Aldrei útskrifuð – Ætíð minnst : sýning á bókasafni Menningarmiðstöðvar Hornafjarðar

Sandra Björg Stefánsdóttir • 22. júní 2026

Alþjóðlegi jafnréttiskólinn (GRÓ GEST: Gender Equality Studies & Training Programme under the auspices of UNESCO), ásamt Úkraínuverkefni Háskóla Íslands og Menningarmiðstöð Hornafjarðar, er gestgjafi sýningarinnar Aldrei útskrifuð – Ætíð minnst, sem fer fram á bókasafni Menningarmiðstöðvar Hornafjarðar frá og með 18. Maí 2026.

Frá árinu 2023, hefur sýningin ferðast um heiminn til að heiðra minningu 40 úkraínskra námsmanna sem aldrei munu útskrifast úr háskólanámi sínu, þar eð þeir létu lífið í innrás Rússa í Úkraínu sem hófst 24. febrúar 2022.


Sýningin inniheldur tilbúin prófskírteinu 40 námsmanna og á þau er rituð saga nemendanna sem létust í blóma lífsins. Skírteinin eru því tákn menntunar og standa eftir sem minnisvarðar um skarð sem aldrei verður fyllt.


Markmið sýningarinnar er að minna umheiminn á yfirstandandi stríð og það gjald sem Úkraínumenn greiða á degi hverjum í baráttu sinni fyrir frelsi.


Daryna Zavhorodnia sem nú stundar nám við Alþjóðlega Jafnréttisskólann, er ein af upphafsmönnum sýningarinnar sem sett hefur verið upp í ólíkum háskólum og söfnum í yfir fjörutíu löndum. Daryna var stödd á Höfn á opnun sýningarinn þann 18. maí s.l. og  kynnti þá sýninguna og verkefnið.



Sýningin mun standa uppi á bókasafninu út júní mánuð og öll eru velkomin að kynna sér efni hennar á opnunartíma bókasafnsins. 


< Eldri færslur

 Nýrri færslur >

Nú í aðdraganda að Humarhátíð þá hefur Héraðsskjalasafnið gert yfir 700 ljósmyndir aðgengilegar á miðlunarvefnum til skoðunar! 📸🦞

Eftir Dagur Snær Guðmundsson • 23. júní 2026
Það er ótrúlega gaman að sjá allar minningarnar lifna við og fá innsýn í stemninguna, fólkið og söguna sem Humarhátíðin hefur skapað í gegnum árin.

Frétt um Barnastarf Menningarmiðstöðvarinnar 2026

Eftir Sandra Björg Stefánsdóttir • 4. júní 2026
Í fjölda ára hefur Menningarmiðstöð Hornafjarðar borðið börnum í sveitarfélaginu að taka þátt í Barnastarfi Menningarmiðstöðvarinnar sem fram fer á sumrin. Árið í ár er engin undantekning og hefur Menningarmiðstöðin skipulagt ferðir og allskonar skemmtilegar uppákomur fyrir börnin í sumar.

Sumarlestur 2026

Eftir Kristín Vala • 28. maí 2026
Nú þegar sumarið er farið að láta sjá sig er ekki úr vegi að kynna fyrir ykkur Sumarlesturinn en í ár tökum við á móti honum Gúnda Geithafri og hjálpum honum að komast yfir í gróskumikinn haga.