SASS, Háskóli Íslands, Loftslagssjóður, Landsbankinn og Origo

Sýningarstjóri / Curator: Þóranna Dögg Björnsdóttir

Höfundur / Creator: Þorvarður Árnason

Hljóðinnsetning / Sound installation: Þóranna Dögg Björnsdóttir

(English)

Þorvarður Árnason
Blámi/Blueness

18. febrúar – 15 maí 2023

The subject of the exhibition is glaciers, and its name is derived from the unique blue colour characteristic of outlet glaciers during wintertime. Its creator, Þorvarður Árnason, has for many years travelled and dwelt within the glacier-filled landscape of Hornafjörður, enjoyed the sublime beauty of nature there, and striven to capture the colours of glaciers and their magnificence with photographs and films through the lens of his cameras.

The exhibition could be described as an animation that unfolds and expands into three-dimensional space. The work is based on the rhythm of three levels: the interaction of images and space, the inner stillness, or movement in the images themselves, and then finally the progression and interaction of the visual elements in individual images on the different surfaces of the exhibition.

The exhibition also has certain theoretical aspects; among those is how the blue colour is intimately connected to nature. As well as the passion for nature in a cultural-historic context. The exhibition is also connected to climate change communication issues in general, and the radical pro-active role of museums and exhibitions in the fight against catastrophic global warming.

Þorvarður Árnason studied filmmaking in Montréal, Canada, and has been engaged in filmmaking and photography for over forty years alongside other activities. He has been the director of the University of Iceland's Research Centre in Hornafjörður since 2006 and also holds the position of associate research professor in Environmental Humanities. Climate change has been a growing part of Þorvarður's work in recent years, especially the collection and dissemination of information about the downwasting of glaciers in Hornafjörður. For these purposes, Þorvarður has mainly used visual methods based on his knowledge of landscape photography and filmmaking. Þorvarður was awarded the Hornafjörður Cultural Award in 2018 for his photographs of Hornafjörður.

The exhibition has been made possible by SASS, The University of Iceland, Loftslagssjóður, Landsbakinn, and Origo

Sýningarstjóri / Curator: Þóranna Dögg Björnsdóttir

Höfundur / Creator: Þorvarður Árnason

Hljóðinnsetning / Sound installation: Þóranna Dögg Björnsdóttir

Blámi sýningarskrá: /media/allar-myndir/160223_Layout_Blami-598x400-v2.pdf

Ómar fortíðar

Thu, 29 Sep 2022 12:52:17 GMT

Í tilefni útgáfu á plötu Ómars Guðjónssonar, Ómar fortíðar, er Hornfirðingum og öðrum áhugasömum boðið á ókeypis tónleika í Hafnarkirkju.

Í tilefni útgáfu á plötu Ómars Guðjónssonar, Ómar fortíðar, er Hornfirðingum og öðrum áhugasömum boðið á ókeypis tónleika í Hafnarkirkju þriðjudaginn 4.okt kl:20:00.

Á plötunni flytur Ómar þekkt lög úr þjóðarsál Íslendinga á hljóðfærið
"fetilgítar" eða "pedal steel" á móðurmáli hljóðfærisins. Með Ómari á hljómplötunni eru þeir Matthías Hemstock á slagverk og Tómas Jónsson á píano og hljóðgervla.

Lögin eru t.d úr smiðju Karls Ó Runólfssonar, Jónasar Tómassonar, Árna Thorsteinssonar og Bjarna Þorsteinssonar. Öll frá árunum 1930 til 1960.

Ómar Guðjónsson hefur víða borið niður, í flestum stílum og stefnum ryþmískrar tónlistar. Hann hefur líka rannsakað hljóðheim gítarsins – og fetilgítarsins – meira en margur. Það er meira en aldarfjórðungsreynsla í þeim fingrum sem hér túlka með nýjum hljómi margar gersemar úr íslenskri sönglagahefð. Hann hnikar öllu til, sleppir orðunum, breytir hljómunum, styttir og lengir upprunalengd laglínunótnanna og skapar ný lög eins og sá djassmaður sem hann er. En þessi nýju gömlu lög snerta íslensk hjörtu á allt annan hátt en frumlegar útgáfur af klassískum djasslögum; hann er nefnilega að endurskapa lög sem við ólumst upp við og óma inni í okkur. Og kannski ræður það úrslitum að þessi endursköpun er borin fram af sterkri ljóðrænni tilfinningu sem kallast á við rómantíkina sem réði ferð hjá höfundum laganna.

Tónleikarnir eru kostaðir af Menningarmiðstöð Hornafjarðar.

Tilraun Æðarrækt

Mon, 19 Sep 2022 12:49:44 GMT

Föstudaginn 16. september opnaði sýningin Tilraun Æðarrækt í Svavarssafni.

Sýningin teygir sig þó langt út fyrir Svavarssafn og hægt er að virða fyrir sér verk í Gömlubúð, bókasafni Hornafjarðar, sundlaug Hornafjarðar og í Miðbæ, enda eru fjölmargir listamenn frá Íslandi, Danmörku og Noregi að taka þátt.

Tilraun Æðarrækt er þverfagleg sýning um sjálfbært sambýli æðarfugla og manna á Íslandi, í Danmörku og Noregi. Sýningin er byggð á rannsókn á fuglinum og umhverfi hans, á sambandi hans við manninn, hefðinni, æðardúni og því hvernig dýrmæt sjálfbær hlunnindi eru nýtt á Norðurslóðum.

Æðarfuglinn og æðarbændur hafa þróað einstakt samband sín á milli byggt á vináttu og gagnkvæmu trausti og er báðum aðilum til hagsbóta. Æðarbóndinn ver fuglinn gegn vargi og fær að launum dún fuglsins, eitt best einangrandi efni í heiminum. Ef dúnninn er ekki tíndur fer hann forgörðum. Um 4 tonn af æðardúni eru unnin á norðurhveli jarðar ár hvert, þar af rúm 3 tonn á Íslandi.

Tilraun – Æðarrækt er rannsóknarverkefni sem hófst árið 2019. Listamennirnir á sýningunni eru með fjölbreyttan bakgrunn í myndlist, hönnun, sviðslistum, tónlist og arkitektúr. Þátttakendur voru valdir út frá fyrri verkum þeirra og aðferðafræði og einhverjir þeirra paraðir saman til að skapa áhugavert samtal. Hópurinn fór saman í ferðir að kynna sér ólík æðarvörp og hver einstaklingur eða teymi fóru svo á ólíka staði til að kynnast heimi æðarfuglsins enn frekar.

Hlutverk lista er að varpa fram spurningum, rýna í hversdagslega hluti frá nýju sjónarhorni og skapa nýjar leiðir til að leysa verkefni. Æðarfuglum og æðarrækt stendur ógn af hlýnun jarðar, auk breyttra lifnarðarhátta. Fólk flyst úr sveit í borg og fjarlægð við æðarvörpin eykst. Við lítum á verkefnið sem hlekk í því að átta sig á stóra samhenginu, vistkerfinu okkar. Listræn nálgun og skapandi hugsun eru mikilvægt tól í þeirri umræðu.

Æðarkollur hljóma eins og þeim hafi verið sagt eitthvað áhugavert, jafnvel slúður. Úúúú, Úúúú! Það er erfitt að hrífast ekki af þessum fallega kór. Við vonum að verkefnið veiti þér innblástur og þú eigir nokkur Úúúú augnablik á sýningunni og næst þegar þú hittir æðarfugla.

Sýningastjórar: Hildur Steinþórsdóttir & Rúna Thors

Sýningarstjórar á Svavarssafni: Rúna Thors & Hanna Dís Whitehead

Sýnendur:
Anne Lass, Lisbeth Burian & Rikke Houd
Arnhildur Pálmadóttir & Samuel T. Rees
Auður Ösp Guðmundsdóttir & Hanna Jónsdóttir
Baldur Björnsson & Þórey Björk Halldórsdóttir
Bjarki Bragason
Brynhildur Pálsdóttir & Ólöf Erla Bjarnadóttir
Eygló Harðardóttir
Friðgeir Einarsson & Sigrún Hlín Sigurðardóttir
Gabriel Johann Kvendseth
Hilda Gunnarsdóttir & Loji Höskuldsson
Íris Indriðadóttir & Signý Jónsdóttir
Kristbjörg María Guðmundsdóttir, Ragna Margrét Guðmundsdóttir & Vilborg Guðjónsdóttir
Margrét H. Blöndal
Tanja Levý & Valdís Steinarsdóttir

Sýningin er styrkt af SASS-Uppbyggingarsjóði Suðurlands, Norrænu Ráðherranefndinni, Hönnunarsjóði og Nordisk Kulturfond.

Hreyfing í föstum formum og litum

Mon, 19 Sep 2022 12:46:42 GMT

Sýning á abstraktverkum Svavars Guðnasonar opnaði á Humarhátíð

Listasafn Svavars Guðnasonar heitir eftir einum helsta frumkvöðli íslenska abstrakt-málverksins, en Svavar fæddist árið 1909 á Höfn í Hornafirði og varð bæði þekktur alþjóðlega og áhrifamikill innanlands. Yfir tvöhundruð verk eftir Svavar eru í eigu sveitarfélagsins og Svavarsafn heldur reglulega sýningar á verkum Svavars úr safnkostinum og stöku sinnum með lánsverkum. Að þessu sinni opnaði sýningin Hreyfing í föstum formum og litum á Humarhátíð. Sýningin sýnir vel verk Svavars á fimmta og sjötta áratug síðustu aldar, og þróunina í geómetrískum abstraktverkum á þessum tíma. Þetta er líka þriðja sýningin sem heimspekingurinn Jón Proppé stýrir í safninu og með henni fylgir viðamikil sýningarskrá með glæsilegum myndum úr sýningarskránni.

Hér að neðan má sjá nokkrar af myndunum á sýningunni:

Hús Kveðja- Dagskrá

Tue, 17 May 2022 19:34:15 GMT

Nánar um sýninguna og viðburði tengda henni

Laugardaginn 21. maí opnar sýningin Hús Kveðja í Svavarssafni. ( Sýningarskrá PDF hér ). Listamaðurinn er Eva Bjarnadóttir. Eva hlaut menningarverðlaun Austur-Skaftafellssýslu árið 2018 fyrir menningarstarf sitt á Fagurhólsmýri þar sem hún býr. Hús Kveðja er nátengd heimahögum hennar og hefðum þar, en nafnið vísar í hefð sem var fyrir því í Öræfum að kveðja hina látnu heima hjá þeim áður en jarðarförin sjálf fór fram. Hús Kveðja snýst þó ekki um látna manneskju heldur hús sem gengur nú í endurnýjun lífdaga, en frá miðjum sjötta áratug fram á sjöunda áratug síðustu aldar var Kaupfélag Skaftfellinga með vöruhús og verslun undir Blesakletti á Fagurhólsmýri. Breyttir samgönguhættir leiddu á endanum til þess að verslunin var færð og kaupfélagsdeild Öræfinga gekk úr Kaupfélagi Skaftfellinga og í KASK (Kaupfélag Austur-Skaftfellinga).

Þetta hús og þetta tímabil er Evu innblástur í sýninguna. Að þessu sinni býður Svavarssafn þó ekki einungis upp á einfalda opnun, heldur verður dagskrá sem teygir anga sína alla leið á Fagurhólsmýri. Hún er svohljóðandi:

21. Maí- Opnun á Svavarssafni

28. Maí- Ganga út í Salthöfða (tveir skór) og húskveðja í Gömlubúðinni á Fagurhólsmýri. Ganga klukkan tvö, en húskveðja klukkan hálf-fimm. Viðburðirnir fara fram á Fagurhólsmýri. Eva leiðir gönguna, en fleiri munu lesa ljóð og segja frá á leiðinni. Steinunn Björg Ólafsdóttir, Einar Bjartur Egilsson, Gunnlaugur Bjarnason og María Sól Ingólfsdóttir flytja texta og syngja á húskveðjunni.

2. Júní- Lesið í Hús. Umhverfisheimspekingurinn Guðbjörg R. Jóhannesdóttir og listakonan og rithöfundurinn Auður Hildur Hákonardóttir spjalla ásamt öðrum gestum um fagurfræði og fleira. Klukkan 20:00 í Svavarssafni.

7. Júní- Again the sunset. Inga Huld Hákonardóttir og Yann Leguay flytja gjörning sinn í Svavarssafni. Verkefnið er samstarf Svavarssafns og listahátíð í Reykjavíkur. Þess má geta að þó Inga Huld sé búsett út í Brussel sem mætti kalla höfuðborg danslistarinnar í Evrópu, þá er hún fædd á Höfn. Klukkan 20:00 í Svavarssafni.

10. Júní-Kveðjuhóf í Svavarssafni klukkan 15:00. Um þennan viðburð þarf ekki að segja margt annað en að pönnukökur eru í boði handa gestum.

Hús Kveðja-english version

Mon, 02 May 2022 19:32:08 GMT

Translation of Höfðinn-magazine to english. Opening on the 21st of May with several events over the next few weeks....

Become a subscriber to
Höfði
Call us on 12785
_________________________________________________

An advertisement
in Höfði appears yearly
to 80-100 readers

Húskveðja in Svavarssafn

The artist Eva Bjarnadóttir invites everybody to the opening of Húskveðja on saturady 21.may. Many events will be held alongside the exhibition in both Höfn and Öræfi... See more on backpage

Considering houses

B What is a house ? At it´s core a house is simply a case around humans and their lives. Few walls and usually a roof in order to protect people, their animals and belongings from the forces of nature. House most oftenly have at least one entrance and a window to increase brightness and air, but of course there are exceptions.

The spirit of a house comes with it´s purpose. And when the purpose has changed the spirit changes as well. Some houses have different rolse, different lives that begin and end with changes brought about by cultural or technological progress, or changes in economy or transportation.

Björn Snær Mountainpoet

_________________________________________________

Öræfi joins Kaupfélag Austur-Skaftfellinga

The fifty-seventh annual meeting of Kaupfélag Skaftfellinga (COOP based in western part of Skaftafells-region) was held in Kirkjubæjarklaustur on Saturday 30th of may. The meeting agreed to allow the department based in Öræfi leave the association and join with Kaupfélag-Austur-Skaftfellinga(COOP based in Austur-Skaftafells region). It was agreed that KF.Austur-Skaftfellinga would buy the property of KF.Skaftfellinga at Fagurhólsmýri, i.e. the warehouse and slaughterhouse along with all equipment and merchandise. The departure will take place at the end of the year 1964 and the price will be 509.694 kr.

Sadly members of the department in Öræfi could not attend the annual meeting for fear of bringing influenza to their region, but voted unanimously at their own meeting to extend their gratitude towards KF.Skaftfellinga for having eased the lives of ordinary people in Öræfi for half a century.

_________________________________________________

Programme

May 21st Hús kveðja. Opening in Svavarssafn at 16 :00

May 28th Guided tour around Salthöfði and farewell concert (Húskveðja) at Gamla Búð at Fagurhólsmýri. The tour starts at 14 :00 but the concert at 16 :30.

June 2nd How to read a house- Guðbjörg R. Jóhannesdóttir & Auður Hildur Hákonardóttir discuss the works by Eva and their context. In cooperation with Byggðasafn Austur-Skaftafellssýslu.

June 10th Final goodbyes in Svavarssafn where the curator will offer pancakes at 15 :00

_________________________________________________

Editorial board of Höfðinn

Eva Bjarnadóttir chairman

Snæbjörn Brynjarsson head of accounting

Tim Junge secretary

Dagur Snær Guðmundsson translator

Publisher : Menningarmiðstöð Hornafjarðar

Journalists:

Steinunn Björg Ólafsdóttir, Einar Bjartur Egilsson, Gunnlaugur Bjarnason and María Sól Ingólfsdóttir

Columnists:

Auður Hildur Hákonardóttir & Guðbjörg R. Jóhannesdóttir

The editorial board wishes to send special thanks to:

Inga Huld Hákonardóttir, Yann Leguay, Elín Gunnlaugsdóttir, Gunnþóra Gunnarsdóttir, Sigrún Þorsteinsdóttir, Egill Gunnarsson, Ísmús, Haukur Snorrason, Halldóra Oddsdóttir, Sigrún Sigurgeirsdóttir, Jónína Sigurgeirsdóttir, Ingunn Jónsdóttir, Pálína Þorsteinsdóttir, Halldóra Jónsdóttir, Aðalgeir Arason, Anna Yates, Farvi, Joe Keys, Marcel, Reykjavík Art Festival, Byggðasafn Austur-Skaftafellssýslu, Héraðsskjalasafn Austur-Skaftafellssýslu and Héraðsskjalasafn Rangæinga & V-Skaftfellinga, as well as Icelandic Visual Arts Fund and SASS (Samtök sunnlenskra sveitarfélaga).

_________________________________________________

Words from the curator

One of the first things i thought of when I replaced Auður Mikaelsdóttir temporarily at Svavarssafn was how exciting and fun it would be to work with Eva Bjarnadóttir. Eva is an artist that combines the national and international, being both avant-garde and ambitious, without forgetting the past and its various little details. Eva comes from Öræfi, the shire between the sands, yet she studies art at the Gerrit Rietveld Academy in the Netherlands. Since her return home to Iceland, she has contributed to the vibrant cultural life in her hometown, the old slaughterhouse that she acquired in 2017, now houses apart from chickens, different events such as musical acts, art shows, and more. It was exactly her work at the slaughterhouse that first caught my attention.

In 2019 Eva held an art show in Midpunkt, a space in Kópavogur that I and my wife Ragnheiður ran from 2018 – to 2021. The show was called Í morgunsárið, or in English, The Early Morning, and was about this slaughterhouse. That exhibition as well as this one both ask a pressing question for museums and cultural spaces such as Svavarssafn: What is so remarkable about old objects and memories? What do these things mean when they are shown outside of the venue? E.g., when robes, aprons, and hairnets that the staff of the slaughterhouse in Öræfi wore during their work until 1988, suddenly appear in a basement in Kópavogur under the guise of art.

When I discussed the idea with Eva of a show of one month, I was fully prepared that she would reject it, the time frame of the show was not only short, but the preparation time was as well. But then Eva came up with the fun idea of setting up an exhibition that is a living event and a place for continuous conversation. Where local performances, local history, and pancakes are intertwined, Húskveðja is both a farewell moment and a new beginning. This time the focus is not on a slaughterhouse that is reborn as a cultural center, but rather on a space that housed the first store for people from Öræfi. Gamlabúð was called Vöruhúsið while the store was located in the house, and is around 200 meters from the slaughterhouse, below Hamrabelti at Fagurhólsmýri. It is now going through a period of transformation after decades of hibernation, where it will soon find new meaning as a home for Eva and her family.

According to what Sigurður Björnsson from Kvískeri writes in the local history of Austur-Skaftafellssýslu, people from Öræfi visited the store in Höfn í Hornafirði after a long history run by the Germans. With the advent of a monopoly store, farmers in Öræfi were forced to go all the way to Djúpivogur until 1787. It is not economically stable when one considers that from Fagurhólsmýri there are around 224 kilometers to Djúpivogur. These trips were made on horseback and required you to cross difficult rivers and sand, but in 1915 ships began making voyages to Öræfi. These were not the first voyages there, as it is well known that Ingólfur Arnarson landed in Öræfi and also Þorgerður, one of the settlers. Later, Kári Sölmundarson broke his ship at Ingólfshöfði if we can take the word of Njála as truth.

As can be heard, we can trace Öræfi's trade history, if not to Ingólfur Arnarson, then at least to the so-called German century, and see that there are deep historical connections between Öræfi and Hornafjörður. But when unloading began it became more efficient for Öræfi to direct its business westwards to Mýrdal, and work under Kaupfélag Skaftfellinga. Just as merchant ships replaced horses and air transport took over from ships, so too would the car radically change the ways of trade and eventually result in Öræfi turning back to the east.

We live in a time where distances are rapidly declining and integration increases, for the most part, this is a very positive development whenever a new road facilitates travel. But when the travel norm changes, so too do business practices and cultures, for a warehouse built near the shore, during times of air travel and a completed ring road meant that the warehouse was poorly situated and also obsolete. The ring road around Iceland was completed in 1974 when the Skeiðarárbrú bridge was inaugurated, but in 1962 when the Fjallsá river at Breiðarmerkursandur was bridged, that bridge had a significant effect on business practices in Öræfi. Farmers in Öræfi had then for nearly half a century done most of their business with Kaupfélag Skaftfellinga in Vík, but now it seemed that it would soon be more cost-effective to direct them to Kaupfélag Austur-Skaftfellinga. In 1964, Kaupfélag in Höfn bought the real estate belonging to Kaupfélag Skaftfellinga in Öræfi, the very houses that Eva has worked within recent years as a part of her artistic creation and process.

The history of Icelandic art is shorter than the history of its trade to the degree that we cannot properly trace it back to the settlement. It could be said that Öræfin first entered Icelandic art history when Ásgrímur Jónsson appeared with his easels in the summer of 1911. Öræfin thus entered the history of painting a year earlier than Höfn as Ásgrímur appeared there a year later. In regards to Öræfi, the first professional Icelandic painter said that the nature there was very spectacular and beautiful as he painted e.g. Öræfajökull and Svínafell, which he thought looked like Iceland in ancient times, with forests up to the slopes, and landslide glaciers to the lowlands. By reading Ásgrímur's descriptions, it becomes clear that the country was not easy to navigate, “Skeiðará is one of the most damaging waters that can be mentioned, and only people from Öræfi knows to what extent. I got two men to follow me west and I half part dread the trip”. One of the first things that caught my attention in Ásgrímur's story was not just the descriptions of the country that is both beautiful but dangerous, but where he stayed and who his hosts were, but it was in Fagurhólsmýri and it was Eva's great-grandfather, Ari Hálfdánarson, who accompanied him around the countryside, e.g. out on the strange and peculiar Ingólfshöfði, as Ásgrímur puts it.

The tradition of art in Öræfi is therefore closely connected to the town of Fagurhólsmýri. Öræfi is woven into the tradition, like most settlements on the outskirts, with the eyes of travelers painting pictures of exotic landscapes to sell. In this case, the oil paintings and watercolors were sold in both Reykjavík and Copenhagen and not preserved in Skaftafellssýsla.

As the 20th century progressed, the working methods of artists changed. Painters such as Svavar Guðnason paved the way for abstract art in Iceland after the war. By the time Öræfi's general store was moving back from west to east, the Öræfi department of Kask in Fagurhólsmýri moved up the country, a new generation of artists was going even further and saying goodbye to the canvas altogether. One of the most interesting members of that generation, Birgir Andrésson, I believe has had a certain influence on this show. At his first solo exhibition in a gallery in Suðurgata, he showed photographs of the “eyktarmörk “, In earlier centuries, Icelanders divided the day into eight three-hour units called with an individual unit called an eykt, some of which still occur in everyday speech such as e.g. noon and midnight, while others such as rise and midday are less used. In a society where there are no clocks everywhere to be found, farmers had to rely on the landscape to tell about the course of the sun, and from there come names such as Hádegishólar (Noon-hills), and Miðmundagil (midday-ravine) for example. The art critic, Bragi Ásgeirsson, at the time wrote that the photos were repulsively ugly, but it should come as no surprise if they were not up to artistic standards. Hannes from Hækingadal, who took the pictures, had never held a camera before when Birgir drove up to him and asked him to take pictures of the eyktarmörk, and although they did not receive praiseworthy reviews, the National Museum immediately showed interest in them because it turned out that these were the only photographs of the eyktarmörk, it was not until an artist recognized the work that people realized that this was “knowledge that was dying out in the heads of old men.” (Source: Birgir Andrésson in Icelandic colors, by Þröstur Helgason)

I mention this in the context of Eva's exhibition because like Birgir, she directs our eyes to the past and asks us: Is there anything remarkable there that we need to think about, preserve, work with, or think about?. Unlike Ásgrímur Jónsson, she is a local who sees her surroundings not as foreign, but as everyday sights. We are much more on the trail of nostalgia than that of marvelous beauty. But unlike Hannes from Hækingsdal, who was a local when he took the pictures for Birgir, she is an educated artist who uses the methods of contemporary art in her creation.

With this exhibition, I hope to draw the attention of Hornafjörður's locals to cultural work and emphasize that Svavarssafn is an art museum belonging to the people of Öræfi just as it is an art museum of those who live in Höfn. Skaftrafell and Hornafjörður are on the outskirts of the county, which covers the long road between Lón and Skeiðarársandur. These are areas that are historically, economically, and culturally connected, but also have a unique position that artists such as Eva highlight beautifully.

The program that Eva has prepared for us is varied. We have the opportunity to visit the old warehouse on Saturday 28th of May, but then there will be a history walk, out to Salthöfði where poets and storytellers introduce us to the area and after that, a house greeting will be held in Gömlubúð. On the 2nd of June, we will look at how you can read into houses and memories with Eva, Auður Hildur Hákonardóttir, and Guðbjörg R. Jóhannesdóttir in Svavarssafn where the exhibition will be placed in a wider context, in collaboration with the regional museum and students in FAS. At the invitation of the Reykjavík Art Festival, the Belgian musician Yann Leguay and the dancer Inga Huld Hákonardóttir will perform for us their music and dance project “Again the sunset” in the exhibition itself on the 7th of June. Last but not least, of course, is the official opening on 21 May and the final farewell on 10th of June. This program is open to anyone who wants to participate, and more information can be found on the back.
We look forward to seeing you.

Snæbjörn Brynjarsson

_________________________________________________

Poem

Öræfalest- The caravan of Öræfi

The hardship of travelling and trading

was the heritage of those in Öræfasveit.

Those duties were done un-abating,

for their love of country was too great.

Across ravines and over streams and rivers,

the caravan with wet manes goods delivers.

Cruel is the obstacle that blocks the way,

of those who wish to return home today.

Their hooves trotted half the south,

to bring the goods to their families mouths.

Who dares now to try this same test,

and in the saddle do their very best?

In due time they rode the ocean wave,

In order to wares and merchandise save.

But when the streams and sea closed their way,

They soared the sky without dismay.

Translated badly by Snæbjörn Brynjarsson
Based on a poem by Þorsteinn Jóhannsson

_________________________________________________

Smælki / Trivia

Svavar Guðnason showing in America

The world-renowned abstract-painter, Svavar Guðnason, showed his work in Grönningen in Copenhagen recently. Next year he will participate in an even larger exhibition which will tour America and show in both Pittsburgh and Washington.
Editorial board
_________________________________________________

Hermitcrab

A certain species of crab goes under the name hermit-crab. These crabs, which may be found on beaches all around Iceland, do not have a shell and must rely on the shelter they can find inside the conches of various snailspecies. The crabs tend to exchange conches and can therefore be said to have both houses and a housing market.
S.B.
_________________________________________________

The Joke

Painter: "This is a cow grazing."
Audience: "Where is the grass."
Painter: "She ate it."
Audience: "But where is the cow?"
Painter: "She left when there was no more grass."
Editorial board
_________________________________________________

The story of Blesaklettur

When Öræfajökull erupted 1362 it is said that the only survivors were an old woman and a horse. The summer after the eruption a group of thingmen heading to Althingi saw a horse with a blaze on his head (Blesóttur in Icelandic). The horse was standing on the top of a cliff at Fagurhólsmýri. But when they attempted to capture it the horse panicked and jumped, which lead to it falling of the cliff. Since then the cliff behind the COOP-Warehouse has been known as Blesaklettur.
S.B.

New Inhabitants

Rumour has it that the traveller and artist Guðjón S. Runólfsson intends to settle in Öræfi. He has in recent years had many adventures in Canada. Guðjón was born in Hamrar in Mýrahreppur, but a source close to Höfðinn claims with much certainity that Guðjón will return to Iceland in a few years.
S.B.
_________________________________________________

Mice

Did you know that until the bridges were built, there were no mice in Öræfi.
S.B.
_________________________________________________

Hús Kveðja, opening 16 :00 May 21st

Opening with the artist and pancakes.

Walking tour at Salthöfði (two shoes) and Húskveðja 14 :00 May 28th

Eva leads a group for walk to Salthöfði. During the tour various guides will tell stories and poems. At the end of the walk Einar Bjartur Egilsson, Gunnlaugur Bjarnason, María Sól Ingólfsdóttir and Steinunn Björg Ólafsdóttir sing in Gömlu búð at Fagurhólsmýri. The walk starts at 14 :00 but the performance at 16:30

Lesið í hús/House reading- 2. June Kl.20:00

Environmental philosopher Guðbjörg R. Jóhannesdóttir and artist Auður Hildur Hákonardóttir put the exhibition into a wider context by reading into objects borrowed from the regional museum.

Again The Sunset- June 7th 20:00

Again the Sunset is an experience on the boundaries between a performance and a concert.

Inga Huld Hákonardóttir, one of Iceland´s most innovative choreographs, along with the belgian sound artist Yann Leguay, create a haunted love song that travels through the voice to the body, to raw elements and materials, like an expressive entity without an inherent body.

Lokahóf/Vernissage- June 10th 15:00

Curator offers guests some homemade pancakes.

Harmljóð um hest

Tue, 01 Mar 2022 19:27:04 GMT

Opnun í Svavarssafni

Harmljóð um hest í Svavarssafni. Sýningin samanstendur af ljósmyndum sem listamaðurinn Hlynur Pálmason tók yfir margra ára skeið, en Ástríður Magnúsdóttir er sýningarstjóri.

Laugardaginn 26. Febrúar opnaði Harmljóð um hest (Lament for a horse). Sýningin varpar sjónrænu og grafísku ljósi á rotnunarferli hests í síbreytilegri náttúru Íslands og er að sögn ljósmyndarans sjónrænn sorgarsálmur, eins konar virðingarvottur til íslenska hestsins sem spilað hefur veigamikið hlutverk í mótun og sögu Íslands. Listamaðurinn Hlynur hóf fyrir um fimm árum að ljósmynda líkamsleifar hests sem þurfti að urða og var í eigu föður hans. Í fyrstu var það form hestsins sem heillaði Hlyn þar sem gæðingurinn lá líflaus á jörðinni. Hann vildi fanga form hestsins, og ljósmynda ferlið þegar hesturinn hverfur náttúrulega í jörðu, á sama tíma og nýtt líf kviknar og ný landslagsmynd mótast. Hlynur vill með ljósmyndum sínum sýna okkur fegurðina í niðurbroti hestsins og skrásetja um leið hvernig tíminn líður og landið skiptir um lit.

Hlynur Pálmason lærði ljósmyndun og kvikmyndagerð í Evrópska Kvikmyndaskólanum og Den Danske Filmskole en býr á Höfn í Hornafirði. Hlynur hefur leikstýrt tveimur myndum í fullri lengd, Vetrarbræður og Hvítur, Hvítur, Dagur.

Sýningarstjóri er Ástríður Magnúsdóttir, listfræðingur. Hún hefur sýningarstýrt fyrir m.a. Listasafn Árnesinga og Hönnunarsafnið, og kennir við ljósmyndaskóla Íslands.

Sýningin stendur til 15. maí.

Hringfarar í Svavarssafni

Tue, 07 Dec 2021 19:24:48 GMT

Laugardaginn 9. október síðastliðinn opnaði sýningin Hringfarar í Svavarssafni.

Fjórir listamenn sýna á sýningunni, þau Guðjón Ketilsson, Elsa Dóróthea Gísladóttir, Sólveig Aðalsteinsdóttir og Guðrún Hrönn Ragnarsdóttir.

Laugardaginn 9. október síðastliðinn opnaði sýningin Hringfarar í Svavarssafni. Fjórir listamenn sýna á sýningunni, þau Guðjón Ketilsson, Elsa Dóróthea Gísladóttir, Sólveig Aðalsteinsdóttir og Guðrún Hrönn Ragnarsdóttir. Öll eiga verk þeirra í sýningunni það sameiginlegt að nýta sér náttúruleg efnafræðileg ferli og skrásetja umbreytingar.

Guðjón hlaut íslensku myndlistarverðlaunin í fyrra, en hann vinnur gjarnan með fundna hluti og sögur liðinna atburða sem hann skrásetur og endurskipuleggur. Elsa fæst við hverfulleika, sjálfbærni og alkemíu hversdagsins þar sem tíminn er mikilvægt element. Verk Sólveigar kjarnast í kringum náttúruna, jarðefni, gróður, vöxt og umbreytingar, en hún ræktar sinn listræna garð í vinnustofu sinni í Kjósinni. Efnisviðurinn í verkum Guðrúnar heldur áfram að lifa og breytast vegna umhverfisáhrifa.

Sýningin stendur til 28. janúar.

Svavar Guðnason : Listamaðurinn í ljósi jökulsins

Mon, 06 Sep 2021 19:19:37 GMT

Fyrirlestur Jóns Proppé listheimspekings í Nýheimum sunnudaginn 29. ágúst

Jón Proppé listheimspekingur hefur lengið fjallað um ævi og verk Svavars Guðnasonar og meðal annars sett upp yfirlitssýningu með verkum úr safneign Svavarssafns.

Í fyrirlestrinum rakti Jón æviágrip og feril Svavars og fjallaði um lykilverk hans. Jón beindi sjónum sérstaklega að áhrifum frá uppvextinum í Hornafirði þar sem birtu- og litbrigði jökulsins höfðu ævarandi áhrif á hinn unga listamann. Svavar sem varð einn okkar áhrifamesti málari fékkst alla ævi við að skilja og fanga hið einstaka sjónarspil sem náttúran og jökullinn veittu honum í veganesti í málverkum sínum.

Svavarssafn þakkar öllum sínum góðu gestum er sóttu fyrirlesturinn kærlega fyrir komuna og fyrir gagnlegar umræður er spunnust í kjölfar fyrirlestursins.

Leiðsögn & Listamannaspjall

Mon, 06 Sep 2021 19:17:15 GMT

Erla Þórarinsdóttir myndlistarmaður og Jón Proppé sýningarstjóri leiddu gesti um sýninguna Litir augans í Svavarssafni.

Laugardagurinn 28. ágúst var líflegur í Svavarssafni en þá gafst safngestum tækifæri til þess að fá leiðsögn um yfirstandandi sýningu Litir augans auk þess Erla Þórarinsdóttir og Jón Proppé sköpuðu umræðuvettvang um verkin og sýninguna. Áhugasamir unnendur menningar og myndlistar létu sig ekki vanta og kann Svavarssafn þeim öllum bestu þakkir fyrir komuna og góðar og gefandi umræður.

Litir augans í Svavarssafni

Tue, 06 Jul 2021 19:13:07 GMT

Opnun á myndlistarsýningu Erlu Þórarinsdóttur í samtali við verk Svavars Guðnasonar

Laugardaginn 3. júlí 2021 opnaði sýningin Litir augans í Svavarssafni. Sýningin er samspil verka Erlu Þórarinsdóttur og Svavars Guðnsonar. Opnunin var fjölsótt og gestir nutu ljóss og lita í sumaryl Hornafjarðar. Erla Þórarinsdóttir myndlistarmaður, Jón Proppé sýningarstjóri og Auður Mikaelsdóttir listfræðingur tóku á móti gestum og buðu upp á samtal um sýninguna. Svavarssafn þakkar öllum gestum nær og fjær fyrir komuna og ánægjulega samveru við opnunina.

Svavarssafn geymir gott safn af verkum Svavars Guðnasonar sem var einn af merkustu frumkvöðlum í íslenskri myndlist á síðustu öld. Á sumarsýningunni í ár teflir Erla Þórarinsdóttir litríkum málverkum sínum saman við litaheim hins látna meistara.

Svavar fæddist og ólst upp í Hornafirði og litadýrðin í málverkum hans speglar birtuna í sveitinni undir Vatnajökli, þótt hann hafi seinna dvalið lengi í Danmörku og meðal annars sýnt í París. Erla sækir líka liti sína í náttúruna, bæði hina ytri og innri náttúru, því orkustöðvarnar í líkama okkar og anda endurspegla birtuna í umhverfinu og alla litina sem þar teiknast fram.

Í sýningarskrá segir Jón Proppé, sýningarstjóri: „Hjá Erlu endurspeglar ljósheimurinn líka hinn innri heim og átök litanna endurspegla átökin sem eiga sér stað í sál okkar og líkama. Í okkur býr bæði ljós og myrkur, andstæðir litir og samstæðir, harka og mildi, fegurð og ljótleiki. Það er svo ævistarf okkar að reyna að koma öllu þessu í einhvers konar jafnvægi án þess að tapa við það orkunni, án þess að úr verði tóm lognmolla. Orkustöðvar líkama og sálar eru eins og litir í málverki og það er jafn erfitt að finna í þeim samhljóminn. Gott málverk er eins og góð manneskja.“

Á fáum stöðum birtist litheimur náttúrunnar með slíkum mikilfengleik og þegar sumarsólin roðar jökulinn og sveitina í Hornafirði. Sýning Erlu og Svavars stendur til 30. september og svo listunnendum gefst gott tækifæri til að upplifa þar samspil myndlistarinnar við töfra náttúrunnar.

Vatnslitanámskeið í Svavarssafni

Tue, 15 Jun 2021 19:06:59 GMT

Bjarki Bragason myndlistarmaður kenndi örnámskeið í Svavarssafni

Það voru áhugasamir og hressir krakkar frá Vinnuskóla Hornafjarðar sem tóku þátt í vatnslitanámskeiði í Svavarssafni í gær.

Bjarki Bragason myndlistarmaður tók á móti unga fólkinu og leiddi um einkasýningu sína SAMTÍMIS og kenndi þeim undirstöðuatriði við vatnslitamálun. Í kjölfarið fóru fúsir nemendur út í sólskinið að mála og afrakstur dagsins var ríkulegur en verkin hanga uppi til sýnis í bókasafninu í Nýheimum fram eftir vikunni. Verið velkomin að skoða!

Listamannaspjall í Svavarssafni á sunnudag kl.16

Thu, 10 Jun 2021 16:14:38 GMT

Bjarki Bragason myndlistarmaður leiðir gesti um sýninguna SAMTÍMIS

Sýningin er samstarfsverkefni Svavarssafns og Listasafns ASÍ. Hún stendur frá 15. maí til 30. júní. Á sunnudaginn 13. júní mun Bjarki Bragason leiða gesti um safnið og eiga samtal um sýninguna.

Næstkomandi sunnudag gefst Hornfirðingum og öllum okkar gestum færi á að heimsækja sýningu Bjarka Bragasonar í Svavarssafni og eiga samtal við listamanninn um verk sín. Sýning Bjarka hverfist um tvö tré frá tveimur ólíkum stöðum og frá tveimur ólíkum tímum í veraldarsögunni. Annað tréð er undan Breiðamerkurjökli og er talið vera frá árinu 797 en hitt tréð er frá Sierrra Nevada og er frá 1666. Sýningin fjallar um minni þessara tveggja planta og endurspeglar skörun þessa einstaklinga í tíma og tilvist. Á sýningunni er skúlptúrar og ljósmyndir sem Bjarki hefur unnið af viðkynnum sínum við trén.

Við hvetjum alla áhugasama eindregið til að mæta og taka þátt í líflegum samræðum. Það er ókeypis inn að vanda og allir hjartanlega velkomnir!

Svavarssafn hlýtur styrk úr Barnamenningarsjóði Íslands

Wed, 02 Jun 2021 16:12:28 GMT

Listasmiðjur Hringfara í Svavarssafni

Föstudaginn 28. maí veitti Auður Mikaelsdóttir listfræðingur styrknum viðtöku fyrir hönd Svavarssafns við hátíðlega athöfn í Hörpu.

Hlutverk Barnamenningarsjóðs er að fjármagna og styðja fjölbreytta starfsemi á sviði barnamenningar með áherslu á sköpun, listir og virka þátttöku barna í menningarlífi. Svavarssafni er sýndur mikill heiður með rausnarlegum styrk og mun safnið standa fyrir metnaðarfullaum listasmiðjum fyrir börn í samvinnu við Hringfara í tengslum við myndlistarsýningu þeirra.

Hringfara skipa fjórir myndlistarmenn; þau Elsa Dórótea Gísladóttir, Sólveig Aðalsteinsdóttir, Guðjón Ketilsson og Guðrún Hrönn Ragnarsdóttir. Í vetur verða því spennandi listasmiðjur á vegum Svavarssafns og Hringfara fyrir hornfirsk börn og ungmenni. Við hvetjum alla áhugasama til að taka þátt og gefa sínum sköpunarkrafti lausan tauminn undir leiðsögn myndlistarmanna og kennara.

Sjáumst í safninu okkar!

Svavarssafn kynnir nýtt hlaðvarp

Thu, 27 May 2021 16:08:36 GMT

Á alþjóðlega safnadaginn fór í loftið fyrsti hlaðvarpsþáttur Svavarssafns.

Þema alþjóðlega safnadagsins 2021 er Framtíð safna : Uppbygging og nýjar áherslur. Svavarssafn tekur skref til framtíðar í tengslum við hina alþjóðlegu hugmyndafræði með því að hleypa af stokkunum nýju hlaðavarpi fyrir safnið. Auður Mikaelsdóttir listfræðingur við Svavarssafn fær til sín góða gesti þar sem rætt verður um sýningar og starfsemi safnsins.

Markmiðið með hlaðvarpinu er að miðla starfsemi Svavarssafns á aðgengilegan máta og færa safnið nær þeim sem ekki eiga heimangengt. Fjallað verður um sýningar listasafnsins og rætt við þá sem koma að starfseminni og sýningum í safninu. Hugmyndin er að hafa hlaðvarpið á léttum nótum og að ná til flestra með fjölbreyttum efnistökum. Heyrumst í Svavarssafni!

Alþjóðlegi safnadagurinn í Svavarssafni

Thu, 27 May 2021 15:54:33 GMT

Þema alþjóðlega safnadagsins 2021 er Framtíð safna: Uppbygging og nýjar áherslur.

Í tilefni alþjóðlega safnadagsins bauð Svavarssafn í samvinnu við Listasafn ASÍ upp á leiðsögn um nýopnða myndlistarsýningu Bjarka Bragasonar SAMTÍMIS og listasmiðjur fyrir grunnskólabörn í kjölfarið.

Auður Mikaelsdóttir listfræðingur við Svavarssafn og Elísabet Gunnarsdóttir safnstjóri Listasafns ASÍ buðu nemendum úr Grunnskóla Hornafjarðar í heimsókn, fylgdu þeim um sýninguna og leiddu listasmiðjur þar sem fjallað var um tré og framtíðina. Áhugaverðar og líflegar umræður sköpuðust um viðfangsefnið og virkilega falleg pappírskort til notkunar í framtíðinni voru afköst listasmiðjunnar. Auður og Elísabet þakka frábærum krökkum, kennurum og foreldrum fyrir ánægjulega samveru í Svavarssafni!

Hreint og öruggt Svavarssafn

Thu, 18 Mar 2021 15:52:12 GMT

Svavarssafn tekur þátt í átakinu Hreint og öruggt á vegum Ferðamálastofu.

Verkefnið byggir á erlendri fyrirmynd og er ætlað að hjálpa ferðaþjónustuaðilum að taka á móti viðskiptavinum á ábyrgan hátt. Markmiðið er að gestir upplifi sig örugga um leið og þeir skapa góðar minningar. Verkefnið er sjálfsmat og byggir á trausti og vilja þátttakenda til þess að sýna ábyrgð í verki. Svavarssafn leggur ríka áherslu á öryggi gesta sé í fyrirrúmi og framfylgir gildandi sóttvarnarreglum. Þátttaka Svavarssafns í verkefninu er þannig liður í því að laða að gesti sem og að auka ánægjulega upplifun af heimsóknum í safnið.

Verkefnið hefur verið samþykkt af heilbrigðiseftirlitum sveitarfélaganna og World Travel and Tourism Council .

Verið velkomin í Svavarssafn!

Til Staðar í Svavarssafni

Sun, 31 Jan 2021 15:49:55 GMT

Myndlistarkonan Katrín Sigurðardóttir sýnir verkið Til Staðar í Svavarssafni.

Í verkinu hefur Katrín unnið með þær sérstöku aðstæður sem skapast hafa á Íslandi vegna heimsfaraldursins og beint sjónum að því frábæra listsköpunarefni sem er landið sjálft.

Til Staðar eru þrjár innsetningar í náttúru Íslands og heimildir í formi ljósmynda og myndbands. Hin staðbundnu verk voru unnin á afviknum stöðum í þremur landsfjórðungum. Við Hoffell undir Vatnajökli, á Skarðsströnd við Breiðafjörð og í Svalbarðshreppi í Norður-Þingeyjarsýslu. Hugmyndin að baki verkinu tengist samspili hráefnis sem staðsetningar, mannlegs inngrips og ferlum náttúrunnar sjálfrar.

Katrín Sigurðardóttir hefur á 30 ára ferli sýnt skúlptúra, teikningar, ljósmyndaverk og stórar innsetningar sem umbreyta reynslu og upplifun áhorfandans. Undanfarin ár hefur hún unnið með efnislega frumferla jarðarinnar í verkum sínum. Katrín hefur átt mikilli velgengni að fagna innan listheimsins og verk hennar verið sýnd hér heima og víða erlendis en hún hefur m.a. verið fulltrúi Íslands á Feneyjatvíæringnum, Sao Paulo Tvíæringnum í Brasilíu, Momentum í Noregi og Rabat tvíæringnum í Marokkó. Einkasýning hennar í Metropolitan safninu í New York borg árið 2010 vakti mikla athygli.

Sýning Katrínar í Svavarssafni mun standa frá 2. febrúar til 5. maí 2021. Sýningarstjóri er Auður Mikaelsdóttir.

Tilurð verksins má rekja til þeirra óvenjulegu aðstæðna sem skapast hafa á Íslandi í kjölfar covid-19 en hugmynd Katrínar var að skapa verk sem gæti hjarað við svo sérstök skilyrði, fremur en að takmarkast af þeim. Þannig beinir hún sjónum sínum að landinu sjálfu og hráefnum þess. Viðfangið er náttúran og efniviðurinn er jörðin. Hér skapast verk úr efni sem hvorki þarf að kaupa né flytja, heldur verður listaverkið til á staðnum, ekkert er flutt að eða numið á brott. Verkið er unnið in situ á ógrónum reit þar sem jarðvegur var grafinn upp og unnin í leir. Leirinn formar Katrín í einingar sem minna á múrsteina og raðar þeim í hleðslu sem myndar tilvísun í byggð form, handverk og arkitektúr. Hér er bæði efnið og umhverfið lífrænt, aðeins jörðin sjálf hefur skipt um form. Jarðvegurinn hvílir á sínum stað og eiginleikar hans eru óbreyttir en hamurinn er annar. Hið mótaða form stendur þar fyrir veðri og vindum og þar til það máist eða leysist upp og hverfur aftur í jörðina.

Jarðverkið við Hoffellsá á bæði uppruna sinn og endalok á staðnum. Leirinn, sem efniviður í sínum óendanleika, er minnisvarði um forgengilegt handverk mannsins (memento mori) þegar hann tekur á sig byggt form um stund. Katrín umbreytir gangi tímans í verkinu þar sem hið byggða lífræna form er fljótt að leysast upp í náttúrunni og líkist fornleifum á aðeins nokkrum dögum en ekki árhundruðum. Þannig vekur verkið upp hughrif sem spanna tíma, rúm, landslag, list og sköpun. Áhorfandinn skynjar samspil hugmyndarinnar og sjónrænnar framsetningar.

Hinar staðbundnu innsetningar mátti heimsækja og skoða meðan þær vörðu. Verkið við Hoffellsá hvílir í sínum upphafsreit, þó tíminn og náttúran hafði unnið á því og máð út þekkjanlegt form þess. Sýningin í Svavarssafni er ein þriggja sýninga sem hver um sig eru heimild um verkið, í nánd við uppruna þess og umhverfi.

Undanfari þessa verks eru staðbundin jarðverk og ljósmyndir sem sýndar voru á FRONT þríæringnum í Cleveland í Bandaríkjunum (2018), yfirlitssýningu Katrínar í Broad safninu í Michigan og á Tvíæringnum í Rabat í Marokkó (2019). Þessi verk fengu titilinn Namesake sem nær yfir allt ferlið; frá námuvinnslu á leir á Íslandi sem steyptur var í kantsteina til innsetningar þeirra í jarðveg á nýjum stað í nýju landi þar sem leirinn hvílir til framtíðar. Með Namesake skírskotar flutningur jarðvegs yfir landamæri í það líf sem sprettur af einni jörð og endar í annarri. Þessi verk hafa þannig sagnfræðilega vídd sem vísar til þjóðflutninga Íslendinga til Norður-Ameríku á tímum Vesturfaranna (FRONT, Broad) og til Norður-Afríku á tímum Tyrkjaránsins (Rabat). Orðið namesake vísar í það þegar staður er nefndur eftir öðrum stað, til dæmis Reykjavík í Manitoba þar sem íslenskir landnemar vísa til síns fæðingarstaðar og heimalands.

Í verkinu Til Staðar sem Katrín hefur unnið að öllu leyti á Íslandi er linsan dregin enn nær, en bæði þessi verk hverfast um minni og staðsetningu, minnið í efninu sjálfu, sem bókstaflega er til staðar, þó manngert form þess hverfi.

Katrín Sigurðardóttir fæddist í Reykjavík árið 1967 og hafa verk hennar verið sýnd víða bæði hérlendis og erlendis. Verk hennar High Plane hefur verið til sýnis í Listasafni Íslands síðastliðið ár og hefur hún margsinnis verið fulltrúi íslenskrar myndlistar á erlendri grundu, svo sem á Feneyjatvíæringnum 2013, Sao Paulo Tvíæringnum í Brasilíu 2018, Momentum í Noregi 2000 og Rabat tvíæringnum í Marokkó 2019. Einkasýning hennar í Metropolitan safninu í New York borg árið 2010 vakti mikla athygli.

Síðastliðin ár hefur Katrín unnið með jörðina sjálfa og efnislega frumferla náttúrunnar í verkum sínum. Þetta eru ferlar sem eru rannsakaðir á sviði fornleifafræði og eru frekar viðfangsefni jarðfræðinnar heldur en listarinnar. Þeir bera vitni um staðbundna fortíð, minni jarðar og hráefnis á sínum upphafsstað. Katrín notast við aðferðafræði námuvinnslu þar sem hún beinlínis nemur efni úr jörð og parar við staðlaða framleiðsluferla og flutningsaðferðir. Að lokum skilar hún efninu aftur í jörðina þar sem það samsamar sig jörðinni aftur. Í eitt augnablik í ferli jarðar tekur efnið á sig form byggingareininga. Þetta form og hlutverk þess er varðveitt í ljósmyndum áður en hin óhefta náttúrulega þróun heldur áfram og jörð snýr aftur til jarðar. Í samtali við Frances Richard sem birtist í vefritinu Places Journal segir Katrín:

“…Tíminn og náttúruöflin standa í eilífu mótvægi við byggingarlistina. Rústin snýr við stigveldinu á milli náttúrunnar og mannsandans. Til að vitna í Georg Simmel, „það sem mannsandinn reisti verður efniviður sömu krafta og forma útlínur fjallsins og árbakkans.“ Ég hika við að lýsa því sem ég geri sem eyðandi, vegna þess að „eyðilegging“ er eigindlegt, gildismetið hugtak og felur í sér hlutlægan, mannlegan ásetning. Ég hugsa frekar um ferlana mína sem sem nokkurs konar forsnið fyrir náttúruöflin. Að setja upp ákveðnar breytur þannig að þegar manngerður hlutur hlutur og þyngdaraflið grípa saman á óvæntan hátt, þá má segja að skilningur okkar á þessum hlut, hvað hann er og hvernig hann á að virka, sé dregin í efa. Ég er viss um að margir arkitektar geta vitnað um þetta. Kannski er arkitektúr einmitt það, að hanna forsnið fyrir náttúruöflin - í hagnýtum, markvissum tilgangi fyrir okkur mennina. „Forsniðið“ mitt leiðir hinsvegar til þess að virkni og tilgangur þess sem er formað eða byggt, er endurskoðað og endurskilgreint og að lokum enduruppgötvað.”

Samverustundir

Thu, 03 Dec 2020 15:46:29 GMT

Til þess að hvetja til gæðastunda foreldra og barna hefur Menningarmiðstöð Hornafjarðar tekið saman hugmyndir að samverustundum fjölskyldunnar.

THugmyndirnar eru nokkrar og er um að gera að nýta þær hugmyndir sem hér eru til samveru fjölskyldunnar þar má finna t.d. jólabingó, föndur, jólaskraut.

Njótum jólaundirbúningsins saman og góðar stundir.

Samverustundir

Hér má finna hugmyndir af mjög skemmtilegu jólaföndri:

https://www.hun.is/einfalt-jolafondur-sem-bornin-geta-tekid-thatt-i/

https://www.pinterest.com/sifstan/j%C3%B3laf%C3%B6ndur-fyrir-b%C3%B6rn/

Hér má finna hugmyndir af jólabakstri:

https://www.leidbeiningastod.is/uppskriftasafn/category/jolauppskriftir/3

Gjöf til Menningarmiðstöðvarinnar

Thu, 12 Nov 2020 15:44:15 GMT

Þann 11.11.2020 barst Menningarmiðstöðinni óvænt og falleg sending frá Ragnari Önundarsyni.

Böggullinn inniheldur veglegt safn bréfa og skissa til afa Ragnars, Ragnars Ásgeirssonar (1895-1973), frá Höskuldi Björnssyni (1907-1963) listmálara frá Dilksnesi. Bréfin endurspegla þrönga stöðu Höskuldar sem listamanns og varpa ljósi á ómetanlegan stuðning, vinarþel og velgjörðir Ragnars í garð Höskulds. Menningarmiðstöðin tekur við rausnarlegri gjöf Ragnars af djúpu þakklæti. Verður safnið skráð og varðveitt í Héraðsskjalasafni Austur Skaftafellssýslu.

Endurskoðun, uppgjör og innrás abstraktsins á Svavarssafni

Tue, 01 Sep 2020 15:41:50 GMT

Endurskoðun, uppgjör og innrás abstraktsins á Svavarssafni

Laugardaginn 29. ágúst opnaði myndlistasýningin Endurskoðun, uppgjör og innrás abstraktsins í Svavarssafni. Á sýningunni eru nokkur verk frá árunum 1941-49 eftir listafólk sem bar með sér nýja strauma inn í íslenskt listalíf um miðja síðustu öld. Listaverkin eru eftir Svavar Guðnason, Þorvald Skúlason, Jón Engilberts, Nínu Tryggvadóttur og Louisu Matthíasdóttur.

Við stríðsbyrjun fluttu Þorvaldur Skúlason og Jón Engilberts heim frá Kaupmannahöfn og þær Nína Tryggvadóttir og Louisa Matthíasdóttir fluttu einnig heim um það leyti. Svavar Guðnason varð hins vegar innlygsa í Danmörku og kom ekki heim fyrr en í stríðslok.

Svavar er sá myndlistarmaður íslenskur sem hefur vakið hvað mesta athygli erlendis og var mikill brautryðjandi í íslenskri list á 20. öld. Þegar Svavar Guðnason flutti heim með fyrsta skipi eftir stríðslok 1945 flutti hann með sér talsvert af verkum sem hann sýndi í Listamannaskálanum í ágúst 1945. Eftir einangrun stríðsáranna gafst Íslendingum þar kostur á að sjá sjálfsprottna abstraktlist í fyrsta sinn. Sýning Svavars í Listamannaskálanum markaði tímamót, því með henni hófst samfelld saga íslenskrar abstraktlistar, sem átti eftir að fá mikið vægi í íslenskri myndlist næstu áratugina. Verk Svavars eru sýnd hér með verkum samtímamanna sem unnin eru á svipuðum tíma og átti Abstraktið eftir að hafa mikil áhrif á verk þeirra flestra næstu áratugina.

Öll verkin á sýningunni tilheyra stofnagjöf Ragnars Jónssonar í Smára til Alþýðusambands Íslands sem lagði grunninn að stofnun Listasafns ASÍ sumarið 1961.

Vegna aðstæðna í samfélaginu verður engin formleg opnun á sýningunni að þessu sinni en seinna í haust verður boðið til dagskrár þar sem Elísabet Gunnarsdóttir sýningarstjóri segir frá verkunum á sýningunni og Halla Gunnarsdóttir framkvæmdastjóri Alþýðusambands Íslands ávarpar gesti.

Sýningin er samstarfsverkefni Listasafns ASÍ og Svavarssafns og kemur í stað sýningar á verkum Bjarka Bragasonar sem frestað var til næsta árs.

Sýningarstjóri: Elísabet Gunnarsdóttir safnstjóri Listasafns ASÍ

Safnstjóri: Eyrún Helga Ævarsdóttir fostöðumaður Menningarmiðstöðvar Hornafjarðar

Fréttabréf Menningarmiðstöðvar Hornafjarðar

Thu, 25 Jun 2020 15:37:30 GMT

Frettabref_1593084088469
Yfirlit yfir farinn veg og komandi tíma á Menningarmiðstöðinni

Lífið um borð

Wed, 10 Jun 2020 18:58:54 GMT

Lífið um borð - Ljósmyndasýning Héraðsskjalasafns Austur-Skaftafellssýslu

Mikligarður, Stúkusalur 7.6.2020 - 7.9.2020

Stefán Ólafsson vann að því verkefni að safna stafrænum afritum ljósmynda af bátum sem skráðir hafa verið á Hornafirði og er það safn nú varðveitt í ljósmyndasafni Héraðsskjalasafns Austur-Skaftafellssýslu. Verkefninu verður haldið áfram og er markmiðið að fá mynd af hverjum einasta báti sem hér hefur staldrað við í lengri eða skemmri tíma.

Sjómenn hafa verið fljótir að tileinka sér heimildaskráningu með því að ljósmynda lífið og starfið um borð. Í gegnum árin hefur sú iðja orðið auðveldari með betri og aðgengilegri ljósmyndatækni. Nú geta flestir sjómenn tekið myndir og deilt þeim jafn óðum í gegnum internetið. Það eru miklar heimildir fólgnar í ljósmyndunum sem sjómenn taka og á þessari sýningu fáum við að skoða lífið um borð í gegnum linsuna þeirra.

Bestu þakkir færum við öllum þeim sem hafa lánað ljósmyndir til afritunar.

Prentun ljósmynda: Brynjúlfur Brynjólfsson

Barnastarfið- Heinaberg

Wed, 10 Jun 2020 18:55:16 GMT

Í gær fór barnastarf Menningarmiðstöðvarinnar í eyðibýlaskoðun að Heinabergi og í för með barnastarfinu var leikjanámskeið Sindra. Alls voru saman komin um 60 börn sem fræddust um eyðibýli og léku sér í náttúrunni. Eins og alltaf voru börnin prúð og góð og skemmtu sér vel.

Barnastarfið- Óslandið

Wed, 10 Jun 2020 18:52:50 GMT

Sumarstarfinu er hafið á Menningnamiðstöðinni og þar er barnastarfið efst á baugi og var fyrsta ferðin farin þriðjudaginn 2. júní kl. 14 frá Menningarmiðstöðinni í Nýheimum og var ferðinni heitið í Óslandið í fuglaskoðun með Bjössa Arnars. ÞAr fræddumst við um náttúruna og fuglalífið.

Barnastarf Menningarmiðstöðvarinnar

Wed, 10 Jun 2020 18:49:27 GMT

Nú líður að því að barnastarf Menningarmiðstöðvarinnar fari af stað.

Þar gefst krökkum tækifæri á að kynnast nærumhverfinu á nýjan hátt.

Í ár munum við ferðast um víðan völl og hlakkar okkur til að sjá sem flesta í barnastarfi sumarsins.

Farið verður af stað kl. 13:00 alla þriðjudaga nema annað sé tekið fram.

Farið verður afstað frá Nýheimum.

Við minnum ykkur á að koma klædd eftir veðri og með nesti.

Frítt er í allar ferðir.

Ný upplýsingaskilti sett upp á Höfn

Wed, 22 Apr 2020 18:36:48 GMT

Undanfarið hafa verið sett upp ný upplýsingarskilti á Höfn þar sem saga sveitarfélagsins er dregin fram.

Á upplýsingaspjöldunum ferðumst við aftur í tímann að upphafi byggðar 1897 og skoðum lífið á Höfn fyrr á tímum. Við gerð skiltanna var stiklað á stóru í sögu Hafnar og megin þáttum samfélagsins gerð skil.

Skiltin eru 27 talsins og samhliða þeim var hannaður ratleikur fyrir fjölskylduna sem gaman er að hafa með sér þegar gegnið er á milli skilta og sagan rifjuð upp. Ratleikurinn er aðgengilegur á vefsíðu Menningarmiðstöðvar Hornafjarðar, mmh.hornafjordur.is

Spjöldin voru hönnuð af starfsmönnum Menningarmiðstöðvar Hornafjarðar og verkefnið hlaut styrk úr styrktarsjóði Eignarhaldsfélags Brunabótarfélags Íslands.

Ratleikur fyrir fjölskylduna

Thu, 02 Apr 2020 18:24:27 GMT

Á nýjum upplýsingarspöldum sveitarfélagsins er margt fróðlegt að finna.

Nú er búið að búa til ratleik og leynast svörin við leiknum á nýju spöldunum góðu.

Ratleikurinn er hannaður af starfsfólki Menningarmiðstöðvar Hornafjarðar og er leikurinn ætlaður til að kynna sögu Hafnar. Á nýjum upplýsingarspöldum sveitarfélagsins er margt fróðlegt að finna og á þeim leynast svör við spurningunum sem koma fyrir á verkefnablöðunum. Þá rennur leikurinn á milli upplýsingaspjalda sem lesa þarf til að fá vísbendingar.

Góða skemmtun.

Menningarhátíð í Nýheimum

Wed, 18 Mar 2020 18:18:54 GMT

Menningarverðlaun, umhverfisviðurkenningar, styrkir nefnda og bæjarráðs.

Föstudaginn 13. mars var mikið um dýrðir hér í Sveitarfélaginu Hornafirði, en þá var haldin vegleg menningarhátíð Sveitarfélagsins í Nýheimum, þar voru afhentir styrkir og viðurkenningar sveitarfélagsins.

Alls voru 29 styrkir veittir, það voru styrkir menningarmálanefndar, bæjarráðs, fræðslu- og tómstundarnefndar, sem og styrkir úr atvinnu- og rannsóknarsjóði.

Matthildur Ásmundardóttir bæjarstjóri setti hátíðina og kom fram í máli hennar mikilvægi þess að koma saman og fagna fjölbreyttri menningu, umhverfisvitund og frumkvöðlastarfi í sveitarfélaginu því menning er samofin samfélaginu og órjúfanlegur hluti þess.

Menningarverðlaun fyrir árið 2019

Menningarverðlaun hafa verið veitt frá árinu 1994 og í ár voru tíu einstaklingar tilnefndir til verðlaunanna. Fram kom í ræðu Eyrúnar Helgu Ævarsdóttir forstöðumanns Menningarmiðstöðvar Hornafjarðar að hlutverk verðlauna er að veita hvatningu til handa listamönnum, fræðimönnum og áhrifavöldum fyrir verk sín. Það að vera tilnefndur er heiður og sönnun þess að verkin ykkar skipta okkur máli.

Menningarverðlaun Hornafjarðar hlaut að þessu sinni Kristján Heiðar Sigurðsson fyrir sitt ævistarf til menningarmála. Hann er mikill tónlistarmaður og hefur auðgað mennningu Hornafjarðar um árabil og sinnt af mikilli kostgæfni og elju hinum ýmsu menningarverkefnum í sveitarfélainu.

Heiðar byrjaði ungur að spila á hljóðfæri, stofnaði og hefur verið meðlimur í fjöldanum af hljómsveitum alla sína tíð og fóru þeir félagar í hljómsveitinni Vitringarnir t.d. í Músíktilraunir árið 1989. Hljómsveitir Heiðars hafa skemmt Hornfirðingum á dansleikjum og skemmtunum í sveitarfélaginu í gegnum tíðina.

Heiðar hefur verið þátttakandi í hinum ýmsu menningartengdu verkefnum í gegnum árin, hann hefur komið að uppsetningu söngleikja, söngvakeppna, stýrt hljóðkerfum á hinum ýmsu viðburðum og staðið vaktina sem hljóðmaður, tæknimaður, tónlistarstjóri, svo eitthvað sé nefnt, og sinnt þessum verkefnum af miklum metnaði.

Hann er einn af stofnendum Hornfirska Skemmtifélagsins og hefur verið tónlistarstjóri félagsins frá upphafi eða síðan fyrsta sýningin var sett upp haustið 2002. Heiðar starfaði sem tónlistarkennari í Tónskóla Austur-Skaftafellssýslu frá árinu 2005 til 2016 og kenndi þar nemendum á hljóðfæri og tónfræði.

Heiðar hefur verið kórstjóri Kvennakórs Hornafjarðar frá árinu 2009. Hann hefur samið og útsett fjöldann allan af lögum og leitt kórinn í hinum ýmsu söngverkefnum innan lands sem utan. Heiðar stýrir kórnum af miklum metnaði og eldmóð.

Atvinnu og rannsóknarsjóður

Bjarn Ólafur Stefánsson fulltrúi í Atvinnu- og menningarmálanefndar afhenti styrki atvinnu og rannsóknarsjóðs, fram kom í máli hans að í ár hafi nefndinni borist 12 metnaðarfullar umsóknir í sjóðinn. Hljóðaði heildarupphæð umsóknanna upp á rúmar tíu miljónir en alls voru 2.3 milljónir króna til úthlutunar.

Einnig tók Bjarni Ólafur fram að meginhlutverk sjóðsins væri: „Að efla byggð og atvinnu í Sveitarfélaginu Hornafirði og er sjóðnum ætlað að veita styrki til verkefna sem lúta að atvinnuþróun, rannsóknum og nýsköpun í Sveitarfélaginu Hornafirði.“

Í ár var einni milljón úthlutað úr A-hluta og hlaut HLS styrkinn að þessu sinni fyrir verkefnið „Eystrahorn – Mannlífsþættir“

Úr B-hluta var úthlutað 1.3 milljónum. Náttúrustofa Suðausturlands hlaut tvo styrki, annarsvegar fyrir verkefnið „Tjarnir – rannsókn á fuglalífi við tjarnir“ og hinsvegar fyrir „verkefnið „Lurkana heim – til sýningar eftir forvörslu“. Ennfremur hlaut Sigurlaug Gissurardóttir styrk fyrir verkefnið „Skrásetning á sögu kvenfélaga í Austur-Skaftafellssýslu“ og Íris Ragnarsdóttir Pedersen og Erla Guðný Helgadóttir fyrir verkefnið “Öræfaskólinn”

Umhverfisviðurkenningar

Finnur Smári Torfason, varaformaður umhverfis- og skipulagsnefndar veitti umhverfisviðurkenningar fyrir hönd nefndarinnar.

Tilgangur viðurkenninganna er að vekja íbúa sveitarfélagsins til umhugsunar um gildi náttúru og umhverfis á samfélagið og jafnframt að hvetja þá til að sýna náttúru og umhverfi tilhlýðilega virðingu.

Í ár voru veittar þrjár viðurkenningar. Í flokki fyrirtækja og stofnana, lögbýla og að auki var veitt viðurkenning fyrir fallega lóð.

Heiðrún Þorsteinsdóttir og Hermann Hansson fengu viðurkenningu fyrir fallega og snyrtilega lóð að Hlíðartúni 14.

Pakkhúsið fékk viðurkenningu í flokki fyrirtækja og stofnana fyrir vel hirta og snyrtilega lóð.

Gunnar Helgason og Hafdís Bergmannsdóttir að Stóra-Bóli fengu viðurkenningu fyrir fallegt og snyrtilegt lögbýli.

Hornfirðingar eru hvattir til að taka fyrrnefnda aðila til fyrirmyndar, umhverfi og samfélagi til góðs. Einnig eru íbúar hvattir til að senda inn tilnefningar til umhverfisviðurkenninga 2020 í hausts.

Styrkir nefnda og bæjarráðs.

Alls bárust fjórtánumsóknir um Menningarstyrki, og eru þeir veittir félagasamtökum og einstaklingum til menningartengdra verkefna. Fram kom í máli Eyrúnar Helgu að með þessum styrkjum vilji nefndin hvetja og styrkja félagasamtök og einstaklinga til frekari starfa í þágu menningar.

Eftirtalin félagasamtök hlutu styrk að þessu sinni:

Blús og rokkklúbbur Hornafjarðar, Gleðigjafar, Hornfirska Skemmtifélagið, Karlakórinn Jökull Kvennakór Hornafjarðar, Leikfélag Hornafjarðar, Lúðrasveit Hornafjarðar , Samkór Hornafjarðar Heiðar Sigurðsson „Þú komst með jólin til mín“ , Teresa María Rivarola „Fingraleikhús“, Viljahjálmur Magnússon „Vírdós“, Félag Harmonikkuunnenda, Félag áhugafólks um myndlist, Barnastarf Hafnarkirkju.

Frá fræðslu- og tómstundanefnd fengu sex félagasamtök styrki en það voru: Hestamannafélagið Hornfirðingur, Klifurfélag Öræfinga, Umf. Sindri – rafíþróttadeild, Umf. Sindri – fimleikadeild, foreldrafélag Sjónarhóls og foreldrafélag Grunnskóla Hornafjarðar.

Bæjarráð veitti eftirtöldum styrki í ár. Karlakórinn Jökull styrkur til að halda Kötlu- landsmót Karlakóra, Skógræktarfélag Austurskaftafellssýslu, Hirðingjarnir og Umhverfissamtök Austurskaftafellsýslu.

Athöfnin var hátíðleg að vanda Unnur Birna og Bjössi Thor tóku lagið með hljómsveit sinni og Karlakórinn Jökull tók vel valin lög undir stjórn Jóhann Morávek og undirleik Guðlaugar Hestnes.

Öllum styrk- og verðlaunahöfum er óskað til hamingju.

Tækni

Thu, 27 Feb 2020 18:08:40 GMT

Sýningin Tækni opnaði í febrúar í Gömlubúð

Tækni er vítt skilgreint hugtak sem notað er um getu lífveratil þerr að nýta sér unhverfi til framdráttar.

Mannkynið hefur nýtt sér vísindin til þess að búa til ýmiskonar verkfæri sem hafa breytt lífsskilyrðum á hverjum tíma.

Saga þróunar tækni er nátengd sögu þróunar mannsins. Með tækni er hugsanlega átt við hluti eins og tæki, vélar og verkfæri en það á einnig við um huglæga hluti svo sem kerfi, skipulag og aðferðir.

Í dag eru farsímar nýttir í hin ýmsu störf samfélagsins og eru orðnir öryggistæki margra.

Farsímar eru nýttir við björgunarstörf, við neyðarútköll, vinnu á sjó og á landi og til að halda uppi félagslegur tengslum. Mikið er rætt um slæm áhrif farsímanotkunar á einstaklinga en samt sem áður er síminn þarfa þing á hverju heimili. Nánast hver einstaklingur yfir 12 ára aldur getur sagst vera eingandi farsíma hér á landi.

Þróun farsíma s.l. ár hefur verið ótrúleg og sést sú þróun vel á þessum tækjum sem til sýnis eru á sýningunni. Hafa þau þróast hratt í tímans rás og hvert og eitt þeirra og tekið á sig aðrar og minni myndir. Í dag er öll þessi tækni í litlum símatækjum og aðgengileg með einni snertingu á farsíma.

Bókastoð eftir Guðmund frá Miðdal.

Thu, 27 Feb 2020 18:02:14 GMT

Munur mánaðarins

Bókastoð eftir Guðmund frá Miðdal.

Þessi bókastoð stóð lengi vel í afgreiðslu Byggðasafnsins, þegar safnið var með aðstöðu til sýningar í Gömlubúð. Stoðin er verk eftir Guðmund Einarsson frá Miðdal, þekktan keramíker og var gerð árið 1951. Hún er búin til úr leir og er græn að lit.

Bókastoðin er stytta af konu sem situr í stól og er að lesa bók.

Pure Mobile vs Dolce Vita eftir Moniku Fryčovu

Thu, 27 Feb 2020 11:35:37 GMT

Árið 2013 fór Monika Fryčová með saltfisk á pínulítilli vespu frá Seyðisfirði til Lissabon, með viðkomu í Afríku. Þar var fiskurinn verkaður og sýndur sem listaafrakstur þess anga ferðarinnar. Þá fór hún til Al jezur og sótti bestu sætu kartöflurnar sem héraðið býður upp á og flutti þær á vespunni en nú til Reykjavíkur hvar þær voru hafðar til sýnis, og bundu jafnframt endahnút á þann legg ferðarinnar.

Ferðalagið var allt myndað og gerð um það heimildamynd - þó var margt sem vídeóvélin gat ekki fangað. Monika settist því niður og reit nokkurskonar ljóðræna dagbók ferðarinnar, sem er í senn vegabók í anda Kerouacs og myndlistarverk.

Monika kynnir fyrir okkur þetta merkilega ferðalag og sýnir bókina. Og máski má jafnvel kaupa eintak.

Föstudagshádegi

Kynningarfundur um fjárhagsáætlun

Thu, 28 Nov 2019 17:58:35 GMT

Föstudagshádegi

Föstudagshádegi 29.11.

Föstudagshádegi þessa vikuna er kynningarfundur um fjárhagsáætlun Sveitarfélagsins Hornafjarðar.
Íbúar eru hvattir til að mæta á fundinn og kynna sér rekstur sveitarfélagsins og eiga samtal við bæjarstjóra, starfsmenn og kjörna fulltrúa.
Fundurinn verður sendur beint á heimasíðu sveitarfélagsins.

https://www.facebook.com/events/424472521763873/

Aðventuhátíð sveitarfélagsins

Tue, 26 Nov 2019 17:45:33 GMT

Laugardaginn 30.11.

Efnt verður til jólahátíðar Sveitarfélagsins Hornafjarðar laugardaginn 30.11. Hátíðin fer fram í Nýheimum.

Hátíðardagskráin hefst kl 14:00 og stendur til 17:00 og lýkur með tendrun jólaljósa á bæjarjólatrénu.

kaffihús, jólaföndur, söngur, jólagleði og jólasveinarnir láta sjá sig.

Skál

Tue, 26 Nov 2019 17:43:22 GMT

Munur mánaðarins

Þessi skál er skráð sem: Leirskál, boruð og seymd.

En talað er um að búið sé að seyma leirtau, þegar boruð hafa hafa verið göt sitthvorumegin við brot og þrætt í gegnum þau með þræði, málmi eða öðru til þess að halda brotunum saman og áfram sé hægt að nýta hlutinn.

Þessi skál var gefin af Elíasi Jónssyni á Rauðabergi á Mýrum. Upphaflega er skálin úr búi Kristínar Erlendsdóttur, föðursystur Elíasar og afa hans, Erlends Pálssonar.

http://www.sarpur.is/Adfang.aspx?AdfangID=1856983

Deep purple

Tue, 29 Oct 2019 17:41:21 GMT

Listasýning í Bókasafni Austur- Skaftafellssýslu

Marc Fulchini sýnir klippimyndir á sýningu sinni Deep purple á "Veggnum" í bókasafninu Nýheimum.
Verið velkomin á opnun frá kl 15:30-17:00 fimmtudaginn 24.október.

Um sýninguna:
Þegar þú flysjar burt gagnsæju lögin sem að umlykja kjarna þinn birtist nýr djúp fjólublár litur. Hinn eitt sinn mjúki og ljós fjóliblái tónn sem að birtist samfélaginu út á við verður sterkari með hverju laginu sem flett er burtu. Í örvæntingafullri leit þinni að sannleikanum týnir þú af þér lag fyrir lag þangað til að þú ferð að nálgast viðkvæman en jafnframt íburðamikinn kjarnann. Þegar þú loks fellir síðustu blöðin og umfaðmar dökka litinn, er það ekki bara tímaspursmál hvenær ný lög taka að myndast? Ný lög sem hlaðast upp dekkri og ógagnsærri, því tíminn er hvass og kjarnann þarf að verja. Svo að lokum verður hinn ný afhjúpaði kjarni klæddur þéttu drapplituðu hlífðarlagi.

Marc Fulchini presents collages from the Deep purple series in an exhibition on "The wall" in the library Nýheimar.
Welcome to the opening from 15:30-17:00 o´clock Thursday 24.October.

About the exhibition:
Deep Purple is the color that reveals itself when you strip away the transparent layers covering your core. The once soft shade of lavender, which is presented to society, becomes increasingly intense in color with each peel. Ripping off layer by layer until you are at your most vulnerable and flamboyant center, desperately seeking to discover absolute truth. However, when you fully shed the superficial layers and embrace this Deep Purple, is it just a matter of time for new and different kinds of layers to be created? These new layers built less transparent and more opaque, as time is harsh and the core must be fortified. Eventually, the freshly exposed becomes covered in a thick coat of beige.

Sykurkar

Mon, 21 Oct 2019 17:34:24 GMT

Sykurkar frá Reynivöllum

Munur mánaðarins

Sykurkar.

Kom ásamt rjómakönnu og kaffikönnu. Þessir þrír hlutir eru úr silfurpletti, gjöf Þórhalls Daníelssonar og frú Ingibjargar Friðgeirsdóttur til hjónanna á Reynivöllum, Þorsteins Arasonar og Elínar Jónsdóttur

Gefandi: Arelly Þorsteinsdóttir 1897-1975, Þorsteinn Guðmundsson 1895-1984

Notandi: Elín Jónsdóttir 1864-1954, Þorsteinn Arason 1866-1924

http://www.sarpur.is/Adfang.aspx?AdfangID=1695450

Ólafur B. Schram kynnir bókina Höpp og Glöpp á Hótel Höfn 4.11. kl 20:00

Mon, 14 Oct 2019 17:32:29 GMT

Bókin Höpp og Glöpp kemur út 1.11. Bók fyrir allt fullorðið fólk, full af sögum, viðureignum, dauðafærum og uppákomum, ekkert nema höpp og glöpp.

Umferð bíla.

Ég var svo heppinn að fá að fara í sveit sem barn og unglingur. Ég var ennþá heppnari en aðrir því að ég fór í Öræfin. Samgöngur voru öðruvísi þá. Til dæmis voru bara ein eða tvær brýr frá Núpsstað í vestursýslunni að Hala í Suðursveit. Virkisá og Skafta-fellsá höfðu verið brúaðar skömmu áður en ég fór austur í fyrsta skipti. Á bænum var sími, tengdur í sveitalínuna og auðvelt var að hlusta eftir fréttum. Þá komu í Öræfin, um 10 til 20 manns á sumri. Mest voru þetta vísindamenn sem áttu erindi við Kvískerjabræður eða í Skaftafell til Ragnars í Hæðunum, síðar þjóðgarðsvarðar, og Jakobs í Böltanum.

Eldra fólkið á mínum bæ hafði nákvæma yfirsýn um hver var á hverjum stað á hverjum tíma og hversu lengi þeir ætluðu að vera. Talnatímabil voru frá þriðjudegi til þriðjudags, því þá var flogið til Reykjavíkur. Enginn komst austur né að austan nema með flugi á þriðjudögum. Þegar brúin kom á Jökulsá á Breiðamerkursandi opnaðist fyrir vegasamband og var sú samgöngubót miklu mikilvægari fyrir Öræfinga heldur en Skeiðarárbrúin 1974. Þeir áttu eftirsóknarverðari erindi austur á Höfn, þar var læknirinn, þar voru búðirnar. Jökulsárbrúin var vígð með viðhöfn 1967. Ég var þá orðinn unglingur og vildi taka þátt í þessum fögnuði og flaug því austur. Brúarvígsluballið var náttúrulega það sem ég var að sækjast eftir. Það var haldið framundan bænum mínum, í Fundarhúsinu, sem af aðfluttum er stundum kallað Þinghúsið nú til dags. Þar er nú gisting. Ein af stærstu stundum lífs míns var einmitt morguninn eftir ballið. Þá varð ég vitni að ótrúlega sögulegu atviki.

Ég fór snemma fram úr á sunnudagsmorgni, er svokallaður A-maður. Á hlaðinu stóðu tvær systur Gunnars bónda míns og Jón, pabbi Sigrúnar bónda og konu Gunnars. Þau mændu öll í austurátt, austur með Hofsfjallinu. Það var bíll að koma að austan. Bíll sem enginn þeirra hafði séð áður né heyrt um að væri væntanlegur. Þetta var að mínu viti fyrsti bíllinn sem kom vestar í sveitina á þessum sunnudegi, deginum eftir brúarvígsluna. „hann er grænn!“ heyrði ég og leit í átt að rykmekki frá bílnum. Aðeins einn grænn bíll var í allri sveitinni, Vípon á Svína-felli. Ekki gat þetta verið hann því hann var ennþá í Svínafelli þennan morgun. Bíllinn ók hægt í vesturátt og nú óx spenningurinn. Um tvær leiðir var um að velja framhjá bænum, heimtröðin sem liggur að kirkjunni eða fyrir utan túnin í „veitunni“. Hann fór ytri leiðina og enginn gat séð hversu margt fólk þetta var, hverjir þetta væru, hvaða erindi þeir ættu til vesturs, hversu lengi þeir myndu vera þar og hvenær væri von á þessum bíl framhjá bænum aftur! Gamli maðurinn sneri sér, vatt upp á sig og skyrpti um leið og hann sagði: „Svona verður þetta eftir að brúin kom!“ Hér varð ég vitni að algeru heljarstökki. Íbúar bæjarins höfðu frá aldaöðli vitað upp á hár hver var á ferðinni, í hvaða erindagjörðum, hversu margir, hversu lengi, við hvern þeir hefðu samband og hvenær þeir færu úr sveitinni. Þessi stund líður mér aldrei úr minni.

Hanna Dís vöruhönnuður

Fri, 11 Oct 2019 17:30:23 GMT

Föstudagsfyrirlestur 11. október

Vörukynning í Nýheimum

Hanna Dís vöruhönnuður kynnti hönnun sína undir merkjum fyrirtækisins Studio Hanna Whitehead í Nesjum. Um er að ræða húsgögn, keramíkgripi og textíl af ýmsum toga. Hanna Dís hefur haldið sýningar og viðburði víða um heim og má þar telja; í Þjóðminjasafninu, á Kjarvalsstöðum, í Safnahúsinu og Hönnunarsafni Eistlands.

Var kynningin vel sótt og stemmning góð einsog sjá má.

Hanna Dís Whitehead kynnir hönnun sína

Fri, 11 Oct 2019 17:25:08 GMT

Hanna Dís vöruhönnuður frá Studio Hanna Whitehead í Nesjum ætlar í föstudagshádegi að kynna hönnun sína sem drifin er áfram af ferli, rannsóknum og efnistilfinningu.

Hanna Dís vöruhönnuður frá Studio Hanna Whitehead í Nesjum ætlar í föstudagshádegi að kynna hönnun sína sem drifin er áfram af ferli, rannsóknum og efnistilfinningu. Hún hefur meðal annars hannað húsgögn, keramík hluti og ýmsan textíl. Hanna hefur haldið sýningar og viðburðir á Íslandi og erlendis t.d á Þjóðminjasafni Íslands, Kjarvalsstöðum, Safnahúsinu og Hönnunarsafni Eistlands. Einnig hefur hún átt í samstarfi við erlend fyrirtæki og hönnuði.

Mötuneyti verður opið og er mælst til þess að fólk sem vill kaupa annaðhvort súpu eða salat, eða bæði, staðfesti það í pósti til motuneyti@fas.is

Súpa - 1000 kr
Salat - 1000 kr

Fréttabréf Menningarmiðstöðvarinnar

Mon, 30 Sep 2019 17:14:30 GMT

Sumarið er tíminn

Kjöt-fiskifat

Mon, 30 Sep 2019 17:09:17 GMT

Munur mánaðarins

Nr: 1982-77

Kjöt-fiskfat.

Þetta fat kemur frá Meðalfelli og var gefið af Björgu Jónsdóttur, húsmóður þar. Fatið var notað til þess að bera fram mat, bæði kjöt og fisk. Þetta fat er gott dæmi um lifandi skráningu gripa á söfnum, en í skráningu þess segir "Fatið er viðgert með tini af Árna Bergssyni bónda í Svínafelli úr búi Jóhönnu og Einars á Meðalfelli. Viðgerðin er framkvæmd af Árna Pálssyni á Setbergi að sögn Ara Árnasonar sem mundi vel þegar þetta var unnið".

http://www.sarpur.is/Adfang.aspx?AdfangID=1856911

Sögur úr hirslum

Fri, 27 Sep 2019 17:06:27 GMT

Leirlist hefur verið til í þúsundir ára og verið vitnisburður um hvernig fólk háttaði lífi sínu á hinum ýmsu skeiðum mannkynssögunnar.

Sögur úr hirslum.

Leirlist hefur verið til í þúsundir ára og verið vitnisburður um hvernig fólk háttaði lífi sínu á hinum ýmsu skeiðum mannkynssögunnar.

Leirmunir koma oft við sögu í daglegu lífi. Við teljum þá ómissandi við neyslu matar og drykkja, til geymslu og jafnvel til að sitja á.

Í tengslum við sýninguna Leit að postulíni í aðalsal safnsins sýnum við valda muni frá Byggðasafni Austur-Skaftafellssýslu. Úr þeim má lesa sögur. Velta má fyrir sér hvað hefur verið rætt um þegar drukkið hefur verið úr herstöðvar-bollanum á Stokksnesi? Hvernig kom skálin með kínverska mynstrinu til Hornafjarðar? Við hvaða tilefni var drukkið úr flöskunum? Úr hverju er brotið sem fannst í skútuflaki dregnu upp úr Breiðarmerkurdjúpi? Hver sat og gerði við skálar af natni? Leirinn geymir sannarlega sögur samferðafólks síns.

Í Japan kallast listin að gera við keramíkmuni Kintsugi eða gullna samskeytið. Þá er gert við hlutina með lakki blönduðu með dufti úr gulli, silfri eða platínum. Kenningin er að upphefja brotið sem hluta af sögu hlutarins frekar en eitthvað sem beri að fela.

Fegurðin liggur í sögunni.

Leirmunir þessir úr hirslum Byggðasafnsins bera þess merki að hafa verið nýttir vel og mikils metnir af þeim sem þá áttu, stundum jafnvel, seymdir, spengdir og límdir til að lengja líftíma þeirra. Ekki þótti ástæða til að henda þeim þótt þeir brotnuðu enda gátu þeir orðið eigendum sínum til gagns ef gert var við þá.

Byggðasafn Austur-Skaftafellssýslu þakkar, öllum þeim sem gefið hafa muni á safnið á liðnum árum, kærlega fyrir.

Sjá má sýninguna hér:

http://www.sarpur.is/Syning.aspx?ID=651

Skráning á verkum Höskuldar Björnssonar

Fri, 27 Sep 2019 17:03:34 GMT

Skráning á verkum Höskuldar Björnssonar listmálara stendur yfir.

Barnastarf 2019

Thu, 26 Sep 2019 16:58:08 GMT

Skemmtilegt barnastarfssumar 2019

Barnastarf Menningarmiðstöðvar Hornafjarðar 2019

Hefð er fyrir því að Menningarmiðstöð Hornafjarðar standi fyrir fræðslu og skemmtiferðum fyrir börn frá sjö ára aldri. Í sumar var þar engin breyting á og voru farnar 10 ferðir.

Ferðirnar tókust allar mjög vel og vorum við mjög heppin með veður í sumar. Börnin stóðu sig öll með prýði og hafa greinilegan áhuga á umhverfi sínu.

Í barnastarfi sumarsins skoðuðum við nærumhverfið og fræddumst um náttúruna, fórum í bátsferð út í Mikley, heimsóttum Flatey og Papós. Björn G. Arnarson fór með börnin út í Ósland og sagði þeim frá lífríkinu og lífsháttum fugla og tókst honum að gera alla mjög áhugasama. Steinunn Hödd starfsmaður Vatnajökulsþjóðgarðs fór með okkur í ferð um þjóðgarðinn og sýndi áhugasömum börnum lífríkið í nágrenni Haukafells. Farið var inn að Hólmi í Laxárdal að skoða minjar og lúruveiðin með Jóni Þorbirni var vinsæl að vanda og voru farnar 2 ferðir þann daginn. Ágætis afli var í ferðunum. Óvissuferðin tókst mjög vel þar sem farið var í Haukafell þar gæddu börnin sér á pylsum og svala.

Starfsfólk Menningarmiðstöðvarinnar þakkar öllum þeim sem tóku þátt í ferðunum og öllum þeim sem lögðu lið. Svona starf getur ekki gengið nema með velvilja samfélagsins og hans njótum við svo sannarlega.

Sérstakar þakkir fá: Fallastakkur ehf., starfsmenn Flateyjar, Björn Arnarson, Steinunn Hödd Harðardóttir, Jón Þorbjörn Ágústsson, starfsmenn Hafnarinnar og bílstjórar.

Hlökkum til að sjá sem flesta með okkur á næsta ári.

Starfsfólk Menningarmiðstöðvar Hornafjarðar.

Myndir úr sumarstarfi barnastarfsins má finna hér: http://hornafjmenningvefur.eplica.is/hagnytar-upplysingar/myndasafn/

Eyrún Helga Ævarsdóttir.

Orkuhreyfingin

Thu, 20 Jun 2019 16:53:52 GMT

Sunnudaginn 2. júní opnaði sýning á Listasafni Svavars Guðnasonar.

Tengsl manna við náttúruna eru margs konar og mismikil. Náttúran býr yfir mikilli orku og er kvik. Hún stöðvast aldrei, vötn streyma, fuglar svífa, jöklar hörfa, aldan rís og hnígur, vindarnir færa allt til og undir því sem augað sér eru aflmiklar hræringar.

Á sýningunni eru verk eftir Svavar Guðnason, Hildi Steinþórsdóttur og Rúnu Thors. Svavar Guðnason talaði um hlutverk náttúrunnar í verkum sínum, hrynjandina í landslaginu, víðáttuna og hreyfinguna - orkuhreyfinguna. Í samtali listamannanna er þessi hreyfing ýfð upp, rannsökuð, skoðuð og sett í sterkt samhengi við uppsprettuna - náttúruna. Verkin mynda tengingar við fjöllin, ísinn og ljósið. Vatnið flæðir og gefur steypu og litum líf.

Bóndadagur og þorri

Fri, 25 Jan 2019 15:44:03 GMT

Þorri var fjórði mánuður vetrar, og við upphaf hans telst veturinn vera hálfnaður.

The body content of your post goes here. To edit this text, click on it and delete this default text and start typing your own or paste your own from a different source.

Mánuðurinn hefst á föstudegi 13. viku vetrar sem núna er á bilinu 19.-25. janúar.

Árni Björnsson segir frá þorranum og hefðum tengdum honum og bóndadegi í bók sinni Saga daganna og kemur hér örstutt samantekt úr kafla hans um þorrann.

Lítið er til af rituðum heimildum um þorrann og bóndadag fyrir tuttugustu öldina, en Árni dregur þá ályktun að þessi heiti hafi þó verið almennt notuð í talmáli, því þau breyddust það hratt upp úr 1930. Því má telja líklegt að þessi heiti hafi verið í almennri notkun, en ekki hafi verið skrifað um þau, né þau birt þegar menn óttuðust reiði kirkjunnar ef upp kæmist að haldið væri í þessa heiðnu siði. En ljóst er að mánaðarheitið er mjög gamalt. Það kemur fram í handritum frá 12. öld og svo virðist sem svokölluð þorrablót hafi einnig verið haldin á Íslandi áður en kristin trú var tekin upp, því til eru heimildir um það að íslendingum sé enn heimilt að blóta eftir siðaskiptin, svo lengi sem blótað er á laun.

Svo virðist sem reglurnar um umfjöllun heiðinna hefða sé farin að slakna á 17. öld, en þá strax er aftur farið að yrkja um þorrann. Oftar en ekki er hann persónugerður í þessum kvæðum honum er lýst sem miklu glæsimenni eins og stórum og sterkum víkingi eða voldugum konungi eða sem larfalegum förummanni. Oftar enn ekki ortu prestar um þorrann á seinni háttinn. En í báðum lýsingunum er Þorri þó heimtufrekur og geðstirður, og jafnvel harður og grimmur.

Á 18. öld færist umfjöllun um þorrann strax í aukanna, en það að halda upp á þorrakomu virðist fyrst og fremst hafa verið siður hjá alþýðunni sem dæmi má nefna bréf sem síra Jón Halldórsson skrifar til Árna Magnússonar að þetta séu ekki merkilegar skemmtanir og segir m.a. "Eg fyrirvirði mig að setja a papyr til göfugra persóna soddan fávisku." Eða með öðrum orðum vill hann gera sem minnst úr skemmtanahöldum almúgans.

Árni bendir á að ólíklegt sé að fólk hafi verið að taka upp á þessum siðum á 17. og 18. öld, þar sem hægt var að kenna þetta við heiðnidóm og jafnvel túlka sem kukl. Af þessum ástæðum vill hann meina að það sé líklegra að þessar móttökur þorra séu leifar af gömlum alþýðlegum menningararfi.

"Þess vegna var það skylda bænda "að fagna þorra" eða "bjóða honum í garð" með því að þeir áttu að fara fyrstir á fætur allra manna á bænum þann morgun sem þorri gekk í garð. Áttu þeir að fara ofan og út í skyrtunni einni, vera bæði berlæraðir og berfættir, en fara í aðra brókarskálmina og láta hina svo lafa eða draga hana á eftir sér á öðrum fæti, ganga svo til dyra, ljúka upp bæjarhurðinni, hoppa á öðrum fæti í kringum allan bæinn, draga eftir sér brókina á hinum og bjóða þorra velkominn í garð eða til húsa. Síðan áttu þeir að halda öðrum bændum úr byggðarlaginu veislu fyrsta þorradag; þetta hét "að fagna þorra".

Í lok 19. aldar fer svo að bera á því í þéttbýlum að farið sé að auglýsa þorrablót. Í byrjun 20 aldar dreyfist þessi siður einnig í dreifbýli, og má til gamans geta að Árni nefnir að þorrablót hafi t.d. verið haldið í Suðursveit árið 1915.

Eins og segir hér að ofan var siður að gera vel við sig í mat og drykk á þorranum. Það á enn við, en þó varð sá siður til um miðja tuttugustu öldina að fara að bjóða upp á þjóðlegann mat í trogi, sem við köllum núorðið þorramat, enda er orðið erfitt að nálgast þessar kræsingar utan þorrans. Önnur hefð sem varðveist hefur í gegnum aldirnar er að gera vel við bóndann, og hefur sá siður til dæmis orðið til á tuttugustu öldinni að færa bónda blóm á bóndadaginn.

Þorrinn endar svo á þorraþræl, sem er viss feginsdagur þar sem harðasti mánuður vetrarins er þar með búinn.

Bóndadagur og þorri

Fri, 25 Jan 2019 10:57:50 GMT

Þorri var fjórði mánuður vetrar, og við upphaf hans telst veturinn vera hálfnaður. Mánuðurinn hefst á föstudegi 13. viku vetrar sem núna er á bilinu 19.-25. janúar.

Árni Björnsson segir frá þorranum og hefðum tengdum honum og bóndadegi í bók sinni Saga daganna og kemur hér örstutt samantekt úr kafla hans um þorrann.

Svo virðist sem það hafi verið siður að taka rausnarlega á móti Þorra. Mikilvægt var að veita vel í mat, drykk og klæðum, en væri ekki tekið nógu vel á móti honum var næsta víst að hann myndi hefna þess grimmilega. Misjafnt var eftir landssvæðum, hvort móttaka Þorra væri helst í höndum karla eða kvenna, sumsstaðar áttu bændur t.d. að taka til mat á þessum degi, sem annars hefur verið starf kvenna, annarsstaðar átti húsfreyja að stjana við húsbóndann sem var þá táknmynd Þorra. En allsstaðar, átti þó einnig að gera vel við bændur og var almennt lagt meira í mat og drykk heldur en aðra daga á þessum árstíma. Ein frásögn um móttöku þorra er á þessa leið:

"Þess vegna var það skylda bænda "að fagna þorra" eða "bjóða honum í garð" með því að þeir áttu að fara fyrstir á fætur allra manna á bænum þann morgun sem þorri gekk í garð. Áttu þeir að fara ofan og út í skyrtunni einni, vera bæði berlæraðir og berfættir, en fara í aðra brókarskálmina og láta hina svo lafa eða draga hana á eftir sér á öðrum fæti, ganga svo til dyra, ljúka upp bæjarhurðinni, hoppa á öðrum fæti í kringum allan bæinn, draga eftir sér brókina á hinum og bjóða þorra velkominn í garð eða til húsa. Síðan áttu þeir að halda öðrum bændum úr byggðarlaginu veislu fyrsta þorradag; þetta hét "að fagna þorra".

Í lok 19. aldar fer svo að bera á því í þéttbýlum að farið sé að auglýsa þorrablót. Í byrjun 20 aldar dreyfist þessi siður einnig í dreifbýli, og má til gamans geta að Árni nefnir að þorrablót hafi t.d. verið haldið í Suðursveit árið 1915.

Þorrinn endar svo á þorraþræl, sem er viss feginsdagur þar sem harðasti mánuður vetrarins er þar með búinn.

mmh-hornafjordur

Sumarlestur 2026

Nú þegar sumarið er farið að láta sjá sig er ekki úr vegi að kynna fyrir ykkur Sumarlesturinn en í ár tökum við á móti honum Gúnda Geithafri og hjálpum honum að komast yfir í gróskumikinn haga.

Búsetuminjar í Austur-Skaftafellssýslu

Frá árinu 2020 hefur rannsóknarsvið Menningarmiðstöðvar Hornafjarðar, ásamt Þórbergssetri á Hala í Suðursveit, unnið að skráningu búsetuminja frá fyrri tíð í héraði sveitarfélagsins.

Tímabundin lokum, breytingar og spennandi tímar fram undan á Svavarssafni

Í kjölfar sýningarloka Nytja hefur listasafni Svavars Guðnasonar nú hefur verið lokað og verður lokað fram á haust.

Skráning safngripa frá Kvískerjum

Það er erfitt að láta sér leiðast í geymslu Byggðasafns Austur-Skaftafellssýslu.

Barnamenningardagar á Suðurlandi haldnir í fyrsta skipti

Barnamenningardagar á Suðurlandi fara fram dagana 22.–26. apríl næstkomandi, í kringum sumardaginn fyrsta.

Vika 17 á almenningingsbókasöfnum

Vika 17 er alþjóðleg vika heimsmarkmiðanna á almenningsbókasöfnum, en hún fer fram í 17. viku ársins.

Útgáfa Skaftfellings heldur áfram

Vinna við næstu útgáfu Skaftfellings, þá 25. í röðinni, er nú hafin af fullum krafti.

Fjölbreytileikavikan á MMH 2026

Nú er hin frábæra fjölbreytileika vika hafin og Bókasafn Menningarmiðstöðvarinnar hefur skipulagt þrjá mismunandi viðburði af því tilefni.

Út úr geymslunni, íbúar hvattir til að hafa áhrif á nýja safnasýningu

Byggðasafn Hornafjarðar hefur hrundið af stað nýju og spennandi verkefni undir yfirskriftinni „Út úr geymslunni“ , þar sem markmiðið er að færa gripi úr geymslu aftur fyrir augu almennings

Menningarhátíð Hornafjarðar 24 verkefni hlutu styrk

Menningarhátíð Sveitarfélagsins Hornafjarðar fór fram með hátíðlegri athöfn í Nýheimum síðastliðinn föstudag, 6. mars.

Menningarhátíð sveitarfélagsins 2026

Menningarhátíð sveitarfélagsins verður haldin í Nýheimum föstudaginn 6.mars kl.17:00.

Menningarsaga Breiðamerkursands

Á síðustu öldum hafa Breiðamerkurjökull og árnar sem frá honum renna, mótað Breiðamerkursand með þeim hætti, að landslag er gjörbreytt frá því sem var við landnám.

Sumarstörf óskast á bókasafn og í Gömlubúð!

Hægt er að sækja um þessi sumarstörf hjá Menningarmiðstöð Hornafjarðar.

Nýr starfsmaður á Byggðasafni

Menningarmiðstöð Hornafjarðar hefur ráðið Birnu Jódísi Magnúsdóttur tímabundið til starfa í 50 % starfshlutfall við Byggðasafn Austur-Skaftafellssýslu.

Líflegir tímar fram undan í Gömlubúð

Veturinn og haustið hefur verið fremur rólegt hvað varðar komu ferðamanna í Gömlubúð. Þrátt fyrir minni umferð hefur starfsemin verið virk og ýmislegt átt sér stað sem hefur vakið athygli og ánægju gesta.

Norðurljósablús

Rithöfundakvöld Menningarmiðstöðvar Hornafjarðar

Nú er komið að hinu geisi vinsæla rithöfundakvöldi Menningarmiðstöðvar Hornafjarðar en viðburðurinn fer fram sunnudaginn 23.nóvember kl.20 í Nýheimum.

Líf og fjör í Gömlubúð

Fyrsta sumarið eftir að Gamlubúð opnaði aftur hefur lífið í húsinu verið viðburðaríkt og líflegt. Gamlubúð hefur sannað gildi sitt sem menningarhús þar sem bæði heimamenn og gestir hafa notið fjölbreyttrar dagskrár og hlýlegs andrúmslofts.

Bókasafnið stóð fyrir málþingi í Grunnskólanum

Síðastliðinn mánudag, 20. október, stóð Bókasafn Menningarmiðstöðvar Hornafjarðar fyrir málþingi í Grunnskóla Hornafjarðar fyrir alla nemendur í 9. og 10. bekk.

Hornfirska Rithöfundakvöldið

Fimmtudaginn 2. október hélt Menningarmiðstöð Hornfirðinga Hornfirskt bókakvöld í Nýheimum en tilefnið var að óvenju margar bækur hafa komið út á síðustu mánuðum þar sem höfundar og/eða umfjöllunarefnið tengist Sveitarfélaginu Hornafirði.

Uppskeruhátíð Sumarlestursins 2025

Síðastliðinn laugardag var hin langþráða Uppskeruhátíð Sumarlestursins 2025 haldin á bókasafni Menningarmiðstöðvar Hornafjarðar en þar fögnuðum við því hvað börnin okkar voru dugleg að lesa heima í sumar.

Óskar Guðjónsson MOVE

Jazztónleikar í Gömlubúð

Heimtaug-Hiraeth

Laugardaginn tíunda ágúst opnaði sýning Eirúnar Sigurðardóttur Heimtaug-Hiraeth í Svavarssafni.

Heimtaug-Hiraeth

Laugardaginn tíunda ágúst opnaði sýning Eirúnar Sigurðardóttur Heimtaug-Hiraeth í Svavarssafni.

Nr. 5 Umhverfing

Nr. 5 Umhverfing er stærsta listasýning í sögu Hornafjarðar

Nr. 5 Umhverfing

Nr. 5 Umhverfing er stærsta listasýning í sögu Hornafjarðar

Harmljóð um hest-útgáfuteiti

Laugardaginn 15. júní verður útgáfuteiti á bókinni Harmljóð um hest.

Sunna Gunnlaugs Trio

Tríó Sunnu Gunnlaugs spilar í Nýheimum 18. júní og hefjast tónleikarnir kl 20:00. Miðaverð er 3.900kr og eru seldir við hurð.

Harmljóð um hest-útgáfuteiti

Laugardaginn 15. júní verður útgáfuteiti á bókinni Harmljóð um hest. ﻿

Barnastarf MMH

Nú líður að því að barnastar Menningarmiðstöðvarinnar fari af stað.

Kjöttægjur, blóð og eitthvað óáþreifanlegt

Viðtal við Stephan Stephensen ljósmyndara

Menningarverðlaun 2024

Atvinnu og menningarmálanefnd óskar eftir tillögum að verðlaunahafa menningarverðlauna sveitarfélagsins 2024 fyrir árið 2023

Mannvist á Mýrum

Myndasýning á Bókasafni í Nýheimum

Næturútvarp í Svavarssafni

Sýning Ástu Fanneyjar Sigurðardóttur Næturútvarp í Svavarssafni

Almar í tjaldinu

Mikið fjölmenni var á opnun sýningarinna

Almar in the tent

In July 2023 a young painter came to Hornafjörður to paint himself into what was at that time a 110 year old tradition. He put up a tent on Hrossó, or Hrossabitahagahól ...

Listamaður upp á Hrossó

Listamaðurinn Almar Atlason dvelur mánaðarlangt á Hornafirði. Þessa helgi, er hann að koma sér fyrir upp á toppi Hrossó í gjörning sem mætti kannski kalla Almar á hólnum.

Nær og fjær

Sýning um mótunarár Svavars Guðnasonar á Íslandi og Danmörku

Guðrúnarkviða í Svavarssafni

Kolsvört kómedía um að vakna í eigin jarðarför

Collaborative Contaminations í Svavarssafni

Dansgjörningur úr heimi vatns og ísa

Byggðasafn Hornafjarðar hefur hrundið af stað nýju og spennandi verkefni undir yfirskriftinni  „Út úr geymslunni“ , þar sem markmiðið er að færa gripi úr geymslu aftur fyrir augu almennings

Laugardaginn 15. júní verður útgáfuteiti á bókinni Harmljóð um hest.

Þorvarður Árnason
Blámi / Blueness
18. febrúar - 15. maí 2023